الاحوه الذين طلبو معرفة قرعتي بالقيروان/ قسيمة 96

[بـ مـبـارك ـو]

الحمدلله والشكرلله على ما اعطى..هذا ليس اعلان وانما للاخوان الذين طلبو معرفة ما سوف احصل عليه من القرعه ولله الحمد من قبل ومن بعد

 

[صقر3]

مشاء الله تبارك الرحمن من افضل المواقع نادره منزل مبارك نيتك صافيه

 

[نجوووم]

مبروك هل انت الي اخترتها ام اللجنة ساعدوك

 

[المحلل المالي75]

سلام عليكم , ألف مبرووك أخوي وأنا مشارك أمس وحطيته الأول على المنطقة وبعدها رقم 90 وبعدها 15 إلي بقطعة 1 : http://www.indexsignal.com/forum/showthread.php?t=260815


عساه المنزل المبارك وبخصوص سعره الله العالم مع بدل طلب السوم يبدأ وفوق ال100 ألف . .. ونصيحه لاتبدل منطقة مرغوبه جدا جدا .

 

[ال ثنيان]

عساه منزل مبارك ويعطيك خيره ويكفيك شره وشر الناس

 

[مشاري بو ناصر]

الله يهنيك في بيتك ويكفيك عيون الناس ...

 

[al7mly]

ماشاء الله وتبارك الله

الله يرزقك اخي الكريم ويجعله منزل مبارك

بصراحه انا لو منك ابدل يسرعه مع اي طلب وادش مزايده في خيطان

 

[هاربر2]

لك خاطر تبدل طلبي 2001 جم تبي ازيدك

 

[مو طبيعي]

يا عله منزل مبارك يا بو مبارك و ربي يرزقك

 

[bu-abdullaziz]

ماشاء الله خوش موقع ان شاء الله منزل مبارك مقدما

لاتستعجل في اتخاذ القرار..

التبديل من صالحك واتوقع السعر من 100 الف و مافوق

وبناء البيت ثم بيعه افضل الخيارات بالنسبة لي

او السكن فيه..

بالتوفيق

 

[كويت 2020]

ما شاء الله
اعجبونى الجمهور لما صوتوا على الرقم واحد هللوا لك ولى يقول الله يباركله
الله يرزقك انت وعيالك امين

 

[هامور 2000]

مبروك
منزل مبارك يا الحبيب
خوش موقع الله يهنيك

 

[شاطري]

عساه منزل مبارك

 

[المطبه]

حيالله الجار ألف ألف ألف مبروووووووووووووووك

عرفتني أنا جارك قسيمه رقم 95 اللهم لك الحمد والمنه الله رزقني بموقع ممتاز وجار طيب نفسك والله يوفقك بصراحه قسيمتك رقم 1 في المنطقه والله يباركلك فيها
وأذا ماعندك مانع ودي نتعرف علي بعض وهم دوخوني الربع بيعرفون منو صاحب القسيمه 96 وياليت يكون علي الخاص
تقبل أحلي تحييييييييييييييييييه ​

 

[adel112]

الف مبروووووووووووووك
الله يكفيك شر العين ويبارك لك في بيتك
انا مااعرفك ولا تعرفني لكن انا اللي قاعد جنبك اليوم في القرعه
وعطيتك الكرسي علشان تقعد وصادفتك اليوم العصر في القيروان وانت بالسوبر معاك اهلك وانا بجيب ارمادا معاي اهلي وسلمت علي ما ادري عرفتني ؟
عسى الله يوفقك

 

[drdor]

ماشاء الله تبارك الرحمن.... منزل مبارك ومميز بصراحه
نصيحتى لك... ابنيه 3 ادوار وسرداب.. واسكنه .. هذا بيت العمر

 

[abo_ahmad_k]

الله يبارك لك ويجعله منزل مبارك

ويكفيك شر العيون


ومبروك لك ولكل من طلع له ارض واتهنون بالصحه والعافيه

 

[مواطن بدون سكن]

منزل مبارك وعامر بذكر الله​

 

[بـ مـبـارك ـو]

الله يبارك فيكم والحمدلله والشكرلله ....اشكر مروركم الكريم ونصائحكم الطيبه والتي تعبر عن احاسيس صادقه ودعوات مخلصه وعسى الله يرزقكم من حيث لاتحتسبون..

صقر: الله يجزاك كل خير
نجوم : نعم اخترتها من غير استشاره
مححلنا العزيز:كل متابعك ومتابع الاخوه بالمنتدى واختيارهم للقسايم بس كنت مشاهد فقط لانكمم كفيتو
ال ثنيان: الله يجزاك كل خير
مشاري بو ناصر: الله يجزاك كل خير
الحملي : مشكور وماتقصر والله يكتب اللي فيه خير
هاربر: الله يرزقكك بالبيت الاطيب منه وماتدري نصيبك وين اطلب ربك وعسى الله يوفقك
موطبيعي : الله يبارك بأيامك
بوعبدالعزيز: الله يجزاك كل خير ونصيحتك وصلت والله يكثر من امثالك
كويت 2020:عزالله انك صدقت من طلع رقم وانا اكبر واسمع الناس تهلل وتذكر الله عسى الله يهنيهم بمساكن الدنيا والآخره
هامور: الله يبارك فيك ويجزاك كل خير
الشاطري: الله يبارك فيك ويجزاك كل خير
المطبه:يااا مرحبااا وابركها ساعه والمفروض ابارك لك بصفحه كلمه وابشر رقمي عندك ع الخاص
او عادل .... بقولك انا ذكرتك عدل وبقول شي لما عطيتني الكرسي وقعدت جنب ولد عمي قلته والله شاهد عسى الله يرزقني بجار نفسه خفيفه مثل هالشخص... وانا صحيح حالي حال الاخوه اللي خذو اهلهم وراح لمواقعهمadel112[ ولو انا منتبه انه انت الشخص كان نزلت وباركت لك وتعرفت عليك اكثر ... ومبروك وعساه منزل مبارك
/COLOR]دردور : الله يجزاك كل خير ونصيحة طيبه من شخص اطيب
ابو احمد: الله يجزاك كل خير ويرحم والديك
مواطن عساك تسكن اطيب مسكن :الله يجزاك كل خير واللهم امين

 

[q8i-man]

ألف مبروك يابو مبارك وعساه منزل مبارك .. تستاهل يالغالي .