شاليه مع وقف التسليم

[محمد2]

السلام عليكم

أخواني أبي استشيركم في هالموضوع

أنا تعاقدت مع شركه كويتيه لشراء شاليه ,الشركه كانت تشارك بالمعارض العقاريه وعندها عدة مشاريع

دفعت أكثر من ثلاث ارباع المبلغ والشركه متأخره بتلسيمي الشاليه بحجة مشكله بينها وبين وزارات الدوله

وطبعا لاهم مسلمين الشاليه حسب الأتفاق ولاهم رادين الفلوس وكل يوم عذر مره البلديه ومره الكهربا وأخيرا يقولون مجلس الوزراء موقف تسليم الشركه للشاليهات !!!

وش تنصحون فيه

أنا مواطن شريت شاليه علشان أستريح فيه أنا وعيالي وهذيله خذوا الفلوس ويقولون المشكله مع الدوله

أرجو منكم النصيحه

 

[فريح الكوح]

طبعا من حقك ترفع عليهم دعوى

 

[Lawyer25]

السلام عليكم ورحمة الله وبركاته .. \

اخوي من حقك انك تطالب الشركة بتسليم الشاليه في الوقت المحدد ..

لكن اذا تبي النصيحة .. اخذ اوراقك كلها وراجع محامي فاهم خل يقرا العقد ويطلع على المستندات اخوي لازم نشوف الشروط الي موجوده بالعقد ما يصير اقولك روح ارفع قضية قبل لا افهم شنو موضوعك بالتفصيل ..

ان اصبت فمن توفيق الله تبارك وتعالى والله اعلم.

 

[rahaly]

الله يعينك ...
عارف الشركة وعارف بلاويهم .. ما راح يلاقولك حل

 

[طويل البال]

انه الله مع الصابرين

متى المفروض التسليم ؟ اقرا العقد و خاصه بند التسليم
و هل فيه جزاء على التأخير بالعقد ؟


على فكره المشاريع معظمها واقفه لانها مخالفه !


والأفضل
اذا عزمت على القضاء انك تجد ملاك الشاليهات الاخرين حتى يصبح موقف جماعي واحد و يزيد الضغط على الشركه لحل المشاكل.


الله الموفق