تداول الكتروني

[snouman]

ابي شركة تداول الكتروني اتداول فيها بالبورصة عن طريق الانترنت

و ما تحتاج اكلمهم او اروح لهم علشان اعطي اوامر للبيع و المشترى

وتكون اسلامية و تتداول بسوق الكسور بيع و مشترى

ارجوا منكم الافادة مع الشكر

 

[بو بندر 2000]

عندك بيتك للتداول الالكترونى

خوش ناس

 

[bo3looosh]

حياك يالطيب
تعال تداول ويانا في بنك الخليج يتعاملون مع مكتب وساطة مالية في البورصة و عندهم تداول إلكتروني و في كسور و الحساب يكون حساب مدور
و مميزاتهم حلوة 1885588 كلم مسؤول التداول يفيدك في هل أمور وتقدر بس تتداول في الأسهم الإسلامية

 

[فهد الفهود]

أخوي نصيحتي لك أنه الأسهم تكون بإسمك
تداول البنوك بالبورصة وبعض شركات الوساطة مثل الأوسط يكون بإسمهم والإسهم يخصصونها لك
في حال أي مصيبة أو خطأ بالنظام ما تقدر تحوش أسهمك

النصيحة انك تروح لشركة وساطة تداول الأسهم بإسمك مباشرة
مثل شركة kic للوساطة وهذا موقعهم الإلكتروني www.e-wasata.com
ويتداولون كسور حسب طلبك
هذي مو مقصود منها دعاية للشركة لكن هي الشركة اللي آنا أعرفها وتقدم التداول الإلكتروني حسب طلبك ويمكن في شركات ثانية عندهم نفس الخدمة
اللي اعرفه بعد انه الشركة الرباعية عنهدم تداول إلكتروني بس ما ادري عن طريقة الكسور عندهم

وبالتوفيق ان شاء الله

 

[kndor]

بيتك للتداول

سهل مجانى فيه كسور وتقدر تحط الامر مسبق على السعر اللى تبيه وبأى يوم تبى شهر شهرين ثلاثه كيفك

وتحويل الكاش بنفس اليوم تاخذه وتحوله بضغطة زر وحده

 

[NOCOMMENT]

دش صفحة البورصة تلقى الشركات مسوين اعلانات للاشتراك

اما بيتك للتدوال بالكسور يغثك لازم تخسر
مايصير تحط سعر البيع اعلى من سعر اخر صفقة والمشترى مايصير تحط سعر اقل من المعروض واذا الكمية مومعروضة مايصير تحط طلب
عقدونا بهالسالفة وكلها ضد مصلحة المتداول وتضيع فرص بسبت قوانينهم البايخه

 

[ابو يوسف79]

نصيحه بيتك للتداول
اسلامي وفيه الي تبيه الرسمي والكسور
ومعاملتهم زينه وهذا رقمهم 1842000

 

[فهد الفهود]

نسيت اقول لك بعد انه kic للوساطة عندهم صفحة تداول الأسهم الشرعية يعني تقدر تحدد الأسهم الشرعية بكل بساطة

 

[Kaubar]

نسيت اقول لك بعد انه kic للوساطة عندهم صفحة تداول الأسهم الشرعية يعني تقدر تحدد الأسهم الشرعية بكل بساطة

أخوي فهد اشرح لنا اكثر بارك الله فيك

كم عمولتهم

يتداولون بأسمي برقم حسابي للتداول

تحويل الفلوس شلون أخذ فلوسي شلون

شلون احط اوامري وأقدر احط اوامر مستقبلية حق بكره وبعده

سوق الكسور احط الأمر اللي ابيه والا يقيدني

شكرا لك والسموحه لصاحب الموضوع

 

[فهد الفهود]

أخوي فهد اشرح لنا اكثر بارك الله فيك

كم عمولتهم

يتداولون بأسمي برقم حسابي للتداول

تحويل الفلوس شلون أخذ فلوسي شلون

شلون احط اوامري وأقدر احط اوامر مستقبلية حق بكره وبعده

سوق الكسور احط الأمر اللي ابيه والا يقيدني

شكرا لك والسموحه لصاحب الموضوع

هلا أخوي ...
بالنسبة للعمولة فهي عمولة السوق مافي أي إختلاف
تحويل الفلوس هي نفس طريق المقاصة لأنه التداول يكون برقم حسابك الخاص بالتداول يعني تودع الفلوس بحاسب المقاصة وتعطيهم نسخة من التحويل
سوق الكسور تقدر تحط فيه السعر اللي انته تبيه مو شرط على سعر السوق
بالنسبة للأوامر المستقبلية .... اشوف بالموقع انه ممكن تصير مع أني ما جربتها شخصيا

هذا رقمهم وومكن يفيدونك أكثر مني 22273222
انا تعاملت معاهم ولا زلت أتعامل وتعاملهم ممتاز حتى الآني ... لكن مثل ما قلت تعاملي بسيط معاهم

 

[NOCOMMENT]

هلا أخوي ...
بالنسبة للعمولة فهي عمولة السوق مافي أي إختلاف
تحويل الفلوس هي نفس طريق المقاصة لأنه التداول يكون برقم حسابك الخاص بالتداول يعني تودع الفلوس بحاسب المقاصة وتعطيهم نسخة من التحويل
سوق الكسور تقدر تحط فيه السعر اللي انته تبيه مو شرط على سعر السوق
بالنسبة للأوامر المستقبلية .... اشوف بالموقع انه ممكن تصير مع أني ما جربتها شخصيا

