زيت وفلتر كل شكثر؟

[سمبوك]

الوكالة مصرين أنه لازم أسوي زيت وفلتر كل 5 آلاف كيلو أو كل 3 أشهر أيهما أسبق

إنزين السيارة اللي عندي ما نستعملها وايد .. يعني يالله كل 6-8 أشهر تمشي 5 آلاف كيلو ..

أنا رايي إني اسوي لها زيت وفلتر كل 5 آلاف كيلو وما لي شغل بسكثر اقطعتهم بشهر ولا بسنة ...
ونفس الشي ... السيرفس كل 10 و 20 و 40 ألف ... ومالي شغل بسكثر قطعتهم ..

شرايكم؟

طيعا أنا أسوي بالوكالة لأنه أضمن ... بس لازم عاد اسمع منهم موال عن التأخير وأنه مو زين ...

شرايكم ؟

 

[المهندس حسين]

زيت المحرك تغيره كل خمس آلاف كيلو متر بينما الفلتر كل 10 آلاف كيلو متر وهذا أفضل شي تسويه ومالك شغل فيهم

 

[سرور]

ماحاجة الوكالة .. كل جمعية فيها تبديل زيت وفلتر

 

[away1979]

إذا السيارة مكفولة بدل زيت وفلتر بالوكالة كل خمس ألاف

عشان ماتسقط الكفالة عنها

ومن بعد الكفالة مايضرها لو كل 10 ألاف تبدل ​

 

[سمبوك]

مشكورين

اي بعدها على الكفالة ... وانا ابدل عند الوكيل لانه أريح وتعاملهم زين .

استعمال السيارة خفيف ... يعني يمكن تمشي 5000 كيلو ب 6 أو 9 أشهر .. فبس حبيت اتأكد انه ما يصير شي لو طالت المدة ...

 

[ميكانيكي]

عندي واحد من الربع عند كريسيدا

طبعا هالكلام من 10 سنين يمكن

ماشيه 500 الف !!!

ولا طقت المكينه ولا القير !!!!

قتله شنو السر ؟؟؟؟؟؟

قالي السر اني ابدل الدهن كل الفين فقط !!!!

والله اعلم

 

[نائب]

السلام عليكم

اسمع من اخوك نصيحه خبراء ومجربين

بالصيف كل ثلاث الاف بدل الزيت والفلتر بدل كل 6 الاف يعني كل تبديلتين بدل الفلتر

اما الشتاء كل خمس الاف بدل الزيت والفلتر بدل كل 10 الاف يعني كل تبديلتين بدل الفلتر

ومن الافضل انك تحط ستيكر علي الجام الاماميه من الداخل بالزاويه اليسري فوق راس السائق عشان ماتنسي موعد التبديله الثانيه مكتوب عليه رقم العداد عند التبديل ونوع الزيت وتبديل الفلتر ونوعه ان وجد

 

[بو_راشد]

زيت وفلتر كل 5000 كيلو ولا تبدل زيت وتخلي الفلتر مايصير تدخل زيت نظيف على فلتر كل زيته قديم هذي طريقتي اكثر من 8 سنوات والحمدالله المحركات عندي ميه ميه وانا عن نفسي ابدل زيت غفران الفرنسي وانشاالله نكون فدناك بمعلومه بسيطه

 

[Low Fat]

نفس طريقة بوراشد

كل 5000 كيلو أبدل زيت وفلتر ..

طول المده ماتضر والله أعلم ,,​

 

[المغامر_1986]

كل سنه مره

 

[Winchester SX3]

لو السياره وكاله التزم بالسيررفس لين تنتهي الكفاله سواء 60,000 كلم او 100.000
بعدها طال عمرك لو لك مقاقه كمل مع الوكاله

ولو ماتبي الوكاله اتبع هالنظام
كل 5 الاف زيت وكل 10 الاف فلتر
ولو انت تبدل دهن القير كل 20 كلم لازم تلتزم فيها عشان ما يطق
وفلاتر الهواء والبنزين والغايشات والبلاكات كل صيف او كل 40,000
وماي الراديتر كل 20,000
وتشيك غاز المكيف كل دخلة صيف
وان شاء الله تعمر سيارتك وعدادها يطوف 1.000.000 كلم

موفق خير

 

[عزوز2004]

كل راس شهر زيت بترومين الترا سفن وفلتر سعودى ماركة المطلق والحمداللة السيارة ماشية 440000 ومافيها الا العافية

 

[بو ريما الكويتي]

هو قصده اذا طولت السيارة وماوصلت 5 الاف كيلو هل يضر السياره ... لان السياره الي عنده ماتمشي وااايد .. وبصراحه نفس السالفه عندي .

 

[::فزاع::]

انا اقول مايضرره ايذ كل 3 او 4 شهور تمشي 5000 الف وعقبه تبدل

 

[سمبوك]

مشكووووووووووووووورين والله ما قصرتوا على الافادات ..

انا حاليا ابدل زيت وفلتر كل 5000 .. واهمه بكتيب الكفالة مو كاتبين انه الواحد لازم يبدل كل 3 أشهر ...
بس حبيت اتأكد ان السالفة ما فيها مضرة ...

وعساكم عالقوة