السلام عليكم ورحمة الله تعالى وبركاته
حبيت افتح موضوع خاص بمواد البناء حسيت اني ظلمت اخوي اللي عنده مبلغ 30 الف ويبي يشتغل اخذنا موضوعه فقلت افتح موضوع خاص بالمشروع
ياجماعه اول شي احب ابين لكم شغله انا صارلي 10 سنوات بالمجال والحمدلله الوالد قبلي من سنه 80 وتعلمت منه وايد امور وماجذب عليكم اقولكم اني دايما ربحان وما انقص علي لا طبعا مريت بمراحل وتعبت وتسكرت والحمدلله بفضل من الله انفتحت بويهي مره ثانيه
والخبره هذه ما جت ببلاش يعني بعد تعب
في امور وايده وسوق مواد البناء كبييير وايد يعني في استيراد وفي من داخل الكويت تاخذ جمله وتبيع واشوف الكل مستفيد يعني في ربح بس لازم الواحد يكون متفرغ بالبدايه لان الربح ما يجيك بدون تعب تتعب شوي بالبدايه ولمن الناس تعرفك بالسوق شغلك يمشي
اشرح لكم على السريع
اولا: مجال الاستيراد
يبدا المجال براس مال 10 الاف تقريبا وهذا اقل شي اذا تبي تجيب من دبي بضاعه مثلا مسامير او سيم او خلاطات للمغاسل او مغاسل ولازم تركز على شي من هذول مو كلهم مع بعض يعني تتخصص بشي معين
او من الصين وهذه تبي راس مال اكثر من 20 الف
وتقدر من هناك تستورد الات معينه مثل الهلتي ومكاين لحيم البايبات ومعدات كهربائيه عامه تكون رخيصه وبيعها حلو وباسعار جيده واكيد تركز على شي معين علشان لا تتشتت
اما مجال المحل والعمال اللي انا شغال فيه
هذا المجال صعب شوي ويبي واحد ما عنده غير هالشغله يعني تفرغ تام
تاخذ محل ولازم مخزن معاه وعلى الاقل 4 عمال ويكون عامه راس مالك فيها مو اقل من 30 الف
تنزل بضاعه من التجار اللي يستوردون من الخارج وبعض البضاعه اللي من الداخل مثل الحديد و الاسمنت والطابوق هذه كلها داخل الكويت تتصنع
ومجال المحل واسع يعني اكثر من 700 صنف انت تبيع من مواد البناء الى الادوات الصحيه الى الاصباغ ومحتوياتها يعني وايد اصناف عندك وهذه تحتاج الى واحد بالمحل شاطر يعرف اسعار الجمله واسعار البيع بالسوق وتحتاج هاف لوري للتوصيل
الشرح طويل جدا افضل اسكر الموضوع هني واللي عنده استفسار يحطه وارد عليه وياريت على العام علشان الكل يستفيد
اتمنى التوفيق للجميع
حبيت افتح موضوع خاص بمواد البناء حسيت اني ظلمت اخوي اللي عنده مبلغ 30 الف ويبي يشتغل اخذنا موضوعه فقلت افتح موضوع خاص بالمشروع
ياجماعه اول شي احب ابين لكم شغله انا صارلي 10 سنوات بالمجال والحمدلله الوالد قبلي من سنه 80 وتعلمت منه وايد امور وماجذب عليكم اقولكم اني دايما ربحان وما انقص علي لا طبعا مريت بمراحل وتعبت وتسكرت والحمدلله بفضل من الله انفتحت بويهي مره ثانيه
والخبره هذه ما جت ببلاش يعني بعد تعب
في امور وايده وسوق مواد البناء كبييير وايد يعني في استيراد وفي من داخل الكويت تاخذ جمله وتبيع واشوف الكل مستفيد يعني في ربح بس لازم الواحد يكون متفرغ بالبدايه لان الربح ما يجيك بدون تعب تتعب شوي بالبدايه ولمن الناس تعرفك بالسوق شغلك يمشي
اشرح لكم على السريع
اولا: مجال الاستيراد
يبدا المجال براس مال 10 الاف تقريبا وهذا اقل شي اذا تبي تجيب من دبي بضاعه مثلا مسامير او سيم او خلاطات للمغاسل او مغاسل ولازم تركز على شي من هذول مو كلهم مع بعض يعني تتخصص بشي معين
او من الصين وهذه تبي راس مال اكثر من 20 الف
وتقدر من هناك تستورد الات معينه مثل الهلتي ومكاين لحيم البايبات ومعدات كهربائيه عامه تكون رخيصه وبيعها حلو وباسعار جيده واكيد تركز على شي معين علشان لا تتشتت
اما مجال المحل والعمال اللي انا شغال فيه
هذا المجال صعب شوي ويبي واحد ما عنده غير هالشغله يعني تفرغ تام
تاخذ محل ولازم مخزن معاه وعلى الاقل 4 عمال ويكون عامه راس مالك فيها مو اقل من 30 الف
تنزل بضاعه من التجار اللي يستوردون من الخارج وبعض البضاعه اللي من الداخل مثل الحديد و الاسمنت والطابوق هذه كلها داخل الكويت تتصنع
ومجال المحل واسع يعني اكثر من 700 صنف انت تبيع من مواد البناء الى الادوات الصحيه الى الاصباغ ومحتوياتها يعني وايد اصناف عندك وهذه تحتاج الى واحد بالمحل شاطر يعرف اسعار الجمله واسعار البيع بالسوق وتحتاج هاف لوري للتوصيل
الشرح طويل جدا افضل اسكر الموضوع هني واللي عنده استفسار يحطه وارد عليه وياريت على العام علشان الكل يستفيد
اتمنى التوفيق للجميع
