السوق والكلام عن انتهاء الازمة

[xTrader]

السوق شكله بيعزم العالم على مرقة نقانق

شركاتنا عليها ديون كبيرة ومن سنين قاعده تجدول ديونها من غير دفع

ممكن اصدق انه الازمه العالمية انتهت بس اتوقع ازمتنا مطوله

 

[Q8-Fund.Manager]

اتفق معاك وخصوصا الشركات الاستثمارية المدرجة
وغير المدرجة لاحظ ان الشركات غير المدرجة والي اغلبها
تابعة لشركات مدرجة محد يقدر يعرف عنها شي إلا الشخص
المساهم فيها والي يبحث عن الميزانية ويقرأ ارقامها

يعني بالكويتي الفصيح مازال " الشق عود "​

 

[MOHANNAD_SA]

مساكم الله بالخير جميعاً ..

أتفق مع هذا الكلام لكن فيه شركات زينة وما منها خوف بإذن الله .. لأن الأزمة خلاص غربلت السوق .. رمية بغير رام .. سبحان الله .. رب ضارة نافعة .. ربك أرسلنا هالأزمة عشان تطرد الشركات المكسرة من السوق .. أعتقد في 2011 أو ربما منتصفه سيكون السوق بعون الله نظيف من تلك الشركات التي مازالت تنازع .. ما ودها تموت ..

أقول .. والله إكرام الميت دفنه ...

ليتهم يعزلوهم على جنب ويجيبولهم لاعب أعمى يرميهم في المدرجات خارج الملعب .. أفصد السوق ...

حبيبي يالغالي ..

ديون وجدولة لمتى ؟؟؟ ولمن ؟؟؟

البنوك الحين تخاف تعطيك سيارة .. مو ملايين لشركات ميته .. لا تخافون شباب .. أنا عندي ثقة غير محدودة بريال أســـــــــــــــد قاعد هناك في المركزي الله يحميه هالمحافظ .. عن جد قاعد يحافظ على اقتصاد البلد ... والله كلمة حق شباب لولا ستر الله وهالمحافظ كان بنوك في الكويت سكرت .. وساعتها الله العالم كان شنو ممكن يصير ..

خلونا نحكي الصراحة ...

أنا مع المركزي والمحافظ في شدتهم الله يعينهم على هالسوق ..

ولكم التحية