فيزا انترنت الوطني والشراء بالانترنت

[mash3an]

ياجماعه قبل شوي طلبت من هالموقع جهاز http://www.tekdragon.com

بسعر 830.40 دولار ...

كان بالفيزا تقريبا 246 دينار وكسور


بعد ماحطيت الاوردر مباشره جيكت ولا ساحبين 246 بالضبط " اذا ماكان اكثر " ؟؟


ولما حسبتها طلع المفروض اقل من 240

السؤال ياترى هالزياده هي فائده للبنك ؟؟

علما باني طلبت اسعار العملات بالفاكس من البنك نفسه علشان اتاكد شكيت بنفسي ... وهذي صوره من الفاكس

 

[fah00d]

انا احيانا لما استخدم بطاقة السحب خارج الكويت يتم خصم مبلغ أكبر من سعر الصرف .. ولكن يتم استرجاع الفرق بعد أيام .. ممكن نفس الشي سوف يتم استرجاع مبلغ الزيادة بس تأكد من البنك أفضل.

بنكي! الوطني :d

 

[schizophrenia]

ازيدك من الشعر بيت

اشترى برامج من ال Apple store
حق الايفون سعر البرنامج 99 سنت
يعني دولار يعني اقل من 300 فلس

الخصم 1 دينار كويتي

يعني الفائدة اكثر من سعر البرنامج مرتين

 

[mash3an]

كلمتهم قالو مو مننا اكيد من الموقع .؟؟

الموقع مضمون ماعتقد ياخذ هالزياده حيروني صراحه

 

[BARKAWI]

غالبا المشتريات بالعملة الصعبة من خلال الإنترنت باستخدام الفيزا يتم أخذ عمولة عليها

طبعا لاحظت هالشي باستمرار بس ما أدري على أي أساس يتم احتسابها !!!

 

[العملاق]

كلمتهم قالو مو مننا اكيد من الموقع .؟؟

الموقع مضمون ماعتقد ياخذ هالزياده حيروني صراحه

من مشاكل الوطنى اللي صارت معاي
حيث خصم مبلغ مني من قبل شركه في دبي بدون اي امر منى او توقيع
و رفض البنك الوطني التحقيق في الامر

قمت و سكرت حسابي في الوطنى و الغيت كل الكروت
وفتحت حساب في التمويل والصراحه الخدمه افضل بالف مره

 

[mash3an]

العمله الصعبه << مافهمتها هذي :s


لو فرضا خليت بالفيزا الحساب بالضبط .. او زياده دينار بس .. شنو راح يصير يعني مااقدر اقدم الطلب ؟؟ ولا عادي اقدر اقدم الطلب والبنك ياكل هوى

 

[mash3an]

من مشاكل الوطنى اللي صارت معاي
حيث خصم مبلغ مني من قبل شركه في دبي بدون اي امر منى او توقيع
و رفض البنك الوطني التحقيق في الامر

قمت و سكرت حسابي في الوطنى و الغيت كل الكروت
وفتحت حساب في التمويل والصراحه الخدمه افضل بالف مره

ممكن تقولي بكم شريت وشنو المبلغ الي خذوه بالضبط علشان اعرف شكثر النسبه المئويه من فايدتهم ؟؟

 

[mash3an]

المصيبه لما فتحت الحساب سألتهم عن الفوائد قآلو مافيها اي رسوم يعني جذب عيني عينك

 

[kuwwait]

يمكن اجور الشحن ..تأكد

 

[mash3an]

يمكن اجور الشحن ..تأكد

هذي صوره من تفاصيل الطلب بالموقع

مثل ماهو مبين 830.4 $ شامل الشحن

 

[mash3an]

بالضبط نفس ماحسبتها


اتصلت مره ثانيه وعرفت ان الفايده عليها 2.5% على فرق العمله ....

 

[Packard Bell]

ماخذين منك بالضبط 2.5% فوق سعر الصرف الاعتيادي وهو 0.2892 وهي تعادل فائدة السحب النقدي الربع سنوية من الفيزا ، وأساس المشكلة أن في بعض المواقع يعاملها البنك كأنها نقطة سحب نقدي وليس شراء لسلعة، والسحب النقدي من الفيزا عليه رسوم اضافية فيفاجئ الجميع أنه هناك رسوم غير سعر الصرف السائد وقت اجراء المعاملة. والسبب أن في أشخاص كانوا بالسابق يتعمدون الالتفاف على رسوم السحب النقدي من الفيزا عن طريق شراء سلع من نقط بيع لهم معرفة معها أي كانت العملة ومن ثم استبدالها فوريا بكاش من نفس الموقع، وأيضا بسبب قوانين سائدة في الولايات المتحدة وبعض الدول الأجنبية حيث أن المراكز التجارية تعطي العميل الحق بارجاع السلعة ودفع قيمتها كاملة خلال 30 يوم من تاريخ الشراء وبدون أي سؤال، وكثير من الناس استغلوا هذه الثغرة في تكييش رصيد بطاقاتهم الإئتمانية، فيشتري شي ويرجعه ثاني يوم وياخذ الكاش. ​

 

[Goldy]

يتم حسبه فرق العمله علي دوله الموقع وليس البنك

 

[معلم اسهم]

خلك على بيت التمويل
بطاقة الخير نفس الفيزا
بس انت تعبيها بالمبلغ الى تبيه
ورسوم سنويه 10 دنانير
واول سنه بخمس دنانير

 

[mash3an]

تعددت الاسباب والنصب واحد :d

 

[Stocks Observer]

خلك على بيت التمويل
بطاقة الخير نفس الفيزا
بس انت تعبيها بالمبلغ الى تبيه
ورسوم سنويه 10 دنانير
واول سنه بخمس دنانير

الرسوم من شركة فيزا العالميه ، بيت التمويل أو غيره ، البنك ماله شغل ، أي شراء بعمله غير العمله المحليه فيزا راح تاخذ عموله 2.5٪ على كل عمليه بغض النظر عن الرسوم السنويه من البنك المحلي وبغض النظر عن سعر الصرف اللي عن طريق البنك المحلي.
على قولتهم زي المنشار طالع واكل و نازل واكل ....

 

[أيام المناخ]

2.5 % فائدة على قيمة المشتروات ... افضل وسيلة دفع للمشتروات ذات المبالغ الكبيرة هي بتحويل الاموال عن طريق وستون يونيون .​