بســافر بس مو عارف وين .. حياااااكم

[شبابي]

السلام عليكم

يعطيييكم العافيه ..

ناوي اسافر ان شاء الله بأول اسبوع من شهر 10 انا مع الاهل وبروحنا ، ومحتار بالمكان الي بروحله

وعندي اجازة تقريبا اسبوع والميزانية مريحتني شوي بس بقطها على شي يسوا
بغيت مكان اقدر اروح فيه ارتاح واسترخي لان الصيف كنت مضغوط فيه شوي

أبي إقتراحاتكم المجربة سواء لدول الخليج او شرق أسيا أو أوربا (جوها بارد بس ما يمنع اذا في شي حلو ) ..


رايكم شباب

 

[FreeTrader]

تبي مكان بارد عندك اوربا وبالتحديد النمسا او سويسرا بس وخر عن جنيف
تقدر تاجر في الارياف بكون المكان جدا هاديء للاسترخاء والتمتع بالطبيعه وتاجرلك سياره حق المشاوير الحلوه من بحيرات وجبال وغيره ..

 

[شبابي]

تبي مكان بارد عندك اوربا وبالتحديد النمسا او سويسرا بس وخر عن جنيف
تقدر تاجر في الارياف بكون المكان جدا هاديء للاسترخاء والتمتع بالطبيعه وتاجرلك سياره حق المشاوير الحلوه من بحيرات وجبال وغيره ..

هلا بالغالي ..

بس اوروبا جوها بارد الحين ،، تابع درجات الحرارة وراح تشوف شي هذا بنفسك .. ما ودك تسافر أخر شي كله امطار وبرد وتصير القعده كلها بالفندق

اذا في أماكن بأوربا جو معتدل يا ليت ..

 

[ما شاء الله]

ماليزيا
تركيا

 

[فارس الكويت]

ماليزيا
كولامبور - بنيانج - لنكاوي

 

[شبابي]

يعطييكم العافيه شباب ..


منو ينصحني بتركيا ؟

وشنو مميزاتها ؟​

 

[G900]

الجونه بمصر
sheraton miramar

 

[سـامبـا]

ماليزيا

 

[Balloons Shop]

تركيا
وأقصد أنطاليا للهدوء حبتين

لكن أتوقعك سافرت

 

[شبابي]

يعطييكم العافيه ..

تركيا
وأقصد أنطاليا للهدوء حبتين

لكن أتوقعك سافرت

ان شاء الله اول شهر 11 .. وناوي على تركيا ان شاء الله .. بس متخوف من البرد

 

[eng-no1]

اذا معاك عيالك نصيحه لا تروح لان الجو وايد بارد..
و إذا تبي تروح دