فنادق مصر

[ح.الموسوي]

السلام عليكم ورحمة الله تعالى وبركاته

حبيت افتح موضوع فنادق مصر والنصب اللي يصير من السفريات بالكويت علينا واحنا يا غافلين لكم الله

نزلت مصر بالصيف وحجزت عن طريق سفريات ماحب اذكر اسمها الله يرزقهم
حجز في فندق فور سيزن النيل بلازا معروف وغني عن التعريف وحجزت لي الليله 85 دينار قلت ابات ليله بالقاهره واروح ثاني يوم اسكندريه المهم
سكنت ولا بعد ساعه يتصل فيني المتعهد اللي يتعاملون معاه السفريات بمصر وسالني كل شي اوكي ومحتاج شي ولالا قلت له اوكي الامور طيبه المهم سالته جم الليله اذى ابي اخذ ليله زياده قالي 270 دولار المهم مع
المكاسر وجذي حسبها 250 دولار حسبوها معاي يطلع بالضبط 70 دينار
يعني السفريات حاطه 15 دينار بجيبها على كل ليله مع الاسف

طبعا انا فتحت الموضوع ليش علشان افيدكم بالنهايه اخذت رقم المتعهد وخزنته عندي وقلت احطه لكم بالمنتدى يمكن احد يبي يحجز شي يدق عليه واقترح تدق عليه من الكويت تسال عن سعره وتقارن بينه وبين السفريات اللي بالكويت علشان لا ينصب عليك اهو بعد وتتوهق

وهذا رقمه 0020125949881 اسمه احمد

بالتوفيق للجميع

 

[ADEL ALAZMI]

صحيح كلامك اخوى الموسوى ... نصب كبير في محلات السفريات وخصوصا في اسعار الفنادق

وانا افضل الحجز عن طريق متعهد بالقاهره او عن طريق موقع الفندق

 

[ح.الموسوي]

السلام عليكم

اخوي عن طريق متعهد افضل لان اسعاره جدا ممتازه وطبعا هذا اللي انا حاط رقمه جربت معاه وثقه ان شاء الله ولاكن المشكله الكبيره عن طريق موقع الفندق تصدق انه الفورسيزن النيل نفس بالموقع يحسبه لي 400 دولار يعني موقع الفندق اغلى وماادري ليش هالنصب والاحتيال

ترى للافاده بس السعر 250 دولار شخصين مو شخص واحد علشان الاخوان يصير عندهم فكره

بالتوفيق

 

[معبوج]

الموسوي تحياتي لك وللجميع
دقيت علي احمد اليوم كنت ابي سوفتيل قالي اعلي من سعر حجز booking والسفريات
قالي سعر الليله ب255 دولار

 

[kuwaity2233]

ما قصرت يالموسوى نشكرك على النصيحه

 

[ح.الموسوي]

هلا اخوي معبوج والله مادري شقولك بس انا شفت فرق بين سعره وسعر السفريات بالكويت يمكن عنده فنادق معينه رخيصه عموما زين سويت دقيت تاكد اول احسن لان الفنادق فيها غش خصوصا فنادق مصر تلاقي 50 سعر للفندق كل سفريات تقول سعر

بالتوفيق

 

[::فزاع::]

والله يااخوي الموسوي هذي ارزاق والنااس ماافتحت محلات عشاان تعطي شي بالمجان

وعلى فكره حتى المصري هذا يااخذ منك فايده يعني مو الوجهه الله..!

 

[بادئ التجاره]

السلام عليكم ورحمة الله وبركاته

اول شي عسي الله يوفقك لكل مجتهد بالحلال ويرزقه من اوسع ابوابه

ثاني شي اخونا اللى فاتح سفريات لازم ياخذ منك فايده لان وراه اجار محل ومعاشات موظفين وان ما اخذ من العموله من وين بيدفع المصاريف اللى عليه


الشغله الثانيه الاخ اللى حجزت منه الغرفه انا اقولك ش نو طريقتهم

هذى شركات تشتري غرف بالفنادق يعني مثلا انا عندي شركه سياحيه اشتري مثلا 10 غرف في اي فندق وادفع للفندق السعر كامل وتكون باسمي وبهذى الحاله انا ابيعها علي النزيل بالسعر اللى ابيه بس في حالت انى شريت غرف مثلا ولا احد سكن عندي بالحاله هذى اضطر انى انزل السعر واعوض الخساره اتمني وضعت لكم الصوره


ومثل ما قلت بالاول والاخير عسي الله يوفقك لكل ساعي للزرق بالحلال

 

[المغامر_1986]

طبعا لازم يربحون منك

انزين الحين انا رايح مصر 3 ايام وين اسكن ؟؟

ابي فندق زين علما اني راحي بروحي حدودلي لليله 100 دولار واذا فيه شي يسوى ممكن اتزيد الى 120

لكن بشرط مع فطور وعلما اني رايح بروحي


ياريت نصايكم يا جماعه هل نبيله ولا شبرد ولا وين بالضبط واحجز من وين بالكويت من اي مكتب؟؟


ولكم جزيل الشكر

 

[بادئ التجاره]

اخوي المغامر انا بقولك عن الفندقين اللى تفضل وقلتهم


فندق النبيله يقعد بشارع جامعه الدول العربيه وشارع حيوي مقابلك محلات وقهاوي ولا يطل علي النيل بس انتبه لنوع الغرف في غرف مجدده وغرف قديمه اشرط علي المكتب اللى تبي تحجز منه ان تكون غرفتك من الغرف المجدده وترى الغرف مالته عاديه


اما فندق شبرد يكون مطل علي النيل وقريب من محلات وسط البلد وغرفه كبيره وسيعه وعندهم غرف مطله علي النيل وغرف غير مطله اختر اللى تبيه واحجزه


بس في فنادق ثانيه علي حسب شغلك وين بيكون علشان اقرب لك

 

[المغامر_1986]

بادءى التجاره

اشكرك جزيل الشكر على ردك

وسالت بالكويت الاسعار عاديه 30 دينار لنبيله و45 لشبرد

فشكلي بروح مصر وهناك اروح لاي فندق وخلاص

 

[تويجر]

هذا على حسب ال agent في واحد غالي وواحد معقول ومو كل السفريات سعرها واحد

عالعموم اعتقد احنا بزمن التطور والحجز من النت افضل وارخص خاصه الحجز الغير مسترد هذا انا جربته افضل من السفريات

ومشكور يالموسوي على النصيحة