أدوية للنشلة خاصة للمستوصفات العاصمة مرفق

[العثماني77]

بسم الله الرحمن الرحيم
​

نسأل الله أن يعافي جميع المسلمين من الأمراض ...
​

تعرفون أن النشلة منتشرة هالايام بشكل كبير جدا ..


والكل يحمل معه الدواء والمضاد والبخاخ .. للعلاج مرض النشلة ..

وووو كوني ساكن بأحد مناظق محافظة الفروانية ..

فالدواء الذي استخدمه يختلف عن بقية أخواني ( الساكنين بمناظق العاصمة ) ...

ولا اريد الإطالة ..

فأختي دكتورة بالعاصمة وقالت لي هذه ادويه لك لأن ادويت مستوصفك قديمه

المضاد الي تستخدمه يحتاج 5 ايام إلى 7 ايام أما هذا ( يتوزع بالعاصمة ثلاث أيام تطلع نتايجه )

وطبعا البخاخ غير .. واذا الدكتور ما عجبه شكلك بعد عطاك القطره القديمه ..

والمضمضة ايضا غير ..

ياحسره علينا ...


هذه الأدوية :

[/URL][/IMG]

 

[Cccom]

لا لاء غير السالفه هذي

شوووف انا صار معاي موووقف وللحين بخاطري والله

كونى من سكان احدي المناطق النائيه وخارج السور
كنت بالشاميه عند التربية الاساسية مودي الاهل للكلية ومعى بنتى الصغيره كانت لا تتجاوز 3 سنوات وكنت انتظر الاهل يخلصون امتحان ولا بنتى ارتفعت الحراره فيها
وديتها حق المستوصف رحت للكاتب قالى روح كلم الدكتور حق الاطفال
ولا الدكتوره ( حسبى الله ونعم الوكيل فيها ) ( الله لا يسامحها ولا يووفقها لا بدنيا ولا باخره ) رفضت تعالج بنتى قلت لها يبه انا كويتى وهذي بطاقة بنتى والله يا اخوان رفضت تعالج البنت ولا حتى تشوف شنو فيها قالت لى رحو حق مستوصف منطقت اخوي.
ولا لها علاج عندنا من عرفت اننى من احد المناطق خارج السور


حسبى الله ونعم الوكيل فيها
حسبى الله ونعم الوكيل فيها
الله لا يرحمها لا بدنيا ولا باخره

هذا اللى صار معاي والله على ما اقوله شهيد

 

[بوالعيس بيك]

والله ياخوي انا من مناطق داخل السور علي قولتهم بس ماأخذ أدوية المستوصف اللي تضر وماتنفع..الله يديم النعمه دايما اشتري من الصيدليه خانه

 

[ابن عمير]

هذا الموضوع من زمان معروف ..
ازيدك بعد في ادويه في الصباح مو موجوده في اي مستشفى اخر .. بل كويتي عن اخر يفرق ...
مستوصفات العاصمه جدا ممتازه ....

 

[العثماني77]

جزاكم الله خير. ....
حسبي الله ونعم الوكيل على بعض الدكاتره

والموضوع هذا معروف من زمان صحيح ...هذا غير مبرر ان مانتكلم فيه

اذا الواحد ساكن بمنطقه داخل العاصمة ما يخذ الدواء مستوصفه هذا شيء راجعله

بس إحنا لنا حق ان ناخذ الدواء مثل غيرنا

هذا مقصودي من طرح الموضوع

 

[سرور]

ياجماعة لا حد يتكلم بدون دليل اول مرة اسمع فيه تفرقة من مستوصف الى مستوصف ..
واذا لم تكن الادوية غير موجودة او تاريخها قديم هذي مسؤولية المستوصف
واما ان المستوصف يرفض استقبال الحالات .. فانا من سكان العاصمة رفض مستوصف السلام استقبالي ..فنرجو من الاخوة ان نجمع ولانفرق بكلام غير مسؤول وشحن البغضاء بين المواطنين

 

[العاشق]

ياجماعة لا حد يتكلم بدون دليل اول مرة اسمع فيه تفرقة من مستوصف الى مستوصف ..
واذا لم تكن الادوية غير موجودة او تاريخها قديم هذي مسؤولية المستوصف
واما ان المستوصف يرفض استقبال الحالات .. فانا من سكان العاصمة رفض مستوصف السلام استقبالي ..فنرجو من الاخوة ان نجمع ولانفرق بكلام غير مسؤول وشحن البغضاء بين المواطنين

للأسف ان كلام صاحب الموضوع بخصوص الادويه صحيح

والسبب مثل ماتفضلت اخي سرور مسؤليه المستوصف والقائمين عليه لو يطلبون جان الوزاره عطوهم

ولاكن محد يطلب حتا اللي بالعاصمه ترا مايطالبون للمستوصف بس الوزاره ماتقصر معاهم من غير طلب اما المناطق الثانيه

مايجيهم الا بعد الطلب والالحان عليهم يوصلك بكميات قليله غير كافيه

وهذا الكلام ثابت ولو تسأل اي دكتور اشتغل بالمستوصفات وتنقل بين المناطق راح يأكدلك صحة كلامي

واحد من الربع دكتور يقول حول من العاصمه الى الاحمدي يقول تأذيت كل ماكتب وصفه رد المريض يقول الصيدلي قال غير متوفر اكتب بديل

