انسرقت بسبب الفيزا !!

[مزادي حذر]

السلام عليكم ورحمة الله
اللهم صلي على محمد وعلى اله وصحبه اجمعين

ياجماعة الخير شوفوا اشصار معاي وانتم الحكم انشاء الله:

امطلع فيزا من بيت التمويل من مدة طويلة, وكنت اسمع عن اخطارها والبوقات اللي تصير منها, وانا شغال عليها شراوي لين وصلت فيها الحد الاعلى 2400 دينار طبعا خلال مدة ماتقل عن 3شهور وما اتجاوز 5 .
المهم من وصلت الحد الاعلى من الفيزا ماقمت احسب شلي مخصوم علي وشلي لي, يعني بالعربي لو يبوقوني مادريت عنهم!
المهم مالكم بالطويله قبل فترة قصيرة الله رزقني فلوس وسددت مبلغ كبير من الفيزا ومابقى منها الاقليل, فصرت اثبت شلي طالع وشلي داش.
قبل 7 ايام تقريبا جيكت بحسابي والا مخصوم مني تقريبا 24 دينار وماعرف ليش؟!!
قوم ياولد ودق على بيت التمويل
انا: السلام عليكم
اهوا: وعليكم السلام معاك فلان اي خدمات؟
انا: اي نعم.... طال عمرك عندي فيزا....الخ
اهوا: اخوي مو امبين وياي الحين دق علينا يوم الاحد لان اليوم الخميس, والجمعه والسبت عطله !
انا : وغير هالحجي؟! ( متنرفز )
اهوا: اقدر اوقفلك الفيزا الحين لين اتجيك عدل.
انا : خووش وقفها ابوي وخل انشوف تاليها!!
طبعا مابي اقولكم ان هذا الوقت من الشهر الفيزا ما اتطيح من جيبي !
لا وبعد تونا طالعين من عيد ومدرسه؟؟؟!!!
الا رحنا فيها!!
المهم اخواني يوم الاحد دقيت عليهم
انا : السلام عليكم
اهوا : وعليكم السلام.. معاك فلان اي خدمة؟
انا: اي والله اخوي انا كلمتكم قبل كم يوم.... الخ
اهوا: دقيقه اخوي.. جك جك ط جكطا (يجيك بالكمبيوتر) اي اخوي عندك عمليه عن طريق النت بالقيمة الفلانية باليوم الفلاني تقريبا قبل اسبوع..
انا : اخوي انا ماسويت اي عمليه بالنت الا اني شريت تذاكر وحجزت فندق من قبل رمضان وغيره ماكو شي..... ماكو اي بيانات عليها؟
اهوا: اي... انت تلعب قيم بالنت؟
انا: اي شي (داخل نفسي طبعا) لا اخوي مالعب ,,, ليش؟
اهوا: اخوي امبين انك شاري او حاط حساب في لعبه يمكن اسمها ترافيان مانجر !
انا : لا ابوي ماشريت ولا لعبت ترافيان بالنت.
اهوا : اخوي هذا اللي امبين وياي.
انا : والحل الحين؟ ( بطني بدا يعورني وحاشني سهال منه)
اهوا: اخوي مالك حل الا اتروح حق فرعك واتسوي مطالبه بالمبلغ المقصوص.
انا : اها,, خوووش ابوي اروح الحمام( عزكم الله ) احسلي!
