بوفطيره شراي وما باذني ماي

[دروب الخير]

يا جماعة انا ناوي ان شاء الله على ارض في بوفطيرة وبحط شقة اوشقتين للايجار، وبغيت استشير من لديه خبرة في الاجار وخصوصا اصحاب المكاتب، ما هو الافضل ارض شارع وسكة 400م ويكون باب المؤجر على السكه ولا 500م شارع واحد ويكون مدخل المؤجر من امام البيت، والشقة راح تكون في الدور الثالث ، يعني في صعوبة في تأجيرها ؟

 

[hayawi13]

حق الايجار

ينصح بالزاوية علشان المواقف و المستأجر دائما يشوف المواقف اول شئ قبل الشقه
الله يوفقك جارك في فنيطيس

 

[ودي اربح]

موفق خير ان شاء الله

 

[سرور]

بالتوفيق باذن الله

 

[دروب الخير]

مشكورين يا شباب على الردود الطيبة, وننتظر باقي المشاركات.

 

[q8_king1]

المساحة 500 حلوة حتي الشقق راح تكون اكبر والغرف ومساحتها اكبر بس عموما المستاجر لة حق ياخذ موقفين يعني اذا بتاجر شقتين يعني 4 مصافط للمستاجرين وباقي المواقف لك انصحك ب500 متر احسلك ووسعلك

 

[دروب الخير]

المساحة 500 حلوة حتي الشقق راح تكون اكبر والغرف ومساحتها اكبر بس عموما المستاجر لة حق ياخذ موقفين يعني اذا بتاجر شقتين يعني 4 مصافط للمستاجرين وباقي المواقف لك انصحك ب500 متر احسلك ووسعلك

كلام منطقي اشكرك عليه
والسؤال هل يوجد مشكله في وجود الشقة في الدور الثالث بدون مصعد ؟

 

[صقر3]

مستحيل واحد يسكن شقه بدون مصعد في حالة نادر ويكون الاجار اقل مووووفق خير ​

 

[q8_king1]

المصعد صار شي ضروري خاصة في الدور الثالث ولو تحسبها ترة بيكلف بحدود 2500الي 3000

 

[دروب الخير]

اكرر شكري للجميع وبارك الله فيكم

 

[haddaq8]

أخوي أنا أنصحك إنك ما تخليها شقتين ، أجر دور كامل للأسباب هذي:

1) لا تعور راسك مع مؤجرين ، أسهل تتعامل مع شخص واحد ترتاح له ( و هذي تجربتي أنا ، صدقني دورلك واحد زين و اتعب مرة وحدة ، و يكون بحسبة أهلك)
2) اذا قسمته شقتين راح تكون شقق صغيرة و الإقبال عليها ضعيف ، إلا للمعاريس و صعب تحصل معاريس (و المعرس راح يطلع خلال سنة سنتين و تعال دور مرة ثانية)
3) راح تكثر الشقق في شرق القرين بسبب غلاء العقار نفسه (لجوء إلى التأجير لتخفيف عبأ الأقساط) و بالتالي راح يكون الطلب على الشيء المميز كالأدوار و المواقع المميزة و المدخل الخاص و سهولة الحصول على الموقف.
4) البيت راح يكون أهدى إذا كان عدد الأسر أقل و أقل استهلاكا