صراحه...الاوسط شركه سيئه جدا ..حتى التلفونات مايردون عليها

[البورصوي]

السلام عليكم

ما هذا الاستخفاف بالعملاء هل يصح ذلك الاوسط برو عطلان فهل الرد على التلفونات عطلان ايضا

شي محير يجب على الاوسط في حال تكرار الاعطال اعطاء عملاءها فرصه البيع والشراء عن طريق الهاتف كما هو المعمول بشركات الوساطه في السوق

لان كثير من العملاء يتعرض للخساره فمن يعوضهم بذلك

يجب رفع قضيه بذلك امام المحاكم

 

[عارف الحال]

وانا بعد وياك والمحامى جاهز وبلاش
الاوسط خرباء والتلفونات مقطوعه مو دافعين الاشتراك السنوى 60 دينار

 

[السهم الخارق]

والمشكلة ان هذه المواضيع بعد شوي المشرفين يشيلونها بسرعة مثل امس

ليش ؟؟؟؟؟؟ افهموها

 

[عارف الحال]

لانه الاوسط اهو اللى حاط المؤشر نت
يصير موظفين الشركه يتكلمون عن المدير العام بالسوء لا يصير

 

[الريان]

لانه الاوسط اهو اللى حاط المؤشر نت
يصير موظفين الشركه يتكلمون عن المدير العام بالسوء لا يصير

عارف الحال

سوال هل احد من المشرفين اساء اليك

اخي الكريم الاوسط ماله شغل بموقع المؤشر نت

واخوي سوال النقد حاطين قوانين له

وهذي قوانينه

قانون النقد البناء

* تأكد من أن الموضوع يستحق النقد
* أعطى النقد بطريقة مقبولة للمنتقد في الوقت والمكان المناسب
* إبدا بايجابيات موضوع النقد اولاً
* أكد على موضوع النقد وليس على العضو
* تأكد بأن هدفك هو طلب الحلول أو إعطاء حل
* المتابعة الفعالة
*لاتنتقد من اجل الانتصار
* اختتام النقد بالتقدير والاحترام


لكن نحن لاتربطنا صلة بالاوسط الا الدعاية فقط ونقبل النقد لكن بشروط يجب احترام المكان وقبلنا هالموضوع وغيرها من المواضيع من غير ان نقفلها فاخي الكريم هل تريد منا التدخل عشان تكسب انت الرهان وبعدين تقول شفت ماقلتلكم


اخي الكريم بالنسبة لي وللمشرفين والمراقبين لانمت للاوسط بأي صلة والله الموفق

وانا حالي من حالك اشتكي من الاوسط

 

[كارتير]

الى متى ونحن على هالحال
اللى الاوسط الكريم نرجو منكم الاهتمام بالموضوع لان الموضوع ليس سهل كما تتصورون لان الاخوان ونحن ندير تجاره والتجاره لاتريد كسل او اعطال
لازم تشوفون لنا حل ضرورى
لان الواحد اذا سكت مره او مرتين لايصبر الثالثه من غير عذر

 

[عبدالعزيز]

مع اني مو مشترك مع الاوسط بس متضامن وياكم لسبب واحد
انكم انتو قاعدين تشكون وفي مسؤل للاوسط لقسم الكويتي مارد عليكم ولابرر موقف الشركه اهو اعتذر عن الخلل الي حدث !

 

[بوحسن]

الخلل موجود بالاوسط انا اؤيدكم يكشتون بالتلفونات ... صارت ظاهره بالنسبه لهم

سوء معاملة الزبون ...اكيد ( يلطعونك على التلفون فتره طويله مثل ما صار معاي امس ) ليم وصلت البيت

نداء لهم انهم يوظفون اشويية ناس .. ترا مو قاعد يربحون اشوي هاليومين ..مشالله ارباحهم فوق النخل ..اشوي صرفو الي بالجيب

بس بصراحه لو تروح البورصه بتشوف ذبح مذابح هناك ..ترا امه .. اممم ... عالم ثاني ..يقولك حتى الخباز كاشت وناطر دور عشان يصير متداول

ويا عيني على الوسيط ليم تقوله بيع ....