اهوا : خير اخوي؟!
انا : ولاشي مشكور ابوي.
طخ واصكر التلفون وانا متنرفز.
طبعا انا رحت اجيك بالنت عن هاللعبة, دشيت قوقل وكتبت ترافيان مانجر, والا تطلعلي مواقع واجد من بينها واحد يقول اشتر عن طريق النت!
خووش دشيته والا برنامج تشتريه علشان تلعب فيه حق ترافيان!
واجيك على سعره والا نفس السعر اللي مخصوم مني وبالسنتات بعد مضبوطه.
اها صدناك يالجلب تبي تلعب على حسابي!
طبعا من بكرة رحت فرع بيت التمويل وشرحت لهم اللي صار وقالولي انسويلك مطالبه بالمبلغ والله يعينك يمكن يردون علينا بعد شهرين ويردون لك المبلغ.
سألتهم زين اذا بشتكي بالمخفر تقدرون تعطوني اي بيانات علشان اقدمها لهم ؟ قالولي لا اخوي احنا اللي نقدر انسويه انسويلك مطالبه وانت بتروح المخفر كيفك!
زين انا اذا رحت المخفر شقولهم؟؟
انا صراحه شاك بواحد بس اشلون يصيدونه؟ شنو الممسك ؟ مافي دليل اظن لازم على الاقل يعرفون رقم الاي بي مال النت الي شبك فيه وهالشي انا ماعرفه والبنك ماعطانياه!
اللي شاك فيه انا هذا قبل السالفه بيوم رحت مطعم بمجمع 360 مع اعيالي وكلينا فيه ( خل افضحه: اهو مطعم يبيع برقر وهالسوالف يم الالعاب فوق ) ويوم خلصنا قلتله الحساب. جابوا الحساب والا ماعندي كاش قلتله ابي ادفع فيزا ! قال الفلبيني: سوري الفيزا لازم اتقوم معاي اهناك لانه ماعندهم الفيزا اللاسلكي؟؟!
عاد انا امكثر اكل ومتكيسل اقوم !! قلتله: هاك الفيزا اخصم منها وهاتها.
قام الفلبيني اخذ الفيزا جدامي وراح يم الماكينة مسافة عشرين متر تقريبا وشخط عليها! يعني عمليه سريعه ولازم واحد فنان ويحفظ الارقام سريع علشان يبوقني!
هذا بس اللي جاك فيه...
اها وفي شغله قبل كنت اسويها وبعدين وقفت عنها
اهي اني اشتري تذاكر سينما عن طريق التلفون وبهالمكالمه اعطيه كل البيانات اللي بالفيزا؟!!! احس اذوني كانت اكبار وقتها؟؟؟!!!!
في احد يعطي بياناته حق واحد مايرفه؟؟
هذا انا عطيته رقم الفيزا ومتى تنتهي والرقم السري اللي ورا؟؟!!!!
هذول الي انا جاك فيهم صراحه...
طبعا الظاهر من قبل نايمين فيني وانا ما ادري!!
اشوة تلاحقتهم قبل لاياخذونها كلها
فيا اخوان انتبهوا من الفيزا
انتبهوا من الفيزا
واللي عنده راي يالاخوان بهالشغله او صايرتله من قبل ويبي يفيدني اكون شاكر له
واسف على الاطاله
اللهم صلي على محمد وعلى اله وصحبه اجمعين

