سعر الايفون 4 بالكويت اليوم فقط (طقني واطقك وزحمه)

[محب الرياضه]

Today's Hottest Offer!

اليوم فقط الثلاثاء الموافق 21-9-2010

اليوم رايح اشتري تلفزيون من يوريكا السالميه ولا اشوف زحمه عند التليفونات عبالي جهاز يديد ولا طلع ايفون 4 والناس طقني واطقك وزحمه ناس تشتري مادري شريطيه ولا شنو العموم 5 اجهزة وانت صاعد



لا تنطر ولاشي

من باب التجربه سعر الباوند اليوم 447 فلس

بس لما تشتري من اي موقع راح يتغير السعر اي لحظه ( لانه الموقع والبنك ياخذون تحويل العمله مع الصرف)


بس الحين اذا انت ماتبي تطلب

اشتر من يوريكا سعرهم حلو الفرق 27 دينار حق الحجم 32 بس لا تنطر 5 اسابيع

احسبها

600 باوند (موقع ابل البريطاني)
5.5 دينار (توصيل ارامكس)
1 دينار (تخليص جمركي)
5 % (ضريبة الجمارك) يسعرون الباوند على كيفهم عادي (470 فلس)

= 302.6 دينار

شنو الفرق بين الطلبيه ويوريكا

الطلبيه 3 اسابيع من تأكيد الشراء الى صندوقك البريطاني يعني يوصل الكويت من 5 الى 6 اسابيع = 302.6 دينار (كفاله سنه) بس بتقنعني بدز جهازك لي بريطانيا عشان تصلحه

يوريكا جاهز تستلمه 329.9 دينار (كفاله سنه على الهاردوير)

تراني مواطن عادي حالي من حالكم
لاني ولد راعي شركة يوريكا ولاشي
ولاني اسوي دعايه حقهم بس حبيت ابلغكم بالعرض

اللي باع باع سواء 600 دينار (اول مانزل) او اقل والحمدلله هذه ارزاقهم ( لو تجري جري الوحوش غير رزقك ماتحوش)

 

[nokia*nokia]

الله بالخير أخوي : محب الرياضه

جزاك الله خير وماقصرت وكثر الله من أمثالك

انا اتصلت عليهم قبل شوي ورقمهم الداخلي (( 127 )) ورقم الشركة طبعا موجود بالأعلان

ومثل ماتفضلت أخوي كفالة (( سنة على الهاردوير )) وبنفس السعر المعلن ومفتوح رسمي
والكميات متوفره

وإن شاء الله اليوم بعد العصر أكون عندهم وجازم بالشراء بعد المعاينه

وأشكرك جدا جدا لأن الاعلان ماكنت شايفه بسبب مشاغلي اليوميه

موفق بإذن الله ​

 

[محب الرياضه]

الله بالخير أخوي : محب الرياضه

جزاك الله خير وماقصرت وكثر الله من أمثالك

انا اتصلت عليهم قبل شوي ورقمهم الداخلي (( 127 )) ورقم الشركة طبعا موجود بالأعلان

ومثل ماتفضلت أخوي كفالة (( سنة على الهاردوير )) وبنفس السعر المعلن ومفتوح رسمي
والكميات متوفره

وإن شاء الله اليوم بعد العصر أكون عندهم وجازم بالشراء بعد المعاينه

وأشكرك جدا جدا لأن الاعلان ماكنت شايفه بسبب مشاغلي اليوميه

موفق بإذن الله ​

حياك الله اخوي
اشدعوة انت اخ قبل كل شي وكذلك باقي الأعضاء اخوان لي
وماسويت الا الواجب

والله ياخوك انا متحسف على شغله
ان يكون اللي شفتهم اليوم بيوريكا شريطيه ويشترون كل الأجهزة
ومايخلون الناس تحصل جهاز واحد

اما بالنسبه اللي باله طويل ويقدر يطلب على اساس انه ارخص خل يطلب
وكذلك اللي باله طويل و مو مستعيل ينطر باقي الشركات لانهم هم بيكسرون بسعر يوريكا

بس نصيحه في محل هواتف معروف يبيع صيني درجه اولى (دربالكم منه)
هذا مو كلامي كلام ناس وايد من خارج وداخل المنتدى (وانا ذكرت طاريه عشان ماتروح فلوسكم هباءا منثورا)
هذا المحل طرحت له مواضيع كثيره من قبل اعضاء المنتدى الكرام ويهم يشتكون منه

