القرض والفيزا بعد الاستقاله

[السهم المجروح]

السلااام عليكم ورحمة الله وبركاته
انا وواحد من الربع قدمنا استقالاتنا من شهرين تقريبا اليوم صاحبي داقين عليه البنك قسم التحصيل ويقولون عليه تأخير شهر ونص للقرض وشهرين للفيزا رد عليهم ان حالياً مو متوظف وقريباً باذن الله يتوظف ويسدد الاقساط المتأخره لكنها ردت عليه ان جدامه لي اخر الشهر ويسدد الاقساط المتأخزه او يحولونه للشئون القانونيه واذا تحول للشئون القانونيه لازم يسدد القرض والفيزا كامله وهذا من قوانين البنك المركزي !

اخواني بصراحه صاحبي خايف لان هو جدامه مو اقل من شهرين علشان يتوظف وقاعد يحاتي لان مايبي يدخل قضايا وعوار راس هل كلام موظفة قسم التحصيل صج ولا بس تبي تخرعه لان اللي اعرفه ان الشركات مايرفعون قضيه او يتخذون اي قرار الا بعد خمس شهور وابي اعرف الاجراءات منكم وابيكم تفيدوني

 

[مراويس]

خل يطنش انا لو منه ارفع عليهم قضيه

 

[rahaly]

لا اعرف عن سياسة الشركات واذا كان لديهم مبدا التاجيل

لكن في حالتكم - يمكن تقديم امر اداء واستصدار حكم سريع

نصيحتي راجعوا البنك وحاولوا تأجلون الموضوع وديا

علما بان الموضوع يحتاج لبعض الوقت لانهاء الاجراءات

والله اعلم

 

[السهم المجروح]

مشكور اخوي مراويس وين يطنش الريال يمشي يم الساس
اخوي رحال الله يجزاك الف خير على هالاستشارات وتقديم هالمساعدات لاخوانك واخواتك بس يعني البنك يحقله ان اذا العميل ماسدد اقساط شهرين يطالبه بكامل قيمة القرض ؟؟

 

[q8rottweilers]

الي كان المفروض تسويه تاجيل الاقساط وسداد البطاقات بالكامل او سداد القسط الشهري عالاقل وبصراحة غريبة اول مرة اشوف بنك يحولك الشئون القانونية بهالسرعة اليوم كان عندي واحد مطوف 10 اشهر وحتى حجز ماعليه؟ نصيحتي سدد الي عليك وحاول تأجل الاقساط وتحل الموضوع ودي

 

[السهم المجروح]

انا معاك بس الريال حاليا مو موظف ومايقدر يسدد وكان حاط اباله انهم بينطرون عليه خمس شهور وبعدها بيحولونه الشئون القانونيه وقال بهالفتره بيتوظف

 

[rahaly]

مشكور اخوي مراويس وين يطنش الريال يمشي يم الساس
اخوي رحال الله يجزاك الف خير على هالاستشارات وتقديم هالمساعدات لاخوانك واخواتك بس يعني البنك يحقله ان اذا العميل ماسدد اقساط شهرين يطالبه بكامل قيمة القرض ؟؟

نعم البنك بامكانه الرجوع على العميل بمجرد التأخر عن سداد اول قسط
وعادة يوقوعنك على عقد بهذا المعنى

رأي خليه يروحلهم ويشرحلهم الظروف ويوعدهم بالسداد بعد فترة معينة
لان اذا شافوه ساكت ومطنشهم بيتخذون اجراءاتهم
اذا راجعهم بيقدرون حسن نيته

والله اعلم

 

[q8q822]

الي اعرفة لما تقدم ستقالة يعطونك حقوقك الي اهي اجازات عدل ولالا تنزل بحسابك مكتوب انهاء خدمة البنك يحجز عليها لحد ماتتوظف ياخذون اقساطهم على ماتتوظف


الا اذا ماخذ من التسهيلات او من الشركات الثانية غير

 

[فريح الكوح]

دين البنك ماله علاقة بكونك موظف او لأ ، يعني فيه شروط علشان يعطيك القرض بس بع ما تنزل الفلوس بحسابك ماله شغل بظوفك .. يبي قسطه وبس والقانون معاه .

لكن الشؤون اتمشي راتب لك ولصاحبك لين اتوظفون .. على ما اعتقد ، ولكم بدل بطالة بعد !

راع الشؤون ودعم العمالة . هذي نصيحتي لكم .

 

[بووصالح]

صبحك الله بالخير اخوى الى اعرفه انا الواحد اذا موظف وقدم اسنقالته اذا يبى معاش يروح التامينات عندهم طريقه يعطونه تقريبا معاش بس مو نفس معاشه تقريبا النص او اقل على الاقل يسكر احتياجات البنك والمعاش يكون لمده معينه 4 شهور او 6 شهور المهم تسد حاجته

 

[saeed]

من واقع تجربه الحلول

1- يدفع اللى طايف ويلتزم بالسداد ليما يتوظف
2-التامينات اذا مستقيل وصارلك اكثر من سنتين تاخذ خدماتك كامله اما اذا اقل فيمشون لك راتب ليما تتوظف يمكن نص راتب اكثر اقل ماادري

 

[السهم المجروح]

شباب صحيح التأمينات يعطونه بس يادووب يكفي بيته ومصاريفه ومثل ماقلتلكم هو كان حاط اباله ان جدامه ٥ شهور على اي اجراء
وانا نصيحتي له قلتله خلهم يرفعون قضيه واحتمال القاضي ينزل قسطك لانك ماتقدر بس هو مايبي قضايا وضبط واحضار هو اللي صادمه ان بتأخير شهرين يقومون بهالاجراء الخطير هو لو مغير من وظيفه لي وظيفه يبيله ٣ شهور علشان ينزله اول راتب ليش مافيهم صبر الريال كويتي وعمره اقل من ٣٠ سنه يعني اكيد بيشتغل وبيعطيهم حقهم مع اي غرامه او فوايد تأخير بس الظاهر هالبنوك على مزاجها

 

[q82007]

نصيحه خله يسدد القسط المتأخر قبل يصدر عليه حكم بكامل المديونيه بعدها تتعقد اموره اكثر