كرتون الطماط 4 دنانير .. ليش ؟؟

[العثماني77]

كرتون الطماط 4 دنانير .... ليش ؟؟

بصراحة الطماط من اهم الخضروات الي تكون موجوده في وجبات الطعام ...

[/url][/IMG]

ولما رحت اشتري ماجلة البيت لقيت سعر كرتون الطماط 4 ونصف ..

وكيلو الطماط دينارين ....

طبعا رحت اكثر من جمعية ونفس السعر تقريبا

قلت يمكن مو موسمه ....

وبعدين قلت صارلي جم سنة اشتري الطماط عمره ما وصل هسعر

فليش ارتفع شذي وايد ....

 

[الهمس الخجول]

وعندنا وصل سعره الى 60 ريال !!

 

[بوعلي الشمري]

اخوي كله شغل تجار وحرمنه ... وشعب ربادي مايعرف يدير اموره ... مثلا شفيها لو الواحد زرع في بيته حتي لو بيته مو راس يزرع بالسطح لو باحواض الزراعه لا تنسي اني قلت مثلا ... الثانيه في موسم الطماط يكون الكرتون ب 100 فلس ليش الحريم مايكونون اهل دبره بنظفون الطماط ويقطعونه ويكيسونه وبالفريزر يحطونه بعدد الوجبات اعتقد مو صعبه اللي عليها تسويه انها تامر الخدامه بهالشغله

 

[kuwait_17]

للعلم بس تدري سوق الخضرة يديرونه 6 زلمات ... وكل واحد فيه اذا ما يطلع باليوم على الأقل 5000 دينار يعتبر ما اشتغل ... وللعلم انا اتكلم عن تجار الجمله

 

[صقر3]

للعلم بس تدري سوق الخضرة يديرونه 6 زلمات ... وكل واحد فيه اذا ما يطلع باليوم على الأقل 5000 دينار يعتبر ما اشتغل ... وللعلم انا اتكلم عن تجار الجمله

زلمات علي قولتك ماتقدر تدش معها يلعبون فيك تدري ليش جميع خضار والفوكه من الخارج عن طريقهم هم اهل مزارع في لبنان وسوري وفي تجار كويتين حاولو دخول سوق الخضار بس لعبو فيهم طنب الله المستعان​

 

[سرور]

تصدق في الدول الغربية يزرعونه بحدائقهم هو والخضراوات

 

[ابو برهوم]

تصدق في الدول الغربية يزرعونه بحدائقهم هو والخضراوات

احنا الحمدالله ارضنا زراعية وين ماتروح واهم الله يكون بعونهم حتى ماي طبيعي ماعندهم وجوهم مغبر 24 ساعة

 

[B-A-1983-A-B]

عذر التجار يقولك هذا كويتي معاشة راهي فوق 1500 شبيصير علية اذا زدنا جم دينار مارارح يحس بشي !!!!!!!

 

[دوم خسران]

لا تقول تربتنا غير صالحه ----- هذه حجج الخامل الكسول على أبو انه عندنا فلوس ونستورد كل ما نبي

بأمكانك تبني ناطحة سحاب وتحولها الى مناخ سويسرا بهوائها وتربتها
وتزرعها من السرداب الى أخر دور

بالعربي الفصيح تعودنا على الرباده والكسل -- حتى أغراضنا نشتريهم من الجمعيه ونتفشل بشيلتهم أو دز العربانه الى السياره لازم حمالي أو بنجالي

 

[away1979]

لا تقول تربتنا غير صالحه ----- هذه حجج الخامل الكسول وشعاره عندي مليارات وأشتري دول بمصانعها وزراعتها

بأمكانك تبني ناطحة سحاب وتحولها الى مناخ سويسرا بهوائها وتربتها
وتزرعها من السرداب الى أخر دور

بالعربي الفصيح تعودنا على الرباده والكسل -- حتى أغراضنا نشتريهم من الجمعيه ونتفشل بشيلتهم أو دز العربانه الى السياره لازم حمالي أو بنجالي

ونعطيه ربع

ولو يقول دينار يعطونه ​

 

[abo Rana]

مو بس الطماام

كل شي زاااد سعره ​

 

[saket]

حرام والله

كل شي زاد

 

[qanon]

تدرون مانى عارف الهيئة العامة للزراعة شنو دورها

واهى قاعدة اتوزع الاراضى اللى يفترض انها تكون للمزارعين

ولكن للاسف كل يوم نقرى انها مطروحة للايجار

واصحابها ولا يدرون عنها

بس صارت مثل البنك التجارى لهم

وانا اقترح ان الهيئة تسحب جميع المزارع الغير مستخدمة للزراعة من اصحابها

وان توظف الهيئة جميع العمالة اللازمة لزراعة هذى الاراضى

وصدقونى 1000 عامل قادرين يزرعون كل مزارع الوفرة

وجذيه ماراح ترتفع الاسعار نهائيا

بس اتمنى احد يتبنى اقتراحى البسيط ومجاني بعد

وبعدين اللى شفته ان الطماط مثلا اللى بالجبرة

كله نوع واحد

وهذا يعنى ان بس تاجر واحد مورد الطماط وهذا اكيد راح يرفع السعر

وللحديث بقية

 

[النقد البناء]

والله ياخوك الاسعار اللي قلت عنها حق الطماط التركي

نظيف احسن من السوري كل ماينبلع يحطون واجهة الكرتون الطماط الزين ومن تحت معفن

خلك على الكيلو احسن لك

والمشكله ان الاسعار بكل جمعيه غير مع انه نفس النوع وين اتحاد الجمعيات وتثبيت الأسعار
انا رحت ذاك اليوم بشتري من جمعية بيان الكيلو 595 فلس حق السوري والتركي دينارين وبالشهداء السوري 695 فلس والتركي 2.220 دينار
خوش اتحاد جمعيات مال تخمهم كلهم

عقبها المغرب رحت مركز سلطان ولا ذاك الطماط الزين والكرتون على 2دينار تركي عاد مايحتاج شيلت حق البيت منهم

 

[العاشق]

البلد صارت نار والحكومه نايمه بالعسل

قبل خمس سنين تقريبا

اشتري طماط وخيار وقرع وبيديان وبصل وزهره وفواكه بعد تفاح وبرتقال وغيره

كراتين كبار بالكثير 7 او 8 دنانير

الحين 25 دينار وماتكفي ​

 

[العاشق]

مو بس الطماام

كل شي زاااد سعره ​

بدل الكيبورد عندك ​

 

[عجبي]

اشوف المطعم مكثر الخيار في المشكل

 

[العثماني77]

جزاكم الله خير
على المشاركة

بالحقيقة لو نجمع كلام كل واحد شارك
ونطبقه بحياتنا ما تصير هذه المشكله

عالعموم شكرا للجميع

وبانتظار مشاركات اكثر

 

[صقر3]

اشوف المطعم مكثر الخيار في المشكل

صيدهم

 

[دوم خسران]

الهيئه العامه للزراعه حالها حال اللجان-- والجمعيات --- والهيئات --- والنقابات
والأتحادات ---ووووو --------- كلها وجدت للنهب والسلب ---- وشرب الشاي والحش ونطالب --ونطالب ------- ولا يقدمون للشعب فلس أو موقف فيه خير


حتى البقدونس والجرجير والكزبر والكرفس --------- نستورده --والله فشله