أبي رايكم برادوا ولا دينيلي

[أبو عبد الرحمن]

السلام عليكم ورحمة الله وبركاته

أخواني أبي رايكم

لاقيلي جيب جيمس دينيلي وارد أمريكا عند أخو واحد من الربع أبيض موديل 2005 كامل المواصفات وكذا واحد مادحلي الدينيلي ويقولون موتر استعمال 100٪

وعندي واحد من الربع يقول أخذ برادوا 2005 أو 2006 بنفس قيمته وأحسن منه لأنه تويوتا استعمال وتكييف بارد

أبي رايكم أيهم أفضل

وبخصوص السعر كم يسوون الدينيلي والبرادوا موديلات 2005

جزاكم الله خير​

 

[560SEL]

يبه انا اقولك جمس دينالي ممتاز وايد وكانه كاديلاك اسكاليد وحتى ماكينته قويه 6.0 وموتر ممتاز للسفر وقيمته من 4500 الى 5500 وكل شي بحقه وحسب المواصفات والنظافه وفيه منها دفع خلفي وفيه دفع رباعي مستمر ما يفصل نهائي ولو حاولت تفصله ممكن ياثر على القير
البرادو من طلع الى الآن وهو فيه عيوب مصنعيه وانا اشوف انه ما يسوى ودايم قيمته غاليه سمعه على الفاضي

 

[asuhail]

برادو وانت مغمض ، كد ومد ، بر بحر مدينة ، اسأل مجرب ولا تسأل خبير ، حافظ على السيرفس وانت ترتاح سنين طويلة ، بس اخذ 6 سلندر​

 

[خالد الرسلاني]

السلام عليكم ورحمه الله وبركاته

اخوي بالنسبه للاسعار شبه متقااربه

لكن انا من ناحيتي الدنلي الانه 8 سلندر ويريحك بالخط والسفر ويعطيك اكثر هيبه وتتمتع بالقياده اما البرادو اغلب الي يسوقونه حريم الانه يجي 4 سلندر ويجي 6 وماايصلح للي راعي خطوط والي متعود يرتاح من صوت القار

بالنسبه لتكييف معروف الامريكي بالخط يبرد وبالاشاره انسسىى وجهز علبه الكلينكس

وانا من رايي وانصصحك بالدينلي اذا استخداام واهتمام وعناايه

اما تفكر بعد 6 شهور ولا سنه تبيعه خذ برادو وهينه طلع حقك منه وبعدها بيعه يجيبلك نفس القيمه الانه تيوتا ومرغوب عند الشعب

وانا من نااحيتي وانا اخووك

استشير ولا تستعجل وخذ جمس خويك ودقلك فره ولا فرتين عليه وروح اجرلك برادو وجرب شووف الفرق

وعسي ربي يوفقك ويرزقك السياره المناسبه لك والاختيار الصايب

والف مبروك مقدما ياغلاي

 

[أبو عبد الرحمن]

يبه انا اقولك جمس دينالي ممتاز وايد وكانه كاديلاك اسكاليد وحتى ماكينته قويه 6.0 وموتر ممتاز للسفر وقيمته من 4500 الى 5500 وكل شي بحقه وحسب المواصفات والنظافه وفيه منها دفع خلفي وفيه دفع رباعي مستمر ما يفصل نهائي ولو حاولت تفصله ممكن ياثر على القير
البرادو من طلع الى الآن وهو فيه عيوب مصنعيه وانا اشوف انه ما يسوى ودايم قيمته غاليه سمعه على الفاضي

الله يجزاك خير على النصيحة أخوي وكثر الله من أمثالك

بسراحة أنا قريت ردك من أول شي بس أخرت الرد كنت بشوف إذا في آراء ثانية وبسراحة كنت ميال لرايك حيل وكنت مستعجل ودقيت على الرجال وشفت الموتر وسقته وهو نظيف وكفالته فيه وتوكلت على الله وخذيته

مشكور ما قصرت

 

[أبو عبد الرحمن]

برادو وانت مغمض ، كد ومد ، بر بحر مدينة ، اسأل مجرب ولا تسأل خبير ، حافظ على السيرفس وانت ترتاح سنين طويلة ، بس اخذ 6 سلندر​

مشكور أخوي

البرادو حلو وعند رفيجي وأخوي برادوا وسايقهم من قبل حلوين بس أرتحت للدينيلي

جزاك الله خير

 

[أبو عبد الرحمن]

السلام عليكم ورحمه الله وبركاته

اخوي بالنسبه للاسعار شبه متقااربه

لكن انا من ناحيتي الدنلي الانه 8 سلندر ويريحك بالخط والسفر ويعطيك اكثر هيبه وتتمتع بالقياده اما البرادو اغلب الي يسوقونه حريم الانه يجي 4 سلندر ويجي 6 وماايصلح للي راعي خطوط والي متعود يرتاح من صوت القار

بالنسبه لتكييف معروف الامريكي بالخط يبرد وبالاشاره انسسىى وجهز علبه الكلينكس

وانا من رايي وانصصحك بالدينلي اذا استخداام واهتمام وعناايه

اما تفكر بعد 6 شهور ولا سنه تبيعه خذ برادو وهينه طلع حقك منه وبعدها بيعه يجيبلك نفس القيمه الانه تيوتا ومرغوب عند الشعب

وانا من نااحيتي وانا اخووك

استشير ولا تستعجل وخذ جمس خويك ودقلك فره ولا فرتين عليه وروح اجرلك برادو وجرب شووف الفرق

وعسي ربي يوفقك ويرزقك السياره المناسبه لك والاختيار الصايب

والف مبروك مقدما ياغلاي

وعليكم السلام ورحمة الله وبركاته ومغفرته
جزاك الله خير أخوي خالد ماقصرت كفيت ووفيت
أنا بسراحة ارتحت للدنيلي بعد ماشفته وسقته وسألت الطيبين شرواك وأخذته ولله الحمد

 

[Z71]

أخوي دنالي اكشخ وعفوا علي الكلمه بس الدنالي رجولي اكثر

 

[خالد الرسلاني]

الف الف الف مبروك وعسي ربي يسسعدك ويهنيك

تستاهل طال عمرك

ويجزاك بالخير فديتك

وشرواك الطيب يالغالي

تقبل ودي ومروري

 

[المطلق72]

الف مبروك يعطيك خيره ويكفاك شره وبعدين شلي جاب لجاب والله ما اقارن الدينالي الاسد بالبرادو يكفي البرادو من عيوبه انه بالطريق اذا فيه هواء وغبار صار يلعب بالخط

 

[ابوو ساالم]

عساااه مبرووووك

 

[أبو عبد الرحمن]

الله يجزاكم خير ويبارك فيكم جميعا