دكتور عيون

[زهره]

في احد اعرف منو افضل دكتور عيون بالكويت حق الحالات المستعصيه؟ ولدي محد عارف اشخص حالته0 3 دكاتره شافوه بالبحر وما اعرفوله 0 سوي عيونه بسويسرا وعقب نص سنه رد مايشوف والخاص مو عارفينله0 في دكتور زين تعرفونه؟

 

[سرور]

د. سامي الربيعة
والله يشافيه ويعافيه

 

[محمد خليفه]

بسم الله الرحمن الرحيم

والله يا اختي انصحج لا تخلينه حقل تجارب لدكاتره الكويت لان كل شي ممكن يتصلح الا العيون لان ولد عمتي كان فيه مرض بسيط بعينه والدكتور قال لابوه ( العمليه ديّه بعملها واطلعها زي الشعره من العجين ) والحين بعيد عن ولدج وعيال السامعين الولد مافيه امل ولا واحد بالاميه يشوف بعينه لين شالها وركب صناعيه ودام رحتي سويسرا الي اعرفه سويسرا غاليه انصحج بروسيا احسن دكاتره بالعالم واسعارهم رخيصهم وبعيد عن الرخص معروفه روسيا بطب العيون والدكاتره هناك مسوين عمليات صعبه ومستعصيه ونجحت بفضل الله سئلي وشوفي والله يشفي ولدج وكل المؤمنين والمسلمين

 

[اكسبلورر]

اختي انصحج في دكتور عيون روسي في مستشفى دبي الدولي الخاص
من سابق تجربة شخصيةممتاز ودكتور معروف
ولكن لايمنع الحذر والله يشافية انشاء الله

 

[بو شيشه]

انصحج بالأردن ممتازين بالعيون والله يشافي ولدج
بالكويت اكو دكتور عيون عنزي ناسي اسمه كان بمستشفى السلام وما ادري اذا لالحينه موجود بالسلام او لا...دكتور شاطر ويخاف الله يعني يعطيج الكلام المفيد من غير استغلال

 

[مسـتـثـمـر]

د. سامي الربيعة

نحسبة والله حسيبة

ثقي بالله اولا ثم روحي للــ د الربيعة​

 

[زهره]

مشكورين انشالله باخذ جوله علي الدكاتر ه باخذ استشارات واشوف رايهم لانه يمكن الدكتور اللي بره اهوه اللي خربها له

 

[الصامد.م]

اختي وزارة الصحة بين فترة واخرى يستقدمون اطباء عالميين وخصوصا هاليومين اشوف بالجرايد اعلانات الوزارة عن استضافتهم ياريت تشوفين هل في دكاترة عيون من ضمنهم لأن اللي اعرفة يجيبون افضل الدكاترة ويقعدون ما بين اسبوع الى اسبوعين.....والله يشافي ولدج

 

[khalid592]

سامي ربيعه ممتاز .. وهم في دكتور المطيري عياده بخيطان هم صراحه ممتاز .. هذيل اللي اعرفهم وانتي سألي اكثر ..

 

[amzn_q8]

انا اعرف دكتور ممتاز جدا جدا وراحولة الربع وكانو مقررين لعيالهم عمليات وطلعت امورهم بسيطة وانا اعتقد ان الدكتور هذا افضل دكتور عيون باالشرق الاوسط اسم الدكتور حامد نصر الدين طه مستشفى السعودي الالمانى فرع جدة بس قبل لا تنوين تروحوواسالو دقو على المستشفى يمكن رايح مؤتمر والا مسافر

 

[bo hazm]

الله يشفي ولدج ان شاء الله ومايشوف شر

 

[مجنون مها]

الله يشافيه ويشافي جميع المسلمين


انا انصحج في الدكتور مؤمن الريفي في البحرين


وشخصيا اعتبره افضل دكتور في الشرق الاوسط


واذا محتاجه رقمه موجود

 

[ADEL ALAZMI]

اذة طفل ..... دكتور عبدالمطلب بهبهاني بالسالميه

استشارى وخوش دكتور

 

