وين احس مكان اقدر اشتري فيه سبايك ذهب في الكويت؟

[الباحث الشرعي]

وين احس مكان اقدر اشتري فيه سبايك ذهب في الكويت؟

شكرا

 

[المشعان2]

دخلت قبل سنين بتجارة السبائك وكنت آخذ من سوق الذهب بالديرة سوق المناخ القديم

 

[Latino]

وين احس مكان اقدر اشتري فيه سبايك ذهب في الكويت؟

شكرا

اعتقد تباع في البنوك والله أعلم

 

[الباحث الشرعي]

دخلت قبل سنين بتجارة السبائك وكنت آخذ من سوق الذهب بالديرة سوق المناخ القديم

اخوي هذول ما عندهم سبايك جاهزه

 

[ابو الوليد خالد]

احسن مكان سوق الذهب الي بالمباركية في مجموعة محلات بس مادري عن اسعارهم والله يوفقك

 

[ابو الوليد خالد]

سوق الذهب اقصد المجمع الكبير اسمه مجمع سوق الذهب موقعه بين المركزي وبين سوق المباركية القديم اسأل عنه ومحد يعرفه ومحد يمره الا اصحاب المحلات وللعلم فيه مكان فحص الذهب والاحجار

 

[المشعان2]

بلا اخوي عندهم انا اقصد سوق الذهب

 

[اكسبرس]

تباع في كافة البنوك ومحلات الذهب والله أعلم

 

[البواردي]

اعتقد البنك المركزي ممكن يوفرلك سبايك الذهب

 

[سرور]

أنا شريت سبائك ذهب من محل صيرفة خلف مبنى جوهرة الخليج في الكويت ومعروض على واجهة المحل
ولكن حاليا سعره غالي

 

[الهدف البعيد]

البنك الوطني يبيع لك سبائك ذهبية

 

[زنبرك]

السلام عليكم
كل الاماكن التى ذكرت صحيحة ومتوفر فيها السبائك وخصوصا العشر تولة والتى انصح فيها فى صغيرة كحجم الكبريت ووزنها 116.6 جرام سعر الشراء مناسب لك ومتى ما حبيت البيع تجد من يشتريها وعادة سعرها مثل سعر الذهب العالمى مضاف اليه ربح المحل فى حدود الخمسة دنانير للوحدة .علما بان سعر الاونصة البارحة اقفل 1318.68 دولار

 

[rahaly]

اخي الكريم ... روح المزيني - مضمون
وراح تلاقي عنده سبائك كريديت سويس - وحده عليها صورة ( لاتاخذها في عمولات زيادة)
اخذ الساده عليها كتابة

في اجام مختلفه - واحتفظ بالفاتورة لان فيها السيريال نمبر - تحتاجها عند البيع وهي موثوقه في السوق


موفق

 

[بوسالم]

غالي الحين ولا شرايك

 

[MOHANNAD_SA]

السلام عليكم جميعا
أخي الكريم الذهب الحين غالي جداً .. سعره اليوم هو الأغلى على مدى تاريخه كله .. وحبيت أنبهك لشغله وايد مهمة الله يستر علينا وعليك:

العالم وخبراء العالم الحين منقسمين قسمين كما يلي:

قسم يقولون الذهب سيرتفع أكثر وأكثر لين يصل إلى 1750 دولار ((إقفال أمس كما قال الإخوة 1318.6 دولار للأونصة 31.1 جم))

وبعضهم يروح أبعد من ذلك بكثير فيقولون سيصل سعر الذهب إلى 3000 وزود يعني راس مالك يدوبل بإذن الله .. إذا صح توقعهم .. بس هنا مع كارثة اقتصادية تلم بأمريكا وضياع دولارهم إلى الأبد.


الفريق الثاني يقولون:

أنها فقاعة وراح تنفجر قريبا ويصير سعر الذهب 800 دولار للأونصة .. وفي هذه الحالة لا قدر الله راس مالك الله لا يقدر راح يطيح ثلثه .. الله لا يقدر ..

دير بالك أخوي وحاول تستشير و الأهم تستخير الله وبلغنا تراني واله مثلك أبي أشتري وخايف من السوق لأنه فيها طيحة ثلث راس المال ...

الله يربحك ويربح الجميع ..

أطيب تحياتي

 

[الصدق منجاه]

اذا تبي شوري اشتر فضه وخل عنك الذهب
واني لك من الناصحين

 

[الحفيد]

السلام عليكم

اذا تبي شوري اشتر فضه وخل عنك الذهب
واني لك من الناصحين

انت صح----والله يوفقك والمسلمين

 

[تويجر]

والفضه من وين نشتريه

 

[البورصوي]

في محل في سوق الصرافين متخصص ببيع وشراء الذهب جميع الاحجام

تلفونه 22416748