ماسبب أرتفاع أسعار منطقة القيروان ؟؟؟!!!!

[mr_n]

ياشباب أنا أرى بأن أسعار منطقة القيروان عاليه جدا ولا أعرف ماهو السبب !!!

والرغبه عليها بأزدياد !!!

ماهو السبب بالضبط ؟؟

نريد تحليل عقاري

 

[صقر3]

علي فكره ارخص مناطق في العاصمة الصليبخات والدوحه والقيروان

 

[بلسم الروح]

والله ياخوي اسعار الاراضي السكنيه كلها بارتفاع كل المناطق اسعارها مرتفعة خصوصا المناطق الداخليه او الاكثر قرب من المناطق الداخليه

 

[كويت 2020]

لانها تعتبر اصغر منطقة فى الكويت ونموذجية

 

[شمس العصر]

ابشركم بيت بلقيروان بطن وظهر انباع 160 الف
اسبوع الجاى بين بسجل العقارى

 

[اللمبى]

ابشركم بيت بلقيروان بطن وظهر انباع 160 الف
اسبوع الجاى بين بسجل العقارى

اخوى عندك رقم البيت والقطعه -------------- ياريت تسأل المكتب او المصدر

وشكرا

 

[mr_n]

ابشركم بيت بلقيروان بطن وظهر انباع 160 الف
اسبوع الجاى بين بسجل العقارى

بطن وظهر أتوقع فيه خطأ مطبعي والسعر 260 وليس 160

والله اعلم

 

[al7boob]

والله اخوى مافى سبب معين
بس الظاهر المكاتب اللى مرفعينها

 

[شمس العصر]

160 الف شارية واحد من الجماعة
دفع عربون ينطرون نزول 70 الف الحكومة

بطن وظهر أتوقع فيه خطأ مطبعي والسعر 260 وليس 160

والله اعلم

 

[مدقق]

تدري ليش لان الظاهر خصوصولك فيها

 

[كويت 2020]

بلغ الى من جماعتك انا ازيد السوم 180 الف دينار؟

 

[المطبه]

160 + طلب أسكاني

 

[أعرابي]

لي صديق أشترى قبل سنتين تقريبا بيت دورين سد في القيروان ب 155000دينار و ضحكنا عليه و اليوم بيته يسام ب180000 ألف الصيف الماضي ماشاء الله والله يرزقه و سبب الإقبال علي تلك المنطقة واضح فرغم قربها من العاصمة وتتبع العاصمة إلا إن المساحات تحيطها من كل جانب و يطرقها هواء الشمال و الجنوب فهوائها في الليل أخف حرارة من المناطق الكبيرة , كذلك تفقد حرارة النهار بسهوله مثل المناطق البرية , كذلك هي هادئة و ليست مكتضة بالسكان و مزدحمة مثل بقية المناطق.

 

[شمس العصر]

160 الف فقط لاغير
عن قريب تشوفة بسجل العقارى
بايباى يلقيرون العقار بنازل
شراية مافية سيولة ناشفة

160 + طلب أسكاني

 

[بوالعيس بيك]

السلام عليكم

وحتي لو السعر وصل للقسيمه 100ألف فقط ومافي سيوله طيب شللي يفرح ؟

شدعوه بتحصل بياع منو الذكي اللي ببيع بيته بالنازل وبيقعد أجار ؟

 

[ابو غانم]

القيروان منطقة جميله ونموذجيه وهاديه جدا .. اللي يبيع غلطان .. يبيع وين يروح يعني ؟؟؟

 

[osama603]

يمكن لموقعها المتميز.. وقربها من المقبره... فهي على الدوام تذكرك بالاخره

 

[المطبه]

القيروان منطقة جميله ونموذجيه وهاديه جدا .. اللي يبيع غلطان .. يبيع وين يروح يعني ؟؟؟

يصراحه اليوم رحت القيروان وناوي أني ابدل بس بعد مافربت في المنطقه وصليت صلاة المغرب في احد المساجد الظاهر أني حبيت المنطقه والظاهر أني بصرف النظر عن التبديل ألا أذا جاني عرض قوي وفعلا مثل قالوا الاخوان المنطقه هاديه وجميله ولا حواليها مناطق وأزعاج الشوارع ومنطقه صغيره ومنظمه وشوارعها وسيعه ونظيفه​

 

[صقر3]

يمكن لموقعها المتميز.. وقربها من المقبره... فهي على الدوام تذكرك بالاخره

ههههههههه