اهل الاجارات دشوو

[q8ty_azgarty]

السلام عليكم
يعطيكم العافيه يا جماعه
حبيت استفسر بخصوص الاجار
انا الحين ساكن عند واحد اجار
يوم سكنت عنده قاليي مابي منك شي واقعد شهر مني لك هديه
والحين بعد سنتين ابي اطلع منه يقولي
انا ماخذيت منك مقدم
ابي اخذ منك مؤخر
مافهمت اشيقصد
شنو هالمؤخر هذا
ليكون فيها نفقه بعد لووووووووووووووول

يريت احد يفيدني
وابي ارقام نقل اثاث ارخيص واكويس
يريت هالخدمه يا جماعه

 

[كويتي2]

اخوي شسااااالفه مؤخر ؟!!!
اخوي انا اقول سوله قضية بيت الطاعة او خله ناشز احسن .. لول
يبه مالك شغل فيه .. روح لأقرب مخفر وسلم المفتاح عندهم واكتب تنازل عندهم وخليهم يتصلون فيه .. او في طريقة ثانية .. شيل اغراضك وعطيه طااااف من قلب هالاشكال هذه لازم واحد يأدبهم عدل .. ناس تخاف ما تختشيش

 

[al7mly]

مساك الله بالخير اخي الكريم

المتعارف في الاجار انك تبلغ المالك بفتره قبل ما تطلع وتدفع اجار الشهر اللي بتطلع فيه وهذا الشهر يعتبر شهر فاصل بينك وبين المالك يعني انت الشهر هذا تنقل اثاثك واهو يضبط المكان ويعرضه عشان يتم التأجير

واغلب الملاك ماياخذون مقدم لانها تعتبر فتره نقل

 

[sport man]

خو قلبي

رووح المحكمه وقدم بلاغ
ويطلع معاك مندوب من المحكمه اليوم الثاني

يعاين الشقه او الدور اللي انت ساكن فيه اذا مو مخربها او مكسرها

يروح المخفر اهو يسجل بلاغ حقك وعقب ماتسجل البلاغ يقولك روح المحكمه

شغلك كامل يكون اهناك تبي تقعد عناد على راعي البيت تبي تطلع على راحتك

واللي كاتبه بالعقد خل ينقعه ويشرب مايه لأن المحكمه معاك

وفي ناس وايد تقول يقدر يطلعك راعي البيت اذا كان ولده يبي يتزوج وماعنده غير هالسكن او قاربه من الدرجه الاولي اقوووووووووووووووله خل يستريح

حبيب قلبي اشتر راحتك وادفع حق المحكمه 4 دنانير رسوم (عليهم بالعافيه)

لأن اصحاب البيوت يأجرون البيوت وعبالهم ماكو قانون يحمي الطرف الثاني

وابشرك القاضي حكم لي 3 شهور سكن بلاش غصبا على راعي البيت وطبعا بحكم الاسعار الناريه للإيجارات ماطلعت لانه مبالغ فيها وكملت عنده وماني طالع لما يخلص العقد بحكم القانون وهو 5 سنوات

اهو كاتب لك تدفع مؤخر بالعقد؟؟
قوله الورقه الورديه جايتك بالدرب (وصل بدفع الايجار عند المحكمه)

 

[albraiky]

عليكم السلام

اللي يجيك بالكلمة الحلوه والمعاملة الحلوه تطلع من بيته اذا انت مو منحد

اما الي نفس النوع الي تقول عنه يبي ينصب سو مثل ماقالك sport man

 

[q8ty_azgarty]

يعطيكم العافيه يا الاخوان
ردودكم بردد علي قلبي
فديتكم والله
مشكورين

المشكله
انه بيني وبينه عقد وانا اللتزمت بالعقد ولا اهو ماكان يبي عقد بالعقد مو مكتوب لا مهر ولا مقدم ولا مؤخر
لووووووول

 

[Abdulla990]

اللي فهمته من كلامك انه عطاك شهر هدية و لما نويت تطلع غير رايه و يبي منك ايجار شهر مقابل الشهر المجاني اللي اخذته, صح؟
في هالحاله انت بكيفك تعطيه او ما تعطيه شي راجع لك
و الأفضل انك تقول له (و انت معصب) : عيب الواحد يرجع في هديته ,, ما هقيتها منك يا شاوي بني عبس. ::verymad::
و تعطيه المفتاح و تروح


قبل ما انسى
لازم تاخذ منه براءة ذمة علشان ما يغدر فيك بعدين.