يقول عصبت ورحت للصيدلي قالي يبه انت اكيد جاي من العاصمه احنا ترا مايعطونا كل الادويه وهذي نسخه من الادويه الموجوده عشان تأكد

للاسف ان فيه تمييز والسبب ردا من القائمين على المستوصفات والوزاره فوقهم


اما عدم استقبال المرضى فهذي للاسف مصيبه موجوده بجميع المناطق

كل لمستوصفات يقولون راجع المستوصف القريب من السكن

تقدر تحايل عليهم وتقول بطاقتي ضاعت او انا بدون وتدفع دينار وتدش على الدكتور يعالجك غصب

الله يكون بالعون والصحه بجميع المناطق سيئه ​

 

[بو هباش الكويتي]

مستوصف الرابيه ادويته تزيد المرض مالها داعي هوا ____ الله يعز الدينار روح الصيديليه واخذ احسن دوا بخشم الدينار

 

[Cccom]

ياجماعة لا حد يتكلم بدون دليل اول مرة اسمع فيه تفرقة من مستوصف الى مستوصف ..
واذا لم تكن الادوية غير موجودة او تاريخها قديم هذي مسؤولية المستوصف
واما ان المستوصف يرفض استقبال الحالات .. فانا من سكان العاصمة رفض مستوصف السلام استقبالي ..فنرجو من الاخوة ان نجمع ولانفرق بكلام غير مسؤول وشحن البغضاء بين المواطنين

اخوي سروووور انا اقولك طفل ارتفعت حرارتة فجأة ما اوديه الطبيب

الحمدلله والشكر على كل حال

 

[كم اقول]

السلام عليكم انا من وجهة نظري ان سبب وجود هذة النوعية من الادوية على قولتكم فقط في المستوصف المذكور اتوقع ان السبب ان اغلبيت اهل المنطقة يعالجون في الخاص فلهذا السبب تلقاها متوفرة عندهم ولكن لو تذهب الى مستوصف في منطقة اخرى ما راح تلقى هذا او ربما خلصت الكمية لأن اعداد المرضى كثير وانا راح اضرب لكم مثل انا من منطقة ضاحية على صباح السالم ( ام الهيمان المنكوبة ) للأمانة انا لقيت ان عندنا في الصيدلية من افضل الادوية ولكن لكثرة المراجعين من المرضى الكمية غير كافية لأني في مرة من المرات كنت مريض ورحت المستوصف والله يا اخوان عطاني ادوية قلت انا في مستوصف حكومي ولا خاص ما صدقت ادوية من الدرجة الاولى من ضمنهم البخاخ الي انتو ذكرتوة​

 

[العاشق]

السلام عليكم انا من وجهة نظري ان سبب وجود هذة النوعية من الادوية على قولتكم فقط في المستوصف المذكور اتوقع ان السبب ان اغلبيت اهل المنطقة يعالجون في الخاص فلهذا السبب تلقاها متوفرة عندهم ولكن لو تذهب الى مستوصف في منطقة اخرى ما راح تلقى هذا او ربما خلصت الكمية لأن اعداد المرضى كثير وانا راح اضرب لكم مثل انا من منطقة ضاحية على صباح السالم ( ام الهيمان المنكوبة ) للأمانة انا لقيت ان عندنا في الصيدلية من افضل الادوية ولكن لكثرة المراجعين من المرضى الكمية غير كافية لأني في مرة من المرات كنت مريض ورحت المستوصف والله يا اخوان عطاني ادوية قلت انا في مستوصف حكومي ولا خاص ما صدقت ادوية من الدرجة الاولى من ضمنهم البخاخ الي انتو ذكرتوة​

اخوي حياك الجهراء وشوف الضغط الكبير على مستشفى العرف وباقي العيادات

ممكن يكون ان بعض المراكز يتم الصرف لهم وبكميات قليله الا انه سبب غير مقنع يدزون نمونه من كل دواء يسكتون العالم فيه

ويكون بعد نصيب الصيدلي والدكتور المصري

وزارة الصحه يبيلها هدم وبناء من جديد وعساها تضبط ​

 

[سرور]

اخوي سروووور انا اقولك طفل ارتفعت حرارتة فجأة ما اوديه الطبيب

الحمدلله والشكر على كل حال

يالعزيز أنا ما قلت شي .. هو أكيد غلط المفروض يفتح المستوصف للحالات الطارئة .. أنا بس أبين لك سياسة وزارة الصحة بأني من سكان العاصمة ورفض مستوصف السلام استقبالي حتى أبين للاخوان ان هذا على الجميع

 

[بو بـدر]

أغلب الادوية موجودة بجميع المستوصفات ولكن احيانا يصير نقص بالمستوصف بدواء معين ولكن الكلام كله على الدكتور او الدكتورة بعضهم أقل ماتقول انه معدوم الضمير والأنسانيه وتتعجب شلون صار طبيب

واحيانا يكون العكس المريض داش ويقول ابي وابي وابي ما يراعي ان للطبيب نظرة وان بعض الادوية مناسبة لفئة عمرية معينة بعضهم يمشيها ويعطيه الي يبيه وبعضهم يرفض ويعطيه اسوء الادوية واقلها فائدة

بجميع الحالات هني بالكويت ينقصنا تشخيص وليس الادوية او المعدات