[زهره]

اذة طفل ..... دكتور عبدالمطلب بهبهاني بالسالميه

استشارى وخوش دكتور

هذا الدكتور سمعت عنه بس ولدي عمره 17 ما ادري يعتبر لي لحين طفل

 

[زهره]

الله يشافيه ويشافي جميع المسلمين


انا انصحج في الدكتور مؤمن الريفي في البحرين


وشخصيا اعتبره افضل دكتور في الشرق الاوسط


واذا محتاجه رقمه موجود

والله عطني رقمه ينفع وبشوف0 شكرا

 

[زهره]

مشكورين ما قصرتوا

 

[نائب]

في احد اعرف منو افضل دكتور عيون بالكويت حق الحالات المستعصيه؟ ولدي محد عارف اشخص حالته0 3 دكاتره شافوه بالبحر وما اعرفوله 0 سوي عيونه بسويسرا وعقب نص سنه رد مايشوف والخاص مو عارفينله0 في دكتور زين تعرفونه؟

الله يشفيه ان شاء الله

فيه دكتور ممتاز بالدمام
مستشفي المغربي للعيون
دكتور هشام او هاشم ممتاز روحيله اخذي رأيه وشوفي شنو يقولج
عن تجربه شخصيه
انتبهي الدمام مو الخبر

د. سامي الربيعة
والله يشافيه ويعافيه

هم زين مايمنع تأخذين رأيه

بسم الله الرحمن الرحيم

والله يا اختي انصحج لا تخلينه حقل تجارب لدكاتره الكويت لان كل شي ممكن يتصلح الا العيون لان ولد عمتي كان فيه مرض بسيط بعينه والدكتور قال لابوه ( العمليه ديّه بعملها واطلعها زي الشعره من العجين ) والحين بعيد عن ولدج وعيال السامعين الولد مافيه امل ولا واحد بالاميه يشوف بعينه لين شالها وركب صناعيه ودام رحتي سويسرا الي اعرفه سويسرا غاليه انصحج بروسيا احسن دكاتره بالعالم واسعارهم رخيصهم وبعيد عن الرخص معروفه روسيا بطب العيون والدكاتره هناك مسوين عمليات صعبه ومستعصيه ونجحت بفضل الله سئلي وشوفي والله يشفي ولدج وكل المؤمنين والمسلمين

جزاك الله الف خير يا محمد

سامي ربيعه ممتاز .. وهم في دكتور المطيري عياده بخيطان هم صراحه ممتاز .. هذيل اللي اعرفهم وانتي سألي اكثر ..

سلطان فهد المطيري
عيادته بزاوية خيطان يم مضخه الماي يم نادي كونكورد الصحي علي ما اعتقد

 

[نايفه]

الله يشافي ولدج ان شاءالله وينعم عليه بالصحه والعافيه

بالنسبه للدكاتره الي اعرفهم ويمدحونهم مبارك العجمي و دكتور ابل ماعرف شنو اسمه الاولاني بس حييل يمدحونهم الاهل .. والله اعلم

توكلي ع الله والله يسخرلج الدكتور الي يساعدج بحاله ولدج ان شاءالله

 

[sawa7]

الله يشافي ولدك

أسأل الله العلي القدير ان يشفيه
أسأل الله العلي القدير ان يشفيه
أسأل الله العلي القدير ان يشفيه
أسأل الله العلي القدير ان يشفيه
أسأل الله العلي القدير ان يشفيه
أسأل الله العلي القدير ان يشفيه
أسأل الله العلي القدير ان يشفيه

 

[دنياء غريبه]

~ جمعه مبآركه وطيبه عليك اختي : زهـزه ..!!

أسأل الله العلي القدير ان يشفي ولدك
أسأل الله العلي القدير ان يشفي ولدك
أسأل الله العلي القدير ان يشفي ولدك
أسأل الله العلي القدير ان يشفي ولدك
أسأل الله العلي القدير ان يشفي ولدك


. ​