استشارة !!

[العوشز]

ارض في شمال غرب الصليبخات مساحة 400 متر وشارع واحد اول مدخل المنطقة 42 الف وهي مضمونة لانها من نسيبي (يعني ثقة ) لا محامي وكلمة ثقة هل تستاهل ولا لا؟ لاني سالت وقالوا ان اراضي شمال غرب صليبخات ارتفع سعرها لانها قربت تتوزع في 2011 ؟


ناطر رايكم ومشكووووووووورين

 

[Q8ti]

أهم شي إنه النسيب وشي مضمون

بس لو تقوله يطيح لك ال 2 ألفين دينار ويخليها 40 ألف صافي

ممكن راح تزيد الأسعار مع توزيع القسايم بس هم حط بالك إن في توزيعات كثيرة جايه بالطريق مدينة صباح ومدينة جابر والقيروان بالإضافة إلى المدن الجديدة.

بس اللي راح يدفع سعر البدل أكيد لازم يكون راغب في المنطقة أو إنه ما يبي ينتظر الدور.

وموفق خير وكلم النسيب علشان السعر...

 

[سعد فهد]

شمال غرب الصليبخات السد اسعارها من 30 الى 40 الف حسب قربها من الخدمات والجهه يعني اذا غرب اقل واذا شرق اكثرـــــــ اذا دورك مطول وانت راغب المنطقه اخذ ـ بس ترا مو صافطلك نسيبك هذا سعر السوق الحين والا زايد بعد شوي....... على العموم موفق انشاءالله والمثل ايقول ماعلى الراضي خساره.

 

[صقر3]

غاليه حيييييييييييل سعر نسيبك عند المكاتب من 27 الف الي 30 الف وعلي طلب 99 او 98 اما اذا طلب 93 او 94 طبعن تكون ارخص والله يوفقك ​