يقولك الدور عشان تقوله بيع ..ساعتين ..يكون السهم تدوبل فوق او تحت 20 مره

الله يرحم ايام زمان ليم ما كان بالبورصه الا 3 وكان التكييف عطلان بعد
وهم اشتكو بس هالايام احلى ... الي مو شايفه من سنه تشوفه هاليومين معاه اورقتين .. ورقه قرض البنك وكوبون سحب على ارض .. وورقه امر شراء ( بون ) :d

انشالله الايام اليايه يتسنعون فيها الربع بالاوسط وتتسنع ارباحنا

 

[machaki]

الأوسط من تروح تبي تفتح عنده إحساب وتشوف موظفتين ماكو غيرهم اهم يعلمونك ويفتحولك الحساب ويسوون كل شي ، لكن لو تروح شركة تداول عملات تشوف جيش من الموظفين والمكاتب وتحس إنك تتعامل مع شركة تعبانه على روحها ، انا صراحه كان ودي احط فلوسي بالأوسط واداول بالنت بدل وسطاء البورصه ، بس من خلال كلامكم هونت صراحه وأبي أضل بالبورصه والتداول التقليدي بدل الكمبيوتر ، ياريت الأوسط يصير بمستوى داتك أون لاين أو تريدر خل الناس ترتاح وما تشتكي

 

[machaki]

انا اايد ان نرفع قضية بالمحكمة وننشرها بالجرايد وباعلانات البورصة والمنتديات ، وهذا الشي راح يؤثر على سهم الأوسط وعلى تسويقه كوسيط تداول ، واتوقع من بعده سمعته تخترب بالسوق وراح يجبر أن يمشي عدل ويضبط موظفينه بأن يتكلمون بنفسية حلوه وباهتمام ، أنا أقترح تتشكل لجنة مراقبة لكي تتابع هلالمسألأة هل الأوسط يخرب السستم فقط بنزول السوق وهل لمحفظته دور بهذا الأمر ولها مصلحة ، وأتوقع يوقفون عند حدهم ، تره بشركات الوساطة الأجنبية لو يوقف السستماو ما يطبق أمرك يعوضكعن خسارتك ، وهذي كانت تصير معانا بتداول العملات مع شرطة وساطة أمريكية واكنت اتعوضنه إذا صار خلل وماطبقت الأمر .

لا تسكتون عن تصرفات الأوسط ، ولا تره يتجرأون عليكم أكثر ويمكن باجر تشوفون حساباتكم كلها ناقصه من غير ما تدرون ، الظاهر في نوعيات تحب البقشيش حتى بالوساطة بالنت

 

[عارف الحال]

الى الريان

انا اللى مزعلنى ليش تلغون المشاركه اللى كتبوها الاخوان
الاوسط من سئالى اسوا؟؟؟؟؟

 

[الريان]

اوكي السبب كان فيها اساءة الي شخص باسم معين وايضا كان فيها نقد جارح وهذا امر مرفوض بالمنتدى وبالعكس من يستخدم هالاسلوب في قوانين كل المنتديات يتعرض للطرد لكن الحمدالله ليس اسلوب الاداره اطرد وبس

وللعلم حسب ماوصلني ان الاوسط ابعد موظفيه عن المنتدى وايضا ابو على ذكر هذا الامر لي ان الاوسط غير مسؤول بالرد على المنتدى وان لايوجد موظف يعتبر مخول من الاوسط يرد ولقد الغيت هذه الميزة لامر واحد حتي نبعد المشاكل التي تحدث مابين العميل والاوسط في شركتهم وليس في المنتدى

ان شاء الله كلامي واضح

 

[machaki]

انا اقترح لو المشرفين بالمنتدى يقترحون على بنك الكويت الوطني ان يفتح خط لتداول الأسهم الكويتيه مثل ما هو لديه خدمة تداول الأسهم الأمريكية ، والبنك الوطني بنك ممتاز ويستطيع عمل هذه الخدمة باتقان افضل من الأوسط الي مشكاله وايد .

ياريت الأخوة المشرفين يقترحون على البنك الوطني ، كون هذا المنتدى له ثقله بهذا المجال

اشرايك اخوي الريان والخ يوسف غضنفري بالإقتراح وامكانية تفعيله للصالح العام للمساهمين
شكرا

 

[لاتستغرب]

المشكله ياجماعه في السيرفرات لانهم ماتوقعوا هذا الكم الهائل من العملاء
فهم بحاجه لتكبيرها .. وقبل شهر سألت موظف في الاوسط متى تكبرون السيرفرات
قال بعد اسبوعين ... وقبل اسبوع سألت موظف آخر متى بتكبرون السيرفرات ...قال بعد اسبوعين؟

يعنى ردد .. يالييييييييل مطولك...

