ارجو الافادة عن تأجير بيوت الحكومه -سعد العبدالله

[salemku]

عندي جماعه يبون يأجرون بيتهم بسبب البعد بس فيه ناس اتقول لا تسوون عقد وفيه ناس تقول حالكم من حال الناس وغيرهم يقول راح ينسحب البيت منكم
ارجو الافادة من الاخوان اللي مرو في هذه التجربة علما بان البيت ملك ايتام
ومشكورين

 

[بومحمـد]

مرحبا بو حمد
عساك بخير

بو حمد انا ادور بيت ايجار بالعيون أو النسيم و صرفت النظر عن مدينة سعد لعدة أسباب
أولها : 1- عقد الايجار حبر على ورق , معترف فيه فقط اذا صدقه المختار , و المختار ما يصدق عقود ايجار البيوت الحكومية لمدينة سعد
2- مافيه شي اسمه سحب الا بحالات نادرها , مثل: اجرت بيتك لخمس عوايل و عندهم 10 سيارات يزعجون جيرانك و يضايقونهم , بهذة الحاله الإسكان يعطونك انذار , و بعدين انذار , و إذا عندك واسطه توصل للإنذار رقم 100 , مافي شيء أسمه سحبت بيت , مو صحيح و حلالات نادره و شاذه
3- سبب آخر ما يخليني أأجر بمدينة سعد بالرغم أنها أرخص و بيوت أكبر ولكن مالك البيت ممكن يبيعه عند أي فرصه تجيه و أنا أعرف كذا واحد أجروا و بعدها انباع البيت بكم شهر و طالبوا منهم يطلعون
- لا و أيتام بعد منو عنده الجرأة يسحب البيت منهم , و عذرهم ( البعد ) جدا مقنع , أغلب بيوت سعد ايجارات لهذا السبب أصلا

لقيت بيت كامل بمدينة سعد ب 350 بس صاحبه يقول ايجار لمدة سنه فقط , قلت له لو تعطيني ببلاش ما اسكنه

و سلامتك

تأكد أنك تطمئن المؤجر بأنك ما تشترط عليه المغادره لمدة 5 سنوات عالأقل نفس عقود الإيجار العادية و الله يرزقك بمؤجر تكانه

بالتوفيق يابوحمد
و راح أدعي لك والله

 

[I T C]

اخوي ماكو الا العافيه بس اهم شي المؤجر مايزعج الجيران...

 

[بومحمـد]

اليوم رحت شفت بيت بالعيون معروض للإيجار
انا شفت البيت من داخل اندبلت جبدي و هونت
بيوت مدينة سعد أنظف بكثير والله

 

[BMW750]

عندي جماعه يبون يأجرون بيتهم بسبب البعد بس فيه ناس اتقول لا تسوون عقد وفيه ناس تقول حالكم من حال الناس وغيرهم يقول راح ينسحب البيت منكم
ارجو الافادة من الاخوان اللي مرو في هذه التجربة علما بان البيت ملك ايتام
ومشكورين

انا اجيبلك موجر كويتي اعياله هادين جداا وبدون عقد
شرايك