هذا رقمهم وومكن يفيدونك أكثر مني 22273222
انا تعاملت معاهم ولا زلت أتعامل وتعاملهم ممتاز حتى الآني ... لكن مثل ما قلت تعاملي بسيط معاهم

ياخذون اشتراك على التداول ولا مجاني؟

 

[فهد الفهود]

أنا بدون إشتراك وما ياخذون مني إلا عمولة البيع او الشراء
بس أعتقد عندهم خدمة مثل مباشر برو عليها اشتراك

 

[snouman]

مشكورين اخواني على هذا التفاعل

بس اذا كنت ابي اسلامية و تتعامل بالكسور بيع و مشترى

راح تكون خياراتي محدودة في بيتك مثل ما قال البعض

هل فيه غير بيتك للتداول والا هذا افضل الموجود في السوق ؟

 

[bo3looosh]

مشكورين اخواني على هذا التفاعل

بس اذا كنت ابي اسلامية و تتعامل بالكسور بيع و مشترى

راح تكون خياراتي محدودة في بيتك مثل ما قال البعض

هل فيه غير بيتك للتداول والا هذا افضل الموجود في السوق ؟

كلم بنك الخليج راح يفيدونك أكثر

 

[فهد الفهود]

مشكورين اخواني على هذا التفاعل

بس اذا كنت ابي اسلامية و تتعامل بالكسور بيع و مشترى

راح تكون خياراتي محدودة في بيتك مثل ما قال البعض

هل فيه غير بيتك للتداول والا هذا افضل الموجود في السوق ؟

kic تنفعك للتداولات الشرعية وللكسور

 

[طنش تعش]

أخوي سنو وايت ...
شوف الأهلي المتحد صار إسلامي يمكن يفيدونك ... وأنا بالنسبة لي مرتاح حق بيتك للتداول ..
تدري ليش ؟
لأن يفكك من سؤال هذا السهم شرعي ولا مو شرعي ؟
إذا مو شرعي وتبي تشتري السهم راح تطلع لك نافذة : لا يمكن الشراء بهذا السهم .

تقبل مروري ....

 

[Kaubar]

هلا أخوي ...
بالنسبة للعمولة فهي عمولة السوق مافي أي إختلاف
تحويل الفلوس هي نفس طريق المقاصة لأنه التداول يكون برقم حسابك الخاص بالتداول يعني تودع الفلوس بحاسب المقاصة وتعطيهم نسخة من التحويل
سوق الكسور تقدر تحط فيه السعر اللي انته تبيه مو شرط على سعر السوق
بالنسبة للأوامر المستقبلية .... اشوف بالموقع انه ممكن تصير مع أني ما جربتها شخصيا

هذا رقمهم وومكن يفيدونك أكثر مني 22273222
انا تعاملت معاهم ولا زلت أتعامل وتعاملهم ممتاز حتى الآني ... لكن مثل ما قلت تعاملي بسيط معاهم

مشكور اخوي فهد

انا اخوي كسول ماحب اتحرك يعني مأحب أروح ولا اجي انا اتعامل في

بيتك للتداول وأحول فلوسي لهم وأخذها منهم عن طريق النت

عيبهم سوق الكسور عندهم مقيد ماتقدر تحط امر على كيفك

والتداول يكون برقم حسابهم يعني لوتصيرلك مشكله الفلوس موفلوسك

انا ماصارتلي معاهم اي مشاكل بس لما اذكر ان فلوسي موبأسمي

يضيق خلقي

وفي عيب قوي جدا بس يمكن محد لاحظها ان الأوامر تطول اكثر من

اللازم يعني لما تحط امر او تلغي امر وتبي هذا الشي يكون بسرعه

انسى

اكثر من 5 دقايق

 

[abubatoul]

ودي ازيد معلومه على بيتك للتداول
مع السهوله اللي راح اتشوفها عندهم بايداع الفلوس او سحبهم
والسهوله في معرفة الاسهم الشرعيه
الا ان في مشكله ذابحتني وخسرتني اكثر من مره
وهي (( المتاجره مع الذات ))
يعني اذا بتبيع والطالب يتداول عند بيتك ما يصير اتبيع
والعكس لو بتشتري من عارض عندهم ..

 

[fahhad76]

ودي ازيد معلومه على بيتك للتداول
مع السهوله اللي راح اتشوفها عندهم بايداع الفلوس او سحبهم
والسهوله في معرفة الاسهم الشرعيه
الا ان في مشكله ذابحتني وخسرتني اكثر من مره
وهي (( المتاجره مع الذات ))
يعني اذا بتبيع والطالب يتداول عند بيتك ما يصير اتبيع
والعكس لو بتشتري من عارض عندهم ..

تدرى ليش يالغالى,, لانها محفظه ..

نعم انا اتعامل مع الاوسط برو ونفس الطريقه.

اما مباشر برو عكسهم تماما ..

انا مرتاح مع الاوسط برو ,,

 

[abubatoul]

تدرى ليش يالغالى,, لانها محفظه ..

نعم انا اتعامل مع الاوسط برو ونفس الطريقه.

اما مباشر برو عكسهم تماما ..

انا مرتاح مع الاوسط برو ,,

عسى الله يعز غاليك يالغالي ..
فعلا هذا اهو السبب والاسهم مو باسمك باسمهم فيعتبر كأن الواحد قاعد يبيع لنفسه او يشتري من نفسه ..
اما الاوسط برو فالاسهم باسمك انت
الاوسط افضل بهالنقطه ..