شرايكم بالسعر اللي عطاني ياه المقاول؟

[Salty Elbow]

السلام عليكم جميعاً ..

أتمنى من أصحاب الخبرة في البناء يفيدوني بالتسعيرة اللي عطاني ياها المقاول لبناء دور ثالث مساحة البناء 180 متر مربع ..

طبعاً قعدت مع أكثر من 10 مقاولين كل واحد يسعر بمزاجه والأغلبية ما يحسب بناء الدور بالمتر لأن ما يربح فيه وايد فيعطيك تسعيرة بكيفه ..

آخر شي رسيت على واحد شاطر وأمين وشفت شغله .. قالي مصنعيات 5000 و المواد 2500 يعني الأسود مع المواد يطلع 7500 و أنا علي التشطيب (من غير حسبة بيت المصعد)

قتله شدعوه 5000 شغل ايدك !! مع العلم أني ماراح أكمل بيت الدرج لأن عندي مكان حق الصعدة بسلم للدور اللي راح ينبني حق التانكي والمكاين وغيره ..

التكسير بس مكان الأعمدة وسور السطح مجرد يكسره ويسوي نفس الديكور فوق السطح الجديد للدور الثالث ..

هل السعر معقول ولا أشوف غيره؟؟

وشكثر تقريباً يكلفني التشطيب (صحي - كهرباء - نجارة - حداد - تكسية - عازل .. الخ) ؟

 

[al7boob]

مرحبا اخوى الله يوفقك فى البنيان ...
وتعمر البيت
شوى غالى تبنى دور ثالث كل شى موجود
المتر حسبته طلع تقريبا 41 دينار
وشكرا

 

[الونيان]

Salty Elbow
اخوي الغالي من 15000 الى 16000 يكلف على المفتاح وعلى حسب تشطيبك

والله يوفقك

واذى كان في مدعوم راح يكلف اقل

 

[القصاص 2]

السلام عليكم ورحمة الله وبركاتة

وفقك الله الى ما يحب ويرضي

 

[مضارب وخسائر بل]

السلام عليكم جميعاً ..

أتمنى من أصحاب الخبرة في البناء يفيدوني بالتسعيرة اللي عطاني ياها المقاول لبناء دور ثالث مساحة البناء 180 متر مربع ..

طبعاً قعدت مع أكثر من 10 مقاولين كل واحد يسعر بمزاجه والأغلبية ما يحسب بناء الدور بالمتر لأن ما يربح فيه وايد فيعطيك تسعيرة بكيفه ..

آخر شي رسيت على واحد شاطر وأمين وشفت شغله .. قالي مصنعيات 5000 و المواد 2500 يعني الأسود مع المواد يطلع 7500 و أنا علي التشطيب (من غير حسبة بيت المصعد)

قتله شدعوه 5000 شغل ايدك !! مع العلم أني ماراح أكمل بيت الدرج لأن عندي مكان حق الصعدة بسلم للدور اللي راح ينبني حق التانكي والمكاين وغيره ..

التكسير بس مكان الأعمدة وسور السطح مجرد يكسره ويسوي نفس الديكور فوق السطح الجديد للدور الثالث ..

هل السعر معقول ولا أشوف غيره؟؟

وشكثر تقريباً يكلفني التشطيب (صحي - كهرباء - نجارة - حداد - تكسية - عازل .. الخ) ؟

دائما الأدوار العلوية أقل تكلفة من الأرضي

180 * 80 = 14400 تشطيب جيد ومعقول على المفتاح .

 

[Salty Elbow]

مرحبا اخوى الله يوفقك فى البنيان ...
وتعمر البيت
شوى غالى تبنى دور ثالث كل شى موجود
المتر حسبته طلع تقريبا 41 دينار
وشكرا

تسلم أخوي وجزاك الله خير ..

هذا اللي فاقع مرارتي أنه معطيني المتر غالي مع أنه المساحة جداً صغيرة وحاسب شغل ايده بس 5000

 

[Salty Elbow]

salty elbow
اخوي الغالي من 15000 الى 16000 يكلف على المفتاح وعلى حسب تشطيبك

والله يوفقك

واذى كان في مدعوم راح يكلف اقل

مشكور أخوي بس تعتقد على الأسود جم يكلف؟

يعني التشطيب عادة يكون دبل تكلفة الأسود؟ لأن مفكر أسوي الأسود و انا مأشطب بس ماني عارف شكثر يكلف التشطيب عشان أدرس ميزانيتي

 

[Salty Elbow]

دائما الأدوار العلوية أقل تكلفة من الأرضي

180 * 80 = 14400 تشطيب جيد ومعقول على المفتاح .

تسلم بارك الله فيك

 

[F11]

اخوي اذا بنيانك اسود غالي تري حيل
المفروض الاسدود من غير الدرج وبيت الدرج مايتعدي 4000 دور على غيره

 

[Salty Elbow]

اخوي اذا بنيانك اسود غالي تري حيل
المفروض الاسدود من غير الدرج وبيت الدرج مايتعدي 4000 دور على غيره

يعطيك العافية ..

فعلاً كلامك صحيح والمشكلة أن ماعندي بيت درج وكل مقاول يطلب ما لايقل عن 8000 على الأسود مع المواد ..

ممكن تدلني على مقاول زين ورخيص؟

 

[ولد_الكويت]

اخوي انا نفسك قبل بس الحين اظربهم بطووفه المقااولين
رووح حق المرقاب الفجر وتلقااهم امسدحييين العمال وعطهم باليوميه او اذا خلصو جزاء تعطيه جزاء من المبلغ
والمقاول بس يتسدح تحت عندك والعمال اهم اللي يشتغلون والله مايبيلها شي اخذ اجازه وجابلهم
من الفجر لغاية الساعه 3 العصر سو سواااتي والله العظيم اني وفرة فوق 11 الف امخباتي وطنخة في التشطيبات وعمل التشطيبات من ربعهم اللي متسدحين بالمرقاي تحت الاشجره والعازل هم ربعهم الايرانيين والله العظيم انحش عن السوري والله يقصك قص وانت بالف خير

 

[‏abo_abdullah_]

السلام عليكم ورحمة الله وبركاته

بالنسبة للمساحة المطلوبة اشوف سعره ممتازه
وتلقى أقل بس تضمن شغله وتضمن انه مو مبتدأ والمدة وانه ما يماطلك وغيره من امور بتفاجأه فيها والله العالم

لكن سعره انا اشوفه زين وهذا سعر السوق وللعلم
سعر السوق يتراوح من 40 لي 45 اسود مع المواد
حسب نظرته للبيت وشنو محتاج لتكسير لبناء الدور الثالث

اخوي اضمن الشخص وان كان زين مثل ما ذكرت توكل على الله
اما تكلفة التشطيب المقبول للمساحة الا ذكرته بحدود 8000
وبالتوفيق اخوي

 

[zhaleh]

المقاول نضال

كلم المقاول نضال رجل محترم وسعرة جدآ معقول . لاتنسى تدعيلى

انشاالله


تيلفون/ 99038788

 

[ziko99]

سلام عليكم

طرشت لك مسج عالخاص اخوي... شوفه وبانتظار ردك .. موفق خير اخوي