يارب ان ظاقت قلوب الناس من عفواً فعفوك لا يغيب ‘‘الكمبيالة‘‘

[الظلم ظلمات يوم]

السلام عليكم
أخواني الاعزاء القانونين وغيرهم من اصحاب الخبرة,
اتمنى تنضرون موضوعي بعين الاعتبار لانه مسألة ‘‘ظلم‘‘ وإليكم السالفة بالتفاصيل.
انا أجرت سيارة بسنة ‘‘2008‘‘ ورديت السيارة بعد سة أشهر ,, وحصل عطل بالسيارة (بالظفيرة) الكهرباء ، وكلمت صاحب المكتب وقالي جيب السيارة وانصلحها ,, وديت السيارة وبعد يومين قالي صلحنا السيارة (1120) طبعاً تصليح السيارة اقل من هالمبلغ بواجد ولاكن هذي رزقتهم على النصب , وبعد فترة سددت (200) دينار , وقالي كيفك متى تدفع الفلوس بأي وقت , وكل مرة اجي واسدد عندة مبلغ ,, وصل المبلغ المسدد خمس مية دينار ,, وبعد فترة رفع على قضية بمبلغ (3400) رحت للمكتب ,, قلت لصاحب المكتب ,, هالمبلغ مايجوز انك ترفعه انا بيني وبينك اتفاق اني ادفعلك المبلغ بالتقسيط ,, (قام يلف ويدور) قلتله جم تبي عشان انسكر الموضوع ,, قال السيارة باليوم احسابها دينارين ,, وفلوس المحامي وتصليح السيارة!!؟ كله بألفين دينار؟؟ للأمانة انا انصدمة وأنقهرت .. ما ابي اسرد تفاصيل المشكلة الي بيني وبينه .. سددتله المبلغ ، وقالي راح اعطيك فاتورة بس مبلغ تحت الطلب باقي عشان المحامي لانه رافعين القضية (3400) عشان اسكرلك الموضوع كله ,, وكل ما اجي اقوله وين الكمبيالة يتهرب مني ,, وين وصل الامانة يتهرب ,, يقولي هاليومين بس لانه نبي انسكر ويا المحامي ويطلبنا فلوس ,, وانا احترت والله يعلم شلون دفعتله هالالفين.. واتمنى من كل قلبي أفيدوني لاني ابي اروح اشتكي واخذ الكمبيالة والله على ما اقول شهيد

 

[rahaly]

للاسف بعض مكاتب السيارات نصابين وما عندهم ذمة
ويكتبون كمبيالات على بياض ويورطون الناس

الميزة ان القضاة عارفينهم نصابين

ترفع دعوى باسترداد كمبيالتك
وبمحاسبته عن المبلغ الذي تسلمه
وان شاء الله تنجح قضيتك

بس لا تسكت عنه

والله اعلم

 

[ابو فوزي]

اخوي اسأله الله في ليله فالله سبحانه وتعالى ينزل إلى السماء ليسمع من يدعوا الله ويسمع من ظلم ويسمع المريض والمصاب والحزين والمهموم احسن النيه مع الله واشتكي لرب العالمين والله مايضيع حق وراه طلاب

الله لا يوفقهم ياكثر النصابين بالديرة

 

[بو شيشه]

الله يعينك مره صارتلي نفس سالفتك بس حادث و استغلوني المكتب بالكمبياله بسعر تصليح مرتفع
بس أهم شي انك تاخذ وصل على كل دفعه تدفعها
وتأكد ان السيارة الي مأجرها تأمينها شامل....اذا تأمينها عادي ما راح تدفع ولا دينار وهذا بند اجباري للي يبطل مكتب ايجار

 

[مليونير$]

الى مايقدرها يقص فيها

وبعدين الحكومه قالت لحد يوقع كمبياله على بياض لمكاتب السيارات ونزلت بالجرايد توعية

وثاني شي السيارات كلها عليها تامين شامل والتصليح على التامين يعني الفلوس في بطنه ما دفع منها فلس اعتقد والله اعلم

وانت المفروض تاخذ منه وصولات بالمبلغ

جمع الاوراق الى تثبت ان التصليح تم عن طريق التامين دبرها شلون ما كان وبعدين شوف منو المحامي الى تعاقد معاه

وبعدين المطالبات الماليه المحاميين معروف انهم ياخذون نسبه مو مبلغ

والله شقولك لعبو فيك لعبه