اسهم متوهق فيها

[زورو2000]

السلام عليكم
اولا اشكر الله سبحانه وتعالى ثم اعضاء هذا المنتدى اللي نورنا على اشياء كنا غافلين عنها.

ثانيا لو لم تكن ثقتي بالموجودين كبيرة ما طرحت هذا الموضوع وما وضعت استفساراتي هنا.

اخوكم جديد بالسوق 3 سنين(دخلت قبل الازمة وطاح الفاس بالراس) تقريبا لكن مبتدئ
اخذت اسهم والصراحة توهقت لما نزلت وما عرفت ايش اسوي فيها واللي ظاهر انها ماراح تتحرك ولا راح تصعد

فبغيت رايكم في هذي الاسهم ابيعها كلها طقة وحدة مع اني خسران فيها ثلثين راس مالهم واصفي على الثلث واخذ اسهم تكون قوية وثقيلة تعوض هذي الخساير ؟
والا ايش رايكم
هذي الاسهم:
عارف اخذته على 0.460
اعيان ع اخذته على 0.240
الصفوة اخذته على 0.230
الافكو على 0.240
مشاعر على 0.710

والحمد لله رب العالمين
وانا لله وانا اليه راجعون

 

[ezee]

والله يا خوى التعويض بالنسبة لاسهمك واسعارهم القديمة والحالية صعب فما لك الا حل من اثنين اما الصبر الى ان تعود اسهمك لاسعارها القديمة وهذا متروك للزمن واحوال الاقتصاد العالمى واما انك تبيعهم وتنساهم وتدخل من جديد وتعوض ونحمد ربك بخسايرك وتدش السوق من اول وجديد وتحمد ربك ان الخسارة فقط بالمال وانك لا تزال بخير وبصحة وهذا هو المكسب الحقيقى العافية

 

[انوفستي]

عظم الله اجرنا واجرك

 

[زورو2000]

والله يا خوى التعويض بالنسبة لاسهمك واسعارهم القديمة والحالية صعب فما لك الا حل من اثنين اما الصبر الى ان تعود اسهمك لاسعارها القديمة وهذا متروك للزمن واحوال الاقتصاد العالمى واما انك تبيعهم وتنساهم وتدخل من جديد وتعوض ونحمد ربك بخسايرك وتدش السوق من اول وجديد وتحمد ربك ان الخسارة فقط بالمال وانك لا تزال بخير وبصحة وهذا هو المكسب الحقيقى العافية

ماقصرت ويعطيك العافية على مداخلتك الطيبة
والحمد لله على كل حال

 

[زورو2000]

عظم الله اجرنا واجرك

احسن الله عزاكم

 

[adel8877]

انا أتوقع أنك عورت قلوب كل من دخل على صفحتك على أزمتك .

ولكن لاتتوقع انك الوحيد على هذه الحالة فهناك كثير مثلك ..

انا اشتريت الرابطة : 910 وبعتها 490 فلس
وعارف طاقة 350 وبعتها 244 فتس
الشبكة 290 وبعتها 49 فلس
نور 360 وبعتها 160 فلس .
وهناك الكثير اكثر منى ومنك والاقرب الذى دخل على اجيلتي 1200ونزلت الى 295 فلس ومجموعة الرابطة .
ونأسف على الاطالة . موفق خير :d

 

[هده خله يتحدي]

اخوي كلنا متدبسين بأسعار عالية جدا
عندي كمية كبيرة بمركز سلطان اخذته علي 600فلس
الوطنية العقاريه اخذته علي 670فلس
وجراند اخذته علي 550فلس
وبتروجلف اخذته علي500فلس
مشاعر اخذته علي 650فلس
ابراج اخذته علي 400فلس
ولاتحاتي اخوي ربعنا وايد

 

[saeed]

انصحك تبرد على الاسهم خصوصن اسعارها رخيصه وبما انك ناطرها تصعد استفيد من صعودها

اظن يبيلك شويه صبر والله يوفقك ان شاء الله

 

[الوحيد 1974]

أزمة 2008 كسرت ظهر الوحيد وتعاملت مع الاجل أبو ثلاث شهور وشريت آجل قوى على منتزهات الخايسه آخر شهر يوليو أدرى فى ناس مايعرفون يوليو يعنى آخر شهر 7 وبأختصار يعنى مع أول شراره لنزول السوق الكويتى وأخوكم الوحيد ماقصر جلبت بالسهم خوش تجليب وبعته آخر شهر أكتوبر بخسار مروعه بس أخوكم مؤمن بالقضاء والقدر والحمد الله والشكر على كل حال وأهم شىء ياأخوان رضا الواحد القهار والصحه والعافيه والباقى يتم تعويضه بأذن الله العلى العظيم .