والله المستعان

 

[COBRA 93]

موفق خير ياخوي

 

[ايطالي 71]

السلام عليكم .....
عفوا اخوي انت على اي اساس حسبتها 302
انااللي اعرفه انه سعره واصل الكويت مع الشحن مايتعدى 270
من وين يبت هالسعر ؟

 

[محب الرياضه]

موفق خير ياخوي

حياك الله

 

[محب الرياضه]

السلام عليكم .....
عفوا اخوي انت على اي اساس حسبتها 302
انااللي اعرفه انه سعره واصل الكويت مع الشحن مايتعدى 270
من وين يبت هالسعر ؟

من قالك؟

اذا انت تعرف تطلب راح تعرف

الباوند في هاللحظه 448 فلس يوم كتبت الموضوع كان 447 فلس

وانا شرحت حسبة حجم 32


600 باوند (موقع ابل البريطاني)
5.5 دينار (توصيل ارامكس)
1 دينار (تخليص جمركي)
5 % (ضريبة الجمارك) يسعرون الباوند على كيفهم عادي (470 فلس)
=302.6 دينار اذا كان الباوند= 470 فلس

البنك ماراح يحسبه 447 او 448 فلس

راح يحسبه 470 فلس (اقل منه اكثر حسب البنك اللي انت فيه هم المواقع اللي برى تحسب الدينار وتصرفه على كيفها )
لاني قبل امس طالب من موقع (لانه البنك راح يحسب على كيفه وعلى سعر الصرف اكيد البنك ياخذون منك فايده عيل خذو فقلو )

وحسبولي البنك 470 فلس عن الباوند الواحد

الا اذا انت تعرف احد ايبه لك من لندن ولا اوروبا يعطونك وياه تاكس فري ويطلع ارخص من سعر النت


اقنع الناس يا اخ ايطالي 71 شلون 600 باوند على سعر الصرف الحين اللي هو 448 فلس =268.8 شلون واصل الكويت 270 !!!!!!!!! وين سعر التوصيل + ضريبه الجمارك + التخليص الجمركي


بس تناقشني على سعره واصل الكويت مادري شقول كلامي كان واضح

والله المستعان

 

[AbdullahKWT]

السلام عليكم،

اخوي نص معلوماتك غلط

أولا سعر الآيفون على تسعيرة الصرف بالوطني 269.5 + 3٪ عمولة الفيزا + 5.5 دنانير توصيل = 283 دينار
واذا خذوا منك ارامكس رسوم التخليص يصير دينار زيادة، وانا عن نفسي ماخذوا مني ولا مرة رسوم تخليص
ثانيا الآيفون معفي من الرسوم الجمركية، يعني مافي شي اسمه 5٪ جمرك
ثالثا التاريخ المتوقع اللي يعطيك اياه ابل ستور لوصول الجهاز الى ارامكس 3 أسابيع بس عمره ما ياخذ معاك 3 أسابيع
لأنهم يقصدون بالمدة هذي الحد الأقصى، علشان جذيه دايما يكون التوصيل سابق بحدود ال6 ايام
بعدين من صندوق ارامكس الى الكويت ياخذ الشحن يومين بس

بالمجمل كلامك عن ال5 أسابيع وعن الجمرك 5٪ تبين انك ولا مرة طلبت آيفون من لندن

وبالنهاية سعر ال32 غيغا من لندن 283 دينار وياخذ بحدود ال20 يوم
واللي يبي يتأكد انا طلبت اكثر من مرة وعندي الفواتير والايميلات ليلحين، فاللي يبي مستعد ادزهم له

 

[zhaleh]

صادوه


ماكو فرق وايد بلسعر

 

[محب الرياضه]

السلام عليكم،

اخوي نص معلوماتك غلط

أولا سعر الآيفون على تسعيرة الصرف بالوطني 269.5 + 3٪ عمولة الفيزا + 5.5 دنانير توصيل = 283 دينار
واذا خذوا منك ارامكس رسوم التخليص يصير دينار زيادة، وانا عن نفسي ماخذوا مني ولا مرة رسوم تخليص
ثانيا الآيفون معفي من الرسوم الجمركية، يعني مافي شي اسمه 5٪ جمرك
ثالثا التاريخ المتوقع اللي يعطيك اياه ابل ستور لوصول الجهاز الى ارامكس 3 أسابيع بس عمره ما ياخذ معاك 3 أسابيع
لأنهم يقصدون بالمدة هذي الحد الأقصى، علشان جذيه دايما يكون التوصيل سابق بحدود ال6 ايام
بعدين من صندوق ارامكس الى الكويت ياخذ الشحن يومين بس

