متى يتم تسليم كامل المبلغ للبائع ؟

[Math-Man]

السلام عليكم ورحمة الله ،،

لأهل الخبرة ،

يا جماعة متى اسلم المبلغ بالكامل لبائع البيت ؟ هل هو شيك مصدق اسلمه عند كاتب العدل او قبل ؟ ، وهل فيه خطورة اذا سلمته الشيك قبل لا نروح التسجيل العقاري بوزارة العدل ؟ ما عليه ترى اخوكم عليمي بهالسوالف والحذر واجب

وجزاكم الله خير

 

[طيران]

شيك مصدق سلمه كاتب العدل او مايوقع

 

[القصاص 2]

السلام عليكم ورحمة الله ،،

لأهل الخبرة ،

يا جماعة متى اسلم المبلغ بالكامل لبائع البيت ؟ هل هو شيك مصدق اسلمه عند كاتب العدل او قبل ؟ ، وهل فيه خطورة اذا سلمته الشيك قبل لا نروح التسجيل العقاري بوزارة العدل ؟ ما عليه ترى اخوكم عليمي بهالسوالف والحذر واجب

وجزاكم الله خير

السلام عليكم ورحمة الله وبركاتة
عيد مبارك وتقبل الله اعمالك

ومبروك المنزل الجديد وهذا هو الصواب اذا كان لاسرتك

تعمل شيك مصدق بباقي المبلغ بقيمة 5 دنانير وتسلم البائع الشيك بعد التوثيق على الوثيقة وقرائتها امام الموثق واحرص على قرائت الوثيقة تجنبا لاي خطأ لا سمح الله في الاسم او الرقم المدني او غيره وشكرا
الاخ طيران كلامك عدل ميه في الميه ولكنى شرحته بصوره ادق وشكرا
اخوكم بومزيد

 

[haddaq8]

أخوي من تجربتي:

1. عقد البيع تذكر فيه خطوات تسليم المبلغ و التسجيل (كالمذكورة اهني بس بشكل رسمي)
2. عند توقيع العقد تسلم عربون (اذكر بالعقد إنه عربون ، مو دفعة أولى) ، مثال 10 آلاف
3. يسلم باقي المبلغ كشيق مصدق عند التسجيل العقاري و بالتحديد عند المرحلة الأخيرة من التوثيق عند الموثق بالعدل (أهم عارفين شغلهم اهناك ، فلما توصل معاملتك عند الموثق لتوقيع الوثيقة الجديدة ، اهني تنق الشيك ، بس صوره صورتين قبل و خل البائع يوقع لك على الصورة إنه استلم الشيك)
4. اذكر بند ورقة تعهد بنك التسليف متى تطلعها و متى تسلمها (مدة المهلة ) و شنو يصير اذا رفض بنك التسليف! هذا مهم ، يرد العربون و لا شلون؟؟؟ انت فاوضهم على هذا البند و اضمن حقك ، لان التسليف راح يطلب العقد و الكثير من الأوراق منها ما يملكه البائع (الوثيقة القديمة و ورقة من البلدية اعتقد) ، و حتى بنيان البيت لازم يطابق شروط التسليف و هذا بند مهم

دقق على الوثيقة قبل لا يوقع الموثق


طبعا في شروط كثيرة لازم تراعيها في عقد البيع ، أنصحك تروح حق محامي و تراجع معاه العقد قبل التوقيع أو دفع أي عربون و ذلك لتعديله (ياخذون 50 دينار استشارة أو اببلاش اذا تعرف احد)

 

[Math-Man]

هذا العشم فيكم

بارك الله فيكم ، والله ينورها عليكم مثل ما نورتوني ،، وهذا العشم فيكم والله.

اخوي القصاص الله يبارك فيك ، ياخوي ملينا من النطرة لي متى عاد ، الله يعوض علينا اذا خذيناه بالغالي ، على قولتهم "الاولي لاعب والتالي تاعب" ، والحمدلله على كل حال.

ومشكورين ياجماعة .

 

[tariq11]

مبرووك... الله يبارك لك بالمنزل
وتملئه صلاه وذكر وعباده....

 

[bo_dana]

عن كاتب العدل شيك مصدق

 

[القصاص 2]

بارك الله فيكم ، والله ينورها عليكم مثل ما نورتوني ،، وهذا العشم فيكم والله.

اخوي القصاص الله يبارك فيك ، ياخوي ملينا من النطرة لي متى عاد ، الله يعوض علينا اذا خذيناه بالغالي ، على قولتهم "الاولي لاعب والتالي تاعب" ، والحمدلله على كل حال.

ومشكورين ياجماعة .

السلام عليكم ورحمة الله وبركاتة

مبروك ان شاء الله مره اخري

لا يا خوي انت غلطان بهذه الكلمة تقول يمكن شريت بغالى اذا البيت لعيالك وللسكن لو يصير بالف دينار او بمليون دينار هل سوف تبيع وتسكن اعيالك بالشارع طبعا لا يا خوي انت خطيت خطوة زينه وما يخطيها اى واحد وهذا بيت العمر يعنى بتعيش كم مره قل الحمدالله رب العالمين الف مره والله يبارك لك ان شاء الله

وكلامك سليم الاولي لاعب والتالى تاعب
انه عن نفسي كانت قدامي ارضي شرق القرين بسبعين الف والتردد وسمع كلام الناس عديمين الخبره والجهلاء بالامور العقارية هو اللى جعلني ادفع فوق السبعين الف اكثر من خمسه واربعين الف الحمدالله على كل حال وهذا البيت ان شاء الله حق هالبزارين ولا اقطهم على الحدود وشكرا

الله يبعد عنك العين والحساد وتحصن بذكر الله دوم



اخوك بو مزيد ​

 

[haddaq8]

وأنا بعد سمعت كلام اللي قالوا انطر لا تستعيل و كانت الأراضي في شرق القرين على 76 الف شارع واحد و العقيلة على 100 الف ، نطرت و بعدين شريت على أغلى بوايد! على العموم شنسوي هذي الدنيا فرص و الله يعوض