 

[كاتب_متقاعد]

انا اقول تتفق معاه تعطيه تص اجار الطيب اجسن من المحاكم
وضرورى تخليه يوقع على ورقه ان استلم الشقه سليمه بدون اضرار لان ممكن يغدر فيك ويتلف اشياء بالشقه ويرفع عليك قضيه ويفضل وجود شاهد عند توقيع الورقه


هذا من باب تجربتى وتحياتى للجمييييييييييييييييع

 

[مو طبيعي]

انا اول مرة اسمع با سالفة هذه

 

[مؤسسة]

انا اقول اهم شي يوقع انه استلم منك البيت واذا ماستلم روح اوح سلم البيت في المحكمه اعتقد الدور الخامس او الرابع تسلمهم العقد مع المفتاحوتطلع من البيت بس هذا الكلام قبل 20 الشهر

 

[0المطيري0]

وهل جزاء الاحسان إلا الاحسان




يا أخي الرجال كان طيب معاك أول شهر


رد له الطيب آخر شهر

 

[q8ty_azgarty]

يعطييييييييييييييكم العافيه اخواني عالردود
الحلوه
والتفاعل الجميع وياي
فديتكم والله يا اعيال الديره مشكورين
وزين نبهتوني اني اخليه يوقع علي اورقه ان الشقه مافيها شي قبل لا اطلع

يعطيكم العافيه

 

[q8ty_azgarty]

وهل جزاء الاحسان إلا الاحسان




يا أخي الرجال كان طيب معاك أول شهر


رد له الطيب آخر شهر

لوووووووووووووول
هذا وانت ابدوي
اهل الكرم والضيافه والنشامه اذا شفت واحد من بره قتله حيات تفضل الغدا عندي هذا كلامك

اقولك الريال قالي هديه مني لك مابي شي منك ووقعنا عالعقد ولا كتب جم المهر ولا كتب مقدم ولا مؤخر

يعني تعزم الواحد ابيتك واتقوله باجر انا محتاج عطني افلوس عزيمتي اذا مو قد الكلمه ليش يتكلم

ولا تدري اشلون
صير احسن مني وروح عطا الاجار ورد احساني واحسانك
والله امدح فيك بالمنتدا لمده عشر اسنين

واوري الاعضاء كرمك الزاهد واحسانك وانك اصلحت بين اثنين وخليتنا نفترق حبايب احسن من لا يصير مشاكل ومحاكم

بس اذا نويت قولي علشان اعطيك رقمي وابميزان اعمالك انشاءلله

 

[بدون مجامله]

يالطيب انت اول ما اجرت عند الرجال كنت تعطيه اجار اول الشهر او اخر الشهر اذا كنت تعطيه اخر الشهر معناه الرجال محق بما قال يطلبك الشهر الي راح تطلع فيه لانه مستحق عليك ...نقطه مهمه كثير من الناس تطوف عليه

 

[q8ty_azgarty]

يالطيب انت اول ما اجرت عند الرجال كنت تعطيه اجار اول الشهر او اخر الشهر اذا كنت تعطيه اخر الشهر معناه الرجال محق بما قال يطلبك الشهر الي راح تطلع فيه لانه مستحق عليك ...نقطه مهمه كثير من الناس تطوف عليه

اخوي
انا يوم قعدت عنده كان ابتاريخ14 الشهر
قالي اذا نزل معاش هالشهر تعطيني اجار يعتبر دافع حق الشهر الياي
وهذا اجاري وياه

 

[بدون مجامله]

اخوي
انا يوم قعدت عنده كان ابتاريخ14 الشهر
قالي اذا نزل معاش هالشهر تعطيني اجار يعتبر دافع حق الشهر الياي
وهذا اجاري وياه

يالطيب لتقريب المعلومه مثال انا عطيت المؤجر الي مأجر ..عنده اول الشهر 1-10 اخر الشهر لما اطلع مايلزمني بشي لاني عطيته اجاره مقدم اما اذا كنت اعطيه الاجار اخر الشهر 30-10 فهو يلزمني عند الخروج بالشهر لانك لم تعطيه اجاره ..اخشى مااخشاه ان هذا الي حاصل لك تأكد من الشغله يالطيب​