 

[rahaly]

وانا بعد وياكم ...

لو تشوفون في المواضيع أكثر شخص عملتلهم دعاية ..
النتيجة؟؟
يتحول مبلغي لحسابهم .. والحين وبعدين ..
والسهم اللي بأشتريه يصعد بعد نص ساعة!!!!
مع انني دازلهم صورة تحويل البنك ..

أما قصة التلفون .. لو المدير يتصل فيهم بس يشوف متى يردون عليه!!!!

اذا ما عندهم موظفين كافين او قدرة على استقبال العملاء .. ياخي لا يستقبلون عملاء جدد ويورطونهم ..

أما قصة القضية والمحامي .. انسى ..
ياعمي موقعينك الف ورقه ما قريتها طبعا .. انهم غير مسئولين عن كل ما سبق ان قيل ..

واحنا نفتخر بوجود هذه الشركة الكويتية .. لكن مو معقولة ان يكون هدفها الربح دون النظر لمصالح العملاء ..

تحياتي

رحالي

 

[بوحسن]

والله انا مستعد اني ارد على تلفونات الشباب يا شركه الاوسط

..حرام عليكم

ترا فلوس ناس

وتلقانا قبل لا نبيع او نشتري بققنا عيونا ساعات وساعات

وقررنا ويالله زين قررنا البيع او الشراء

يطلع الجهاز ابيض او ما تردون على التلفون ؟

وملاحظه حق الشباب الي علبالهم اعلان الاوسط بالمنتدى ملينهم ومطلعين من وراه ارباح

اقص ايدي اذا سعره مو 200 دينار بس

 

[ابن الوهاج]

الأوسط من تروح تبي تفتح عنده إحساب وتشوف موظفتين ماكو غيرهم اهم يعلمونك ويفتحولك الحساب ويسوون كل شي ، لكن لو تروح شركة تداول عملات تشوف جيش من الموظفين والمكاتب وتحس إنك تتعامل مع شركة تعبانه على روحها ، انا صراحه كان ودي احط فلوسي بالأوسط واداول بالنت بدل وسطاء البورصه ، بس من خلال كلامكم هونت صراحه وأبي أضل بالبورصه والتداول التقليدي بدل الكمبيوتر ، ياريت الأوسط يصير بمستوى داتك أون لاين أو تريدر خل الناس ترتاح وما تشتكي

اقضب العصى من النص ونزل البرنامج وخل اسهمك في البورصه بيع واشتر مع الدلال

 

[بوعنتر]

عندي اقتراح للاوسط
السايت عليه ضغط من كثر الزوار يبا صكرو السايت خلوه حق العملاء فقط لانه فى وايد ناس مو مشتركين بالاوسط يستخدمون السايت ويشكل ضغط على الاجهزه والخطوط ...المواقع الاجنبيه القويه ماتسويها ويكون فى تأخير بالاسعار على الاقل ربع ساعه وكثر الله خيركم الاسعار مباشره وبتاخير ثواني فالافظل وضع الخدمه للمشتركين فقط لانه العميل اولى.

 

[الراقي]

بوعنتر وين كرم عنتر تبيهم يلغون الخدمه المجانيه وين نروح موقع بورصة الكويت يبجي يفتح قبل البورصه ويعلق مع فتح البورصه وبعد البورصه يفتح مره ثانيه حرام عليك يعني موكافي السوق دايخ تبي تحرم الشباب من الخدمه وبعد مايلغونها وماضبط الاوسط شنو تقول خلوني بروحي اتدول في الاوسط

 

[rahaly]

سؤال يا جماعة :

لما عملوا السايت ما سووله دراسة ؟؟ كم مشترك يتحمل .. وكيف يتصرفون في الازمات ؟؟

والا خذوه فغلوه؟؟

حتى اني كلمتهم عن بعض العمليات الفنية واللنكس اسوة فالشركات القديمة اللي مجربينها ...

مع احترامي لهم تعليقم مو مقنع .. يقولون ان طريقتهم احسن!!!!!
يعني اي تريد .. واميرتريد .. شركات راس مالها مليارات متخصصين .. يجون الاوسط يصيرون احسن منهم؟؟!!!

بس قال سحادك يا المسمار؟؟......


تحياتي

وانشالله يطورون نفسهم ..