ولد خالي مصري ومسكين وتوهق!!! وأبي رايكم

[فودري]

السلام عليكم
بدخل بالوضوع على طول ..... واتمنى ترشدوني عالطريق الصحيح
عندي ولد خالي مصري .... وتوه داش الكويت على اساس انه يشتغل بشركة رخام ... المهم اهو فني رخام .. يعني يسوي رسمات واشكال وحركات عالرخام والأحجار .......
اول ماوصل الكويت طلع الحجي الي سمعه كله غلط بخصوص الراتب والسكن والمواصلات .... المهم توهق ... وقال اوكي ومشى بالموضوع
وعقب صارت له مشكله مع الي معاه ... ورب العمل فلسطيني الجنيسه قاله اذا مو عاجبك ارجع ديرتك !
قالوا له انك فني ... وخله عامل !
والراتب 170 ... وطلع 130 !
والمواصلات والسكن علينا ... وطلع عليه !
المهم الولد سكت ... وعقب بنغالي معاه وسوري سوو له مشكله وتهاوشوا معاه ... والكل واقف معاهم ضده .. لانه يديد يمكن ماصارله 3 اسابيع !!!!!
المهم الحين شنو الحل ؟؟؟ مع العلم انهم لي الحين ماسوو له الأقامه !!
نبي نسوي له تنازل !! او انشوف له حل اقامه على شركه ثانيه ... او اي شي يعني انا ماعرف بهالسوالف .... ارجوكم فيدوني افادكم الله وجزاكم كل الخير .... ​

 

[AL-AMIR]

ما راح يقصرون الاخواااان وراح يردون عليك

والله يعينه ويرزقه

 

[فودري]

الله يرحم والديك يالأمير

 

[rahaly]

اخي الكريم ..
الحل الوحيد لكي لا يعملوا له مشاكل اخرى

يروح الشئون ويقدم شكوى عمالية - مخالفتهم للعقد (اذا كان الراتب بالعقد يخالف ما يسددون له)
ويطلب تحويل اقامته على كفيل اخر

هي صعبة لانهم راح يقولون له انك جاي من بره على كفالتهم
بس يحاول ويطلب تحويل الاقامه
وان شاء الله تقبل الشئون وتنتهي المشكله

والله اعلم

 

[فودري]

الشركه لي الحين ماسوو له أقامه !!

 

[بو بـدر]

شلون دش الكويت ؟ كرت زيارة !

 

[فودري]

دش الك الكويت بفيزا من الشركة نفسها ... بس لي الحين ماسوو له أقامه ..
وبعدين اخوي نكسمان ... أصابعك مو سوا الله يرضى عليك

 

[فريح الكوح]

خل يبادر بتسجيل شكوى بالشؤون مثل ما قال الاستاذ رحالي ، قبل ما يسون له تغيب .

 

[فودري]

مممممممممم اوكي ... وين مكانهم أي صوب ؟؟

 

[khaled_y]

اولا :- مع احترامي للاخوان الي يقولون خل يقدم شكوى في الشئون . اعتقد الشكوى خسرانه لان الاخ يقول ان ماصارله ثلاث اسابيع يعني للحين ماثبت اذا استلم راتب غير الي متفق عليه بالعقد
ثانيا :- يقول للحين ماتم عمل الاقامة له...الشركة بهالحالة ممكن تنكر العلاقة لان اساس العلاقة العمالية التبعية والاجر..وبما ان الاخ للحين ماستلم راتب ولا تم عمل اقامة له راح يكون صعب اثبات الغلاقة
ثالثا:- لو ينتظر على الاقل شهر ونصف ويستلم راتب واحد اقل من المتفق عليه يقدر ساعتها يشتكي لاخلال الشركة ببنود العقد
وبالتوفيق

 

[فريح الكوح]

اتكلم عن شيء افهم فيه : 1- شكوى الشؤون تمنع عمل التغيب .
2- العلاقة بين العامل وصاحب العمل تبدأ بالعقد ( قبل الفيزا .. مو الاقامة )
3- اساس الشكوى الامتناع عن اخذ الاقامة ( الراتب محذ بالعقد ولا يمكن تغيره ) الوظيفة محددة بالعقد ولا يمكن تغيرها .

 

[فودري]

ممممممممممم .. الحين من رايكم انه ينطر ؟

 

[المنتفج]

اذا في بينه وبينهم عقد بالوظيفة والمعاش يقدر يشتكي
لكن برأيي انه تحاولون تدورونله وظيفة ثانية بشركة غيرها وتعطونهم جم بيزة
الشكوى ما وراها الا المشاكل اللي يمكن ما ياخذ من وراها الا انه يخسر وظيفته ويرجع ديرته
الله يعينكم

 

[دوم خسران]

ربما لم يكن فني100% كما كان يقول لهم ----------- هل ذهب الكفيل الى مصر وتم إختباره هناك ----- أم أنه تم إحضاره بواسطة أقارب له هنا وعلى السمعه فقط تم إحضاره ---------------- لان الفني في أي مجال ---يداه تتلف بحرير والكل يتلقفه ويبحث عنه ----- ويستطيع الحصول على يوميه لا تقل عن 15دك---------------

الحل هو
***
إن كان فني 100% نصيحه يذهب للبحث عن عمل بمكان ثاني وينتهز فرصة وجوده في الكويت وسوف يجد بكل سهوله----ويعمل معهم عقد عمل
ويطلب من كفيله الاول إنهاء عقده
وخلال هذا الوقت يقدم شكوى للشؤن مع إثباتات مثل صورة العقد ونسخه من كشف الحساب توضح راتبه على البنك لان الامر يحتاج لوقت طويل

***
وإن كان هدفه هو الوصول الى الكويت فقط ---- طلب للرزق فيجب عليه أن يصبر ويتحمل ويقنع الى أن تتضح له الامور --