نبي شركة للشايب

[Day_trading]

السلام عليكم نبيلنا شركة للشايب يبي يشتريها اللى عنده كلهم يسولفون عن البورصة وقالى بيعلى اسهمي اللى عندى وابيلي شركة سعرها اقل من نص دينار ويكون مستقبلها حلو ممكن تفيدونا الله يرحم والديكم

 

[boalons]

يالله حي بوراشد

هاليومين مطيح عندنا شعندك

ليش مو اكثر من نصف دينار , لان في خوش شركة بوريم ذاكرها ( الخرسانه الخلوية ) شركة للاستثمار ممتازه ان شاء الله يعني بعد سنه ان شاء الله فوق الدينار تبيعها , الحين سعرها 700 فلس تقريبا

 

[Day_trading]

هلا بولنص شلونك يا الغالى والله هذا طلب الرجال والا فى كم شركة انا متابعها بس مو راضى يقول ابي اقل من نص قلت يالله من نص نشوفلك الشباب وماقصرت على المعلومة مع انى اعتقد ان لو يحط فلوسة فى صندوق استثمارى يطلعله 30% بالسنة مو احسن من الاسهم

 

[أبو مناور]

على الله

هلا والله تريدر سوقكم محمر العين عليكم وانا من المتابعين لك عالعموم شوف المعدات

 

[rahaly]

الاهلية .. 280
خلال سنة اذا ما صعد السهم ( وهذا مو معقول ) .. راح تحصل توزيعات 30-35%

تحياتي

 

[زنبرك]

السلام عليكم
انصح بسهمان ينطبق عليهما ما يريد
العقاري ولا يبيع الا بعد التحويل الى اسلامي
التعليم الاهلي نازلة يوم الثلاثاء القادم ان شاء الله

 

[محمد2]

السلام عليكم

تبي شركه محد منتبه لها ........ وبعد أرخص منها ما في !!!!

بنك الخليج المتحد .... ليش أنا بقولك

أولا يملك 73 % من كامكو

ثانيا 37 % من العقارات المتحده

ثالثا يملك نسبة جيده في أسيا سل ( هواتف نقاله شمال العراق )

أرباحه بارتفاع مستمر


لك تحياتي وبالتوفيق

 

[saja]

نصيحة اخذ سهم سعره الدفتري مساوي او مقارب لسعره السوقي مثل
- عربيه عقاريه سعره الدفتري 145 و السوقي 146
- مصالح العقاريه دفتري 257 سوقي 238 لكنه سهم ما عليه حركة و يعل الجبد
- تبي سهم مستقبله زين من وجهة نظري كامكو و هذه نصيحه و ليست دعوه للشراء و عقلك ميزانك و الله من وراء القصد

 

[زين العابدين]

الرجاء الإنتباه

الرجاء من الإخوان الإنتباه أن بعض الشركات التي تم عرضها لاتتوافق مع الضوابط الشرعية.

ومن أراد الرجوع للائحة فهي على الرابط الآتي:

http://www.alnwady.com/stock/showthread.php?t=4897

ويتم تحديثها بإستمرار

 

[Day_trading]

الرجاء من الإخوان الإنتباه أن بعض الشركات التي تم عرضها لاتتوافق مع الضوابط الشرعية.

ومن أراد الرجوع للائحة فهي على الرابط الآتي:

http://www.alnwady.com/stock/showthread.php?t=4897

ويتم تحديثها بإستمرار

يعطيكم العافية يا اخوان شفيكم على البنوك نبي اسلامية ولازلنا ننتظر المزيد من الردود

 

[البواردي]

يستاهل الشايب

السلام عليكم
والله اصعب شي انك تنقي سهم لغيرك والله يكون بعونك



وانا اقول




اسمنت ابيــــــــــض مستقبلاً اسمنت ذهبي

 

[Day_trading]

السلام عليكم
والله اصعب شي انك تنقي سهم لغيرك والله يكون بعونك



وانا اقول




اسمنت ابيــــــــــض مستقبلاً اسمنت ذهبي

هلا اخى الكريم صراحة الشايب يقولى شرايك بالاسمنت الابيض مادرى كنة توة موزع ارباحه وشرايك وين رايح وكم السعر المستقبلي ااذا تفضلت