بالمجمل كلامك عن ال5 أسابيع وعن الجمرك 5٪ تبين انك ولا مرة طلبت آيفون من لندن

وبالنهاية سعر ال32 غيغا من لندن 283 دينار وياخذ بحدود ال20 يوم
واللي يبي يتأكد انا طلبت اكثر من مرة وعندي الفواتير والايميلات ليلحين، فاللي يبي مستعد ادزهم له

يسم الله الرحمن الرحيم

بجاوب على ردك

اخوي ليش معصب ومطلعنا غلط

اول شي برد على نقطه نقطه

1-على قولتك 269.5 قلنا وانشالله مانعيد مليون مره العمله تتغير بكل ثانيه (معناها كلامك غلط)

2-التوصيل 5.5دينار على الكيلو (انت صح)

3-رسوم التخليص 1 دينار وذكرتها انا هم انت ذكرتها بنفسك(انت قاعد تناقض نفسك؟؟)

4-ياخذ 3 اسابيع (والله هذا انا قريته بالموقع ابل ستور بريطانيا مو من تأليفي ينشحن الى بريطانيا اللي هو صندوقك اما اذا الشركه دزت قبل او بعد مو ذنبي هذا يعتمد على الشركه وسرعتها)

5-اما صندوق ارامكس الى الكويت ياخذ الشحن يومين بس (هذه اسمحلي سابع المستحيلات بتقعني توصل الشحنه المطار ويطلعونها بعد يومين انزين اذا وصلت الشحنه يوم الخميس شلون تطلع الخميس - الجمعه والسبت اجازة وماراح يشتغلون الا فيها ليش ماكو غير ارامكس!! وباجي الشركات طاف؟؟ )

6-بالمجمل كلامك عن ال5 أسابيع وعن الجمرك 5٪ تبين انك ولا مرة طلبت آيفون من لندن (من قال انا طلبت ايفون) اقرى الموضوع عدل

7-وبالنهاية سعر ال32 غيغا من لندن 283 دينار وياخذ بحدود ال20 يوم(قلت من قبل لو تجري جري الوحوش غير رزقك ماتحوش سواء وصل امبجر او متأخر هذه ظروف محد يعرفها غير رب العالمين)

8- يعني مافي شي اسمه 5٪ جمرك (اخوي هذا اجباري على كل شي فوق 100دولار حسب قوانين الجمارك)

انا حطيت موضوعي حق الناس كلها وليس لمصلحه شخصيه وانا ذكرتها تراني مواطن عادي حالي من حالكم
لاني ولد راعي شركة يوريكا ولاشي
ولاني اسوي دعايه حقهم بس حبيت ابلغكم بالعرض

وليش الواحد ينطر والجهاز موجود ومكفول

باقي 37دقيقه ويسكرون يوريكا ويخلص عرضهم ( ترى هذا حسب الاعلان المذكور انه ليوم واحد 21-9-2010 مددوه ولا لأ - بعد يطلعوني غلطان )

 

[محب الرياضه]

صادوه


ماكو فرق وايد بلسعر

والله يا خوي انا موداش بجيبي شي

انشالله كل واحد بخاطره ايفون4 يجربه ويشوف شنو ميزاته

ويستفيد من العرض الموجود عند يوريكا او غير يوريكا وقلتها اكيد باقي الشركات بيكسرون بسعر يوريكا

وانشالله يطيح سعره عشان الناس تقدر تاخذه بسعر بره الكويت

والله المستعان

 

[ايطالي 71]

للعلم ترا يبيعون الجهاز مفتوح .... يعني اقصد بدون تغليف نايلون
يعني انت شلون تضمن انه من ابل ستور يايبينه
ليش مايكون صيني مثلا ؟
الله عرفناه بالعقل ....
الحين انت ولا اي احد يطلب من ابل نفسهم يوصلك التلفون مغلف بالنايلون
عدل ولا انا غلطان ؟؟؟

 

[محب الرياضه]