 

[قلم حر]

ماني قايلك بوقتك حلال لانه مايجوز احلل الحرام

لكن اللي صار فيك من صنع ايدك

وله واحد يعطي معلوماته وارقامه السريه لشخص ما يعرفه !!!


الحمدلله انك وعيت لهم مبجر وله جان طارت فليساتك​

 

[محب الرياضه]

اهي قرصه وانشالله تستفيد منها

بعدين شنو حادك تفتح تدبيســه (الفيزا)

عوار راس وعوار قلب (حلاته من عصير كيفان) لا اتغشمر

بس ياخوك سكرها وريح بالك وافتح فيزا تعبئه لاتحاتي جم قاصين منك


وحط بالك المرات الجايه ولازم تحرص على هالشي بالذات

والله المستعان

 

[Maxima]

اخوي انا عندي فيزا بيت التمويل
ويبين كل تفاصيل الفيزا من موقعهم حتى لو دينار واحد وين راحت ومن وين
kfh.com

 

[بو شيشه]

اخوي لا تظلم احد دامك مو متأكد
انا من فتره طويله كنت مطيح بموقع...عرفت فيه ناس الله لا يوريك...عندهم هكر مو طبيعي ويبوقون الفيز ويشترون فيها....تخيل حتى الباي بيل يبوقونه
والله واحد فيهم معروف بينهم انه معلم بهالسوالف مهكر موقع شوبنج وساحب بحدود 400 فيزا وموزع بعضهم عالوجودين وانا موجود وشايفهم..لان هالموقع فيه شغلات مميزه تشتريها بالفيزا
انا اعتقد والله اعلم انك اذا مستعمل فيزتك بجهازك للشراء من قبل ان جهازك متهكر
ترا تحوش ناس وايد خلك حريص

 

[ابو برهوم]

السموحة اخوي بس زين يسوون فيك وان تكررت اكثر بوقتك حلااااااااااااااااااااااااااال

 

[B-A-1983-A-B]

>>>>>> مايعرف الفيزة ولا ابي اعرفها ابد : )

 

[العاشق]

الكاش زييييييييين

انا عندي كذا فيزا حتا من بنوك امريكيه ماستخدمهم
الا اذا انجبرت في بعض الفنادق لازم فيزا مايبون الكاش

ولا مستحيل استخدمها يعطوني مميزات وكلام فاضي مطنشهم

مخليها للحاجه القصوا

انصحك تكنسلها دام ماعندك كنتروك على مشترياتك فيها

وطلع بطايق للمشترا من النت تحط فيها رصيد معين افضل لك​

 

[المهندس حسين]

نصيحة إلغي هذه البطاقة وأطلب وحدة جديدة ويكون الحد الأقصى مو عالي عشان ما تتراكم عليك يعني قيمتها بقيمة راتبك الشهري ...

 

[khalid592]

اخوي لا تظلم احد دامك مو متأكد
انا من فتره طويله كنت مطيح بموقع...عرفت فيه ناس الله لا يوريك...عندهم هكر مو طبيعي ويبوقون الفيز ويشترون فيها....تخيل حتى الباي بيل يبوقونه
والله واحد فيهم معروف بينهم انه معلم بهالسوالف مهكر موقع شوبنج وساحب بحدود 400 فيزا وموزع بعضهم عالوجودين وانا موجود وشايفهم..لان هالموقع فيه شغلات مميزه تشتريها بالفيزا
انا اعتقد والله اعلم انك اذا مستعمل فيزتك بجهازك للشراء من قبل ان جهازك متهكر
ترا تحوش ناس وايد خلك حريص

صح كرم بوشيشه .. يمكن كمبيوترك في بورت مفتوح او شي .. طبعا قبل ايام ماكنا ندش كمبيوترات العالم ايام السب سفن كانت تطيح بيدي فيز الله لا يوريك لو مو الحلال والحرام او واحد نفسه دنيه يبوق الفلوس وياكلها من هالشق لي هالشق ..

اول حل عندك سو لجهازك فورمات واحرص انك ماتفتح اي ملف ماتعرفه وخاصه اللي امتداده exe
الشي الثاني بالنسبه للفيزا لا تعطي اي احد بياناتك لانه يبوقك اذا كان هالشخص لا يحلل ولا يحرم

طيب لو تبي تشتري من النت شنو الحل ؟

الحل في بطاقه مشتريات خاصه للانترنت توفرها البنوك اخذها وحط فيها قيمه اللي تبي تشتريه عن طريق الحواله بالنت واشتر اللي تبيه وخلها فاضيه واذا بغيت تشتري مره ثانيه حول المبلغ اللي تبي تشتري فيه واشتر ثاني مره

الله يعوضك ياخوي وانتبه مره ثانيه ترى الحذر واجب ..

 

[مزادي حذر]

ماني قايلك بوقتك حلال لانه مايجوز احلل الحرام

لكن اللي صار فيك من صنع ايدك

وله واحد يعطي معلوماته وارقامه السريه لشخص ما يعرفه !!!


