المحيط الهادئ
عضو نشط
وانا اتصبّر وازهم العقل والحيل,,,والقلب يشكي للضلوع النحايل
اصبر مثل صبر الرجال المشاكيل,,,واخبّي جروح الزمن واتحايل
لن الردي والهيس وخبل الرجاجيل,,,تفرح لا وراني الزمان الهوايل
وانا اترفع واترك القال والقيل,,,واجبر عزى قلبٍ على الموت آيل
أشب نار الشوق وارهي المعاميل,,, واريّح اعصابي ببدع المثايل
ولاّ الغلا ماعاد يحتاج تفصيل,,,لنّه موريني نجوم القوايل
ياللي غيابك حط بالقلب تنكيل,,,ويلي على قربك ولاني بطايل
لاغاب صوتك ماتفيد المراسيل,,,وفر على الجوال كثر الرسايل
والله لو تاخذ لدمي تحاليل,,, تلقاك بالجينات صايل وجايل
حبك تعدى حب الاكراد لأربيل,,,الاّ تعدى حب شمر لحايل
صبيت حبك مثل صب الفناجيل ,,, وين الجليله تشرب اشواق وايل
وانته تواعدني من اسهيل لسهيل ,,, والشوق في قلبي مسوي عمايل
ليتك تبادلني الغلا والمواصيل,,, وترد لي بعض الوفا والجمايل
تعبت من قولة ظروف وعراقيل,,, وتعبت من قولة ياقل الوسايل
لاقلت انا احبك ومشتاق بالحيل,,, تقول لي جعل العوض فالموبايل
يعني انا وياك مثل المهابيل,,,واشباهنا فالوقت هذا قلايل
كذاب من قال المحبه تساهيل,,, راحو ضحيتها عيال الحمايل
اصبر مثل صبر الرجال المشاكيل,,,واخبّي جروح الزمن واتحايل
لن الردي والهيس وخبل الرجاجيل,,,تفرح لا وراني الزمان الهوايل
وانا اترفع واترك القال والقيل,,,واجبر عزى قلبٍ على الموت آيل
أشب نار الشوق وارهي المعاميل,,, واريّح اعصابي ببدع المثايل
ولاّ الغلا ماعاد يحتاج تفصيل,,,لنّه موريني نجوم القوايل
ياللي غيابك حط بالقلب تنكيل,,,ويلي على قربك ولاني بطايل
لاغاب صوتك ماتفيد المراسيل,,,وفر على الجوال كثر الرسايل
والله لو تاخذ لدمي تحاليل,,, تلقاك بالجينات صايل وجايل
حبك تعدى حب الاكراد لأربيل,,,الاّ تعدى حب شمر لحايل
صبيت حبك مثل صب الفناجيل ,,, وين الجليله تشرب اشواق وايل
وانته تواعدني من اسهيل لسهيل ,,, والشوق في قلبي مسوي عمايل
ليتك تبادلني الغلا والمواصيل,,, وترد لي بعض الوفا والجمايل
تعبت من قولة ظروف وعراقيل,,, وتعبت من قولة ياقل الوسايل
لاقلت انا احبك ومشتاق بالحيل,,, تقول لي جعل العوض فالموبايل
يعني انا وياك مثل المهابيل,,,واشباهنا فالوقت هذا قلايل
كذاب من قال المحبه تساهيل,,, راحو ضحيتها عيال الحمايل
