اي فونات يوريكا ال 4g ومشاكلها

[المرياني]

السلام عليكم إخواني وأخواتي
اشتريت اي فون 4 جي من يوريكا الي بالشويخ وبعد استعمال يوم طلع فيه عيب يشتغل بس على شبكه واحده والثانيه ما في سيرفس
فحولوني علي السالمية ووجد مجموعه من الناس عندهم مشاكل اخرى على نفس الايفون
فانتبهوا اخواني لا تغركم الأسعار
محبكم

 

[التايلندي]

مشكور على المعلومة .. ونتاكد من باقي الاخوان الي صادف نفس المشكلة

 

[المرياني]

اخواني للامانه بعد التاكد من الخلل وبعد مشوار من الشويخ للسالمية وبالعكس تم تبديل الجهاز باخر
بس عاد خذوا اللزقات من التلفون

 

[RichMan]

شنو طلعت المشكله ؟
وشرايك فيه بشكل عام ؟
نزله جلبريك ؟

 

[سليمان2]

انا شريت من الشويخ والمصيبه انه كان مفتوح يعني مستعمل .....
لانه الايفون اول ماتشغله يطلب منك تنزيل الايتونز..بس انا اشتغل معاي دايركت
وتم تبديله بعد معاناة للسالميه ومره ثانيه للشويخ
الصراحه شركة تعبانه ولا تغركم الاسعار زيد 20 دينار وارتاح منهم

 

[الـعـتـيـبـي]

ياخوانرانا خذيت واحد من فرع الفروانيه بجيسه مسكر والحمدلله صارلي استعمله اسبوع ماشفت فيه ولا مشكلة

 

[saad1975]

وانا خذيت 2 من يوريكا حقي وحق الاهل ما في مشاكل على الاقل فيه كفالة سنة يعني اذا في مشكلة نفس الاخ ايبدلونه مو مثل اللي تاخذه من محل او شخص اذا باعك انت وحظك نفس ماصار فيني قبل شريت الجهاز جديد ولما استعملته فيه عيب مصنعي بالكاميرة ما تشتغل لما بعته بخسارة .

 

[MeshMesh]

للامانه شركة ممتازه واسعارها ارخص سعر بالسوق

وبالنسبه للتعامل مع الزبائن ممتازين

تحياتي

 

[بوحمود1]

فى العجله الندامة وفى التأنى السلامه

يااخوان اللى تصير له مشكله مثل الاخ صاحب الجهاز ،، اقول وبالله التوفيق اولا يروح الشركه ويشرح لهم المشكله واذا ماصلحوا الجهاز بعدها ممكن يقول شسوى ويذكر شنو اللى صار معاه ،،،، اما التشهير بالشركة او الوكاله او الاشخاص فهذا نهى عنه الاسلام لانه فى ضرر والحديث يقول لاضرر ولاضرار

 

[المرياني]

اخوي أنا ما شهرت أنا قلت الي صار معاي وما ظلمتهم بس علشان الناس تكون على بينه

 

[saad1975]

اخوي أنا ما شهرت أنا قلت الي صار معاي وما ظلمتهم بس علشان الناس تكون على بينه

بس اخوي اعتقد ما قصروا وياك على كلامك بدلولك الجهاز وعطوك جهاز جديد ثاني عدل يعني الكفالة مالتهم ممتازة اما لو ماخذ من بريطانيا اشلون تضمن حقك وترجع الجهاز هذا السؤال .

 

[الملسون]

مساء الخير

انا اخذت جهازين واحد استخدمته والثاني عطيته لأحد الاصدقاء هديه ( شفت نفسه فيه ^_^ )

المهم في بداية الامر استغربت من السيرفس كان حبتين الي ثلاث في اكثر الاوقات هذا الشئ

الوحيد اللي لفت نظري غيره لا والله من اول رمضان وهو عندي الي الان لم يصيبه اي خلل الحمدلله

لا احسده هههههههههههههه علي قولتهم ما يحسد المال الا اصحابه ^_^


عسى الله يبارك لكم في ايفوناتكم مدام فيه كفاله هذا بحد ذاته يجعلك تطمئن 100 %

والتعامل راقي من عاملين فرع الشويخ

مع اني شريته بسعر 369 دينار كاش

الا ان واحد من الشباب كان جايب مجموعه من لندن بسعر 250 دينار وكان يبيعه 340 دينار بالمزاد

بس عيبه مافيه كفاله لذلك حبيت احط فلوسي بالشمس وانا اجلس بالظل ومرتاح وما احاتي اي

خلل او عطل بالجهاز معلش علي الاطاله بس كنت فاضي قلت افضفض لغاية ما يوصل الغداء ^_^

 

[q8ty_azgarty]

اخوي انا خذيته من يوركا عالعرض وحمدلله ليلحين مافيه شي اانا وصاحبي خذينا ويه بعض مافيه اي مشاكل والعيوب المصنعيه وارده
ومثل ما قالو الاخوان عليه كفاله سنه

 

[RichMan]

بس الكل يشتكي ان السيرفس يطيح وتوصلك مسجات مس يوو كانك مسكر جهازك !! كلكم جذي بعد ؟

والا انت وحظك جهازك سيرفس قوي والا ضعيف ؟

بالتوفي,,

 

[محمد خليفه]

انا شريت من الشويخ والمصيبه انه كان مفتوح يعني مستعمل .....
لانه الايفون اول ماتشغله يطلب منك تنزيل الايتونز..بس انا اشتغل معاي دايركت
وتم تبديله بعد معاناة للسالميه ومره ثانيه للشويخ
الصراحه شركة تعبانه ولا تغركم الاسعار زيد 20 دينار وارتاح منهم

بسم الله الرحمن الرحيم

نزيد عشرين مو مشكله بس من وين تقصد فيه مكان مضمون يعني ناخذه ومااقعد اراكض فيه من مكان لمكان

 

[a7mdany]

بس الكل يشتكي ان السيرفس يطيح وتوصلك مسجات مس يوو كانك مسكر جهازك !! كلكم جذي بعد ؟

والا انت وحظك جهازك سيرفس قوي والا ضعيف ؟

بالتوفي,,

السلام عليكم
اخوي هالكلام غير صحيح السيرفس يطيح حبه حبتين ويوصل الى حبه وحده
يعني لو السيرفس حبه وحده تقدر تتكلم فيه عادي

انا جربت الجهاز وعلى قولتهم المسكه القاتله انا جربته ونزل معاي السيرفس لين وصل حبه وحده ورجع السيرفس فل وانا على مسكتي ماهديته

الجهاز قوي قوي ​