الصين و افضل مناطق تسويق

[abohajarni]

السلام عليكم
شباب ابي ارخص سعر لتذكرة الصين
مع افضل مواقع ومناطق للتسوق​

 

[مرجان]

الحال من بعضه

انا مثلك اسأل

 

[الوليد q8]

أفضل مكان للتسوق : guangzhou



و أفضل طيران افتكر القطرية و الاماراتيه ، و إذا بتريح في بانكوك ، أخذ السيلانية بعدين التايلندية

 

[foxmind]

ارخص سعر احجز على هونج كونج ومنها خذ باص لكوانزو ولا شنزن ساعه ولا ساعتين انت واصل من هونج كونج وتذكرتها تحت ال 200

 

[kwaity1978]

السلام عليكم

الصين تسكر اسواقها الساعه 8 مساء وكوانزو افضل مكان للتسوق
لكن اذا تبي تشتري بضاعه كونتينر بالجمله يطلع عليك رخيص
اما بتشتري مفرد بيطلع عليك بسعر مقارب للكويت بس اخصم 30 % تقريبا


لان سعر الجمله عندهم حيل يختلف

في مدن بعيده عن كوانزو متخصصه بصناعات مثلا سن جن هذي متخصصه بالنظارات وتقليد مثل الاصلي والاصلي

وهكذا

احجز الفنادق من اهناك بس احجز اول ليله من الكويت وبعدين دبر حالك اهناك ارخص
بعدين روح شارع الي فيه مطعم سبا (( مطعم سبأ معروف )) كل شي يصير جريب منك تقريبا المنطقه تكون بالوسط لكن الله يعينك على التكاسي كل مشوار تقريبا بدينارين خخخخ



انا عندي خرايط الاماكن وجذي اذا بغيت اتصل علي واعطيك ان شاء الله افضل الاماكن على الخريطه مع كروت المحلات والاسعار بعد ان بغيت

لكن انصحك سو فيزا متعدده عشان تقدر تسافر على راحه بالصين لان فيزا رقم 2 مو شي توهق (( توهقت لما رحت الله يهداه الي معاي ما كان عارف ))


رقم تلفوني 99956662 اخوك بو يوسف وأي شخص من الاخوان محتاج فكره عن كوانزو يتصل علي انا حاضر

 

[abohajarni]

الله يبارك فيك اخوي ويكثر من امثالك