استفسار لاصحاب الخبره بسيارات اودي

[Podolski]

ياجماعه الخير بغيت استشيركم عن سيارات الاودي

شلون وكالتهم و كفالتهم ؟ و سياراتهم شلونهم من ناحيه الخرابات اذا استعمال نظيف ؟

خصوصا الـa4 اللي عنده خلفيه ممكن يفيدنا شوي .

 

[Podolski]

uuuuuuupppp

 

[B-A-1983-A-B]

a4 كانت عندي استعمالها وايد حلو جنها باسات فلكس ويجن بالضبط ،،، عيبها الشرعي الجير دايم ثجيل بالقومة وهذا عيب مصنعي بالسيارة مو خراب فيها يعني اذا شفت فزتها تعبانة لايقصون عليك ويقولك جيرها خربان لان هذا عيب مصنعي اصلا لان الجير الكتروني كهربائي ومايتجفت اذا خترب تبديل وبالسكراب قيمتة مو اقل من 750 هذا للموديلات من 2005 وتحت الي فوق مادري عنه ،،، اما الوكالة فحدث ولا حرج عليهم اسعار جهنمية تقول مشتري روزرايز مو اودي !!
السيارة بالاستعمال قمة خصوصا الي يحشم موترة ويستعملة بركادة بس تحمل قطع الغيار عاد

 

[joe10cole]

اخوي ba83 القطع الاستهلاكيه فيها جم ؟ واذا عندك فكره عن ال a6 و ال a8
غير جذي اشلون هيئتها اتحمل مطبات ولا تحك على كل مطبه واترهطق بسرعه ؟

 

[B-A-1983-A-B]

ارخص شي فيها الجبنات والكاسكيتات اذكر سويتهم مع شغل ايد الكراج 90 دينار السفايف بحدود 25 اصلي لان ماحصلت لها تجاري الغوايش اصلي على 20 تقريبا واستعمالها مثل الباسات بالضبط ماتفرق شي هذا a4 لاني استعملتها والنوعيات الثانية ماجربتهم بالنسبة للهيئة اذا انت تحشم السيارة تعمر معاك بس عيبها الشرعي البوشات على طول تخترب وصليحهم مو اقل من 50 دينار
بالتوفيق

 

[sound blaster]

فرّ منها فرارَك من الأسد

سيّاره مُعاقه ولي يَمدحها لك ما عَنده سالفه

إذا نَاوي تداوم بالكَراجات أشترها .. الله يّخرب بَيتها من سيّاره


بالتّوفيق ..

 

[Podolski]

ما قصرت اخوي على المعلومات

و على كلامك يعني اذا انا استعمالي نظيف و حلو و سيرفس بانتظام ، تصير اوكي معاي !

و شلون كفاله الوكاله ؟