افزعولي

[بسرعه]

ارحبو

يالربع انا أستأجرت لي بيت من واحد عله .. تكييف بيته مركزي وقديم جدا جدا وتعطل وكلمته يصلحه لأنه مكلف ورفض

وش الحل ..؟؟

هل يحق لي مثلا اصلحه من قيمة الأجار واعطيه باقي القيمه مع فواتير التصليح بحيث إّذا اشتكاني ماله حق والا كيف ؟؟

 

[الهمس الخجول]

ارحبو

يالربع انا أستأجرت لي بيت من واحد عله .. تكييف بيته مركزي وقديم جدا جدا وتعطل وكلمته يصلحه لأنه مكلف ورفض

وش الحل ..؟؟

هل يحق لي مثلا اصلحه من قيمة الأجار واعطيه باقي القيمه مع فواتير التصليح بحيث إّذا اشتكاني ماله حق والا كيف ؟؟

ماأنصحك بهالطريقه لأنو على قولتك عله يعني بينشب لك الين تدفع قيمه الإيجار كامل ..!!

 

[طاطا]

نصيحة ... انت صاحب البيت الحين يعني اي شيء استهلاكي عليك .
يعني اذا اي شيء يخترب بالبيت انت مسؤول عنة .
حاول تتفاهم معاة بالطرق الايجابية .
وتمنياتي لك بالتوفيق .

 

[adilalroh]

اكيد عندك عقد.. شنهي شروط العقد
اثبت حاله وصلح التكيف علي حسابك وفيما بعد اخصم اجور التصليج من الاجار
وسال قبل لا تصلح التكيف واحد يعرف بالقانون

 

[Singel]

والله انا خبره في نظام الملاك اشكال وانواع وغربين الاطوار والله فيه ناس طيبه والله ماتسال عن الايجار وفيه ناس عله ههههههههههه

المهم اخوي جدد عقدك وياه واشرط عليه من ضمن الشروط مثل ماسويت
انا نفس سالفتك خرب التكيف اول الصيف وانا ماجر عنده شهر 1 قالي عليك قلتله اخوي انا توني ساكن وماصارلي شهر من تشغيل التكيف المهم جيته في عين حاره وقلته انت ترضا وتحطها في ذمتك اني اصلح انت ترضا اذا ترضا انا اصلح علي -
حسابي بس شوف القطعه عليك والاجور علي
وخصمتها من الايجار والحمدالله

 

[f.f.j.r.2010]

بالتي هي احسن صلح او اطلع ابرك لك

 

[الحريه وطن]

اطلع من البيت
واكتب ورقه صغيره ((لاتسكنون هذا البيت راعيه عله))

وحطه بمكان يشوفه المستاجر الجديد

 

[adelO]

الله عينك على هالعله ... ولا يستخدم التكيف في بيته سنين وتالي اذا خرب على مؤجر صارله كم شهر قال موشغلي !!!!!!! اذا الربع يبونها عقود وقانون روح للمحكمه المختصه بأمور العقار والمؤجرين واسأل والله عينك

 

[B-A-1983-A-B]

انا اخوك جانك ماتبي المشاكل البيت صغير وب 3 غرف اشترلك وحدات مستعملة وقزر حالك فيهم لين الله ايسر امورك وتحصل لك بيت ثاني اريحلك والوحدات المستعملة على 60 دينار وعلى الاقل متى مابغيت تبيعهم فلوسك وحلالك بيبون على الاقل الثلاثة 150 لي نويت تبيع بوسق الجمعة وعسى الله يكتبلك الي فيه الخير

 

[Singel]

اي كلامك صحيح اخوي ba 1983 1b ومنها تخسره كرهباء بعد وتخرب طوفه ههههههههههههههه خله يموت قهر

 

[قيس]

اخوي .... دربالك اتصلح التكييف لانة يمكن يسوي عليك اثبات حالة ويتهمك انك خربت التكييف

واذا بتصلح خلة يوقع علي الفاتورة للموافقة

 

[Kaubar]

اخوي كل الشباب جزاهم الله خير يبون يساعدونك لكن خلك بالسليم

العقد معاك وروح المخفر ويمكن يساعدونك واتمنى تلاقي هناك واحد فاهم يساعدك

قانون الكويت فيه قاعده ذهبيه تقول (لا ضرر ولا ضرار)

لا تطق مسمار بالبيت مايحقلك