 

[حدى راهى]

الحل بالتبريد والانتظار وسنة 2011 بتكون سنة خير بإذن الله

 

[بوسالم]

السلام عليكم
اولا اشكر الله سبحانه وتعالى ثم اعضاء هذا المنتدى اللي نورنا على اشياء كنا غافلين عنها.

ثانيا لو لم تكن ثقتي بالموجودين كبيرة ما طرحت هذا الموضوع وما وضعت استفساراتي هنا.

اخوكم جديد بالسوق 3 سنين(دخلت قبل الازمة وطاح الفاس بالراس) تقريبا لكن مبتدئ
اخذت اسهم والصراحة توهقت لما نزلت وما عرفت ايش اسوي فيها واللي ظاهر انها ماراح تتحرك ولا راح تصعد

فبغيت رايكم في هذي الاسهم ابيعها كلها طقة وحدة مع اني خسران فيها ثلثين راس مالهم واصفي على الثلث واخذ اسهم تكون قوية وثقيلة تعوض هذي الخساير ؟
والا ايش رايكم
هذي الاسهم:
عارف اخذته على 0.460
اعيان ع اخذته على 0.240
الصفوة اخذته على 0.230
الافكو على 0.240
مشاعر على 0.710

والحمد لله رب العالمين
وانا لله وانا اليه راجعون

_____________

شوف زورو الله يعوضك خير اولا , ثانيا اللي يدش هالسوق لازم يقوي قلبه
واللي حصلك اعتقد تقوى خلاص , ثالثا كلنا طحنا بهطيحه مهما تتبع الاخبار او المؤشرات او او ...... السوق ومحركينه شيء اخر .
الزبده : اذا عندك فلوس طقطق على خفيف لالالا تطمع , او عندك مبالغ شوي كبيرة راس مال محترم فرد اشتري نفس الاسم للتبريد وهذا شوي في خطوره ,, لكن لا تبيع بخسارة مهما صار انساهم واسف على الاطاله

 

[baselko]

اخوي انا دشيت السوق ب40000 الف والحين صاروا 3 الاف دينار والحمدالله رب العالمين

بس نصيحتي لك لاتشتري اي سهم غير قيادي يعني اختار الاسهم مثل زين والصناعات والمشاريع وبيتك ومن هالطقة

وربي يوفقك

 

[aloood10]

اخوي كلنا غرقانين والله يعين ..
مالك الا الصبر انساهم ويصير خير يمكن السوق يصعد يمكن يعوضونك شوي بالارباح وماانصحك تبرد عليهم يعني لوعندك جم فلس بالبنك خشهم وماله داعي تعطيهم حرامية السوق مرة ثانية ..

 

[bigbin78]

والله يا اخوي زورو الوضع مايطمن ويخوف والله يستر علي هالسوق
اما بخصوص سهم الصفوة اوضاع مو زينه ويخوف انه راح يولي السهم الله يعينك ويعيني معاك لاني عندي فيه كمية كبيره

 

[frozen]

صكوك 30 و البيع مو اقل من 50 و هذا توقع شخصي لا خبر ولا شي

 

[مضارب متعثر]

الله يعينك وعين كل مضارب بسوق الدايخ

 

[البيروتي]

انا شريت سهم قبل 6 شهور سهم دايخ ولايث

مشكلة السهم ماكو احد يطلبه ابي ابيعه ابي افتك ماني قادر

سهم ( اجيال العقاريه )

 

[alsoor]

اللة يعيييينك

 

[AL.MOUSAWI]

عندك حلان لا ثالث لهما :

الحل الاول : اذا كنت تملك سيولة زائدة فهذه فرصتك

الوحيدة للتبريد بهذه الاسعار الرخيصة والمغرية مثال

على ذلك انت شاري الصفوة 230 فلس سعره الان

27 فلس ( نفس الكمية تشتري ) راح يكون معدل

السهم تقريبا 128.5 فلس !!!

الحل الثاني : الصبر ولا شيء غيره

 

[sarheed]

نصيحه يا اخوي ترى انا مثلك وراحت فلوسي على التبريد

اذا بقيت تبرد اختار وقت التبريد وهو الوقت اللي يبتدي السهم يصعد

اما الحين خل اسهمك على طمام المرحوم لين ربك يسهلها

واذا عندك شويت فلوس حاول تطقطق بالسوق