للعلم ترا يبيعون الجهاز مفتوح .... يعني اقصد بدون تغليف نايلون
يعني انت شلون تضمن انه من ابل ستور يايبينه
ليش مايكون صيني مثلا ؟
الله عرفناه بالعقل ....
الحين انت ولا اي احد يطلب من ابل نفسهم يوصلك التلفون مغلف بالنايلون
عدل ولا انا غلطان ؟؟؟

عدل كلامك

شوف ياخوك يابوه من الصين ولا امريكا هذا لازم تعرفلك واحد يشتغل اهناك
او واحد طالبه وعنده اياه

اما سالفه مغلف عند يوريكا ولا لأ الله واعلم انا مادري عنها يمكن بيحطون كفالتهم داخل العلبه

وشاكر لك على مرورك

 

[AbdullahKWT]

اخوي اشدراك اني معصب ؟! انت ماشفت ويهي علشان تحكم اذا كنت معصب
وكلامي كان مجرد توضيح ما غلطت ولا أعلنت الحرب،
يعني لازم اقول ان الآيفون ياخذله 6 اسابيع علشان اصير خوش ولد

بعدين الآيفون معفي من الرسوم الجمركية بغض النظر عن قيمة السلعة، وأتحداك تييبلي واحد دفع جمرك
قل هاتوا برهانكم ان كنتم صادقين

بالنسبة لسعر الصرف انا يبتلك مال اليوم وهذي الصورة.

بعدين انا قاعد اقول طالب اكثر من مرة وعندي الفواتير، اونت قاعد تقول ولا مرة طلبت
وفوق هذا تعارضني، يعني بس تبي تجادل

بالنسبة لعرض يوريكا وانت تقول انا مو مستفيد، بس في ناس راح يستغلون هالشغلة استغلال سيء ويقولون ان يوريكا عرضه ليوم واحد بس، فيبيعون على الناس بسعر غالي باجر

وفوق هذا انا عندي أجهزة قاعد أبيعهم ب300 دينار، فكلامك عن بريطانيا ان ياخذ 6 أسابيع ويكلف 302 دينار راح يفيدني ويكون من مصلحتي، لكن الحق حق.

 

[محب الرياضه]

لا والله ماطلبت ايفون وماعرف اذا ياخذون عليه ضريبه
بس جميع طلباتي بالنت عليها 5% عدا الكتب والـ dvd
هم الاجهزة عليها ضريبه لان اللاب توب خذو منيضريبه
بالعكس انت شي طيب سويت
وخليت الناس تستفيد وانشالله الله يرزقك على نيتك
وموفق خير

 

[بومساعد30]

الحين بتدفعون تقريبا 300 دينار او 270 دينار
وزعلانين على 20 دينار هههههههههه
ياجماعه ترا اللي بيدفع مافرقت وياه هال 20
واذا تفرق وياه عيل خل ينطر شهر او شهرين وبيحصله اقل بواااااااايد من سعره الحين
ويعطيكم العافيه
كلامي وجهة نظر وانتم بكيفكم

 

[محب الرياضه]

الحين بتدفعون تقريبا 300 دينار او 270 دينار
وزعلانين على 20 دينار هههههههههه
ياجماعه ترا اللي بيدفع مافرقت وياه هال 20
واذا تفرق وياه عيل خل ينطر شهر او شهرين وبيحصله اقل بواااااااايد من سعره الحين
ويعطيكم العافيه
كلامي وجهة نظر وانتم بكيفكم

شاكر على مرورك

 

[general_q8]

محب الرياضه
بصراحه مشكور على الموضوع والله يعطيك على نيتك يارب

 

[bader.kw]

يااااحلات ااذا يالك الجهاز ملغف من المصنع
وجيس ابيض...اتحسه لنق اتحس انك شاري جهاز
وبعدين سعرهم ماتغير 288.9 يعني 290 الا اميه ودينار...
انا بالنسبه لي اخذه بغلاف المصنع اب 290 احسن من يوريكا وغيرها ..الي ماتدري من وين مصدره.

 

[kuwaity17]

اخوي اسمحلي بس كلامك غلط عن السعر ..
هذا كشف حساب ويمه شركة ابل شاري ايفون ب600 باوند

يطلع اجمالي المبلغ 277.700 مستلمه بايدي

270.783 سعره + 5.5 شحن ارامكس + 1 تخليص جمركي = 277.283 دك.

والكتب + التلفونات معفيه من الضريبه الي اهيا 5%

http://img191.imageshack.us/img191/9827/iphoneg.jpg