الحمدلله انك وعيت لهم مبجر وله جان طارت فليساتك​

شاكر مرورك,, اللي بايقني لويقلبها يمين يسار مايقدر يحللها

 

[مزادي حذر]

اهي قرصه وانشالله تستفيد منها

بعدين شنو حادك تفتح تدبيســه (الفيزا)

عوار راس وعوار قلب (حلاته من عصير كيفان) لا اتغشمر

بس ياخوك سكرها وريح بالك وافتح فيزا تعبئه لاتحاتي جم قاصين منك


وحط بالك المرات الجايه ولازم تحرص على هالشي بالذات

والله المستعان

شاكر مرورك وردك.. لكن الفيزا ياخوك محتاجينها
وانشاء الله من اصكرها راح افتح مسبقة الدفع افضل

 

[مزادي حذر]

اخوي انا عندي فيزا بيت التمويل
ويبين كل تفاصيل الفيزا من موقعهم حتى لو دينار واحد وين راحت ومن وين
kfh.com

شاكر مرورك اخوي.....

مفروض اجيك كل مرة وانشالله المرات الجايه انتبه اكثر

 

[مزادي حذر]

اخوي لا تظلم احد دامك مو متأكد
انا من فتره طويله كنت مطيح بموقع...عرفت فيه ناس الله لا يوريك...عندهم هكر مو طبيعي ويبوقون الفيز ويشترون فيها....تخيل حتى الباي بيل يبوقونه
والله واحد فيهم معروف بينهم انه معلم بهالسوالف مهكر موقع شوبنج وساحب بحدود 400 فيزا وموزع بعضهم عالوجودين وانا موجود وشايفهم..لان هالموقع فيه شغلات مميزه تشتريها بالفيزا
انا اعتقد والله اعلم انك اذا مستعمل فيزتك بجهازك للشراء من قبل ان جهازك متهكر
ترا تحوش ناس وايد خلك حريص

اذبحونا هالخكرة!! اقصد هالهكر

 

[مزادي حذر]

صح كرم بوشيشه .. يمكن كمبيوترك في بورت مفتوح او شي .. طبعا قبل ايام ماكنا ندش كمبيوترات العالم ايام السب سفن كانت تطيح بيدي فيز الله لا يوريك لو مو الحلال والحرام او واحد نفسه دنيه يبوق الفلوس وياكلها من هالشق لي هالشق ..

اول حل عندك سو لجهازك فورمات واحرص انك ماتفتح اي ملف ماتعرفه وخاصه اللي امتداده exe
الشي الثاني بالنسبه للفيزا لا تعطي اي احد بياناتك لانه يبوقك اذا كان هالشخص لا يحلل ولا يحرم

طيب لو تبي تشتري من النت شنو الحل ؟

الحل في بطاقه مشتريات خاصه للانترنت توفرها البنوك اخذها وحط فيها قيمه اللي تبي تشتريه عن طريق الحواله بالنت واشتر اللي تبيه وخلها فاضيه واذا بغيت تشتري مره ثانيه حول المبلغ اللي تبي تشتري فيه واشتر ثاني مره

الله يعوضك ياخوي وانتبه مره ثانيه ترى الحذر واجب ..

شاكر مرورك وجاري عمل اللازم

 

[bu_nawaf]

ممكن تكون ال24 دينار رسوم ترحيل 1% لانك واصل الحد الاقصى للبطاقه اللى هو 2400 دينار ممكن تتاكد من البنك؟؟؟؟؟

 

[النقد البناء]

اخي العزيز يجب ان تنتبه مرة اخرى كي لا يتكرر الموقف لك مره اخرى

 

[مزادي حذر]

ممكن تكون ال24 دينار رسوم ترحيل 1% لانك واصل الحد الاقصى للبطاقه اللى هو 2400 دينار ممكن تتاكد من البنك؟؟؟؟؟

شاكر مرورك....
اخوي العمليه مكتوب جدامها اني شاري من الانترنت برنامج ترافيان

 

[مزادي حذر]

اخي العزيز يجب ان تنتبه مرة اخرى كي لا يتكرر الموقف لك مره اخرى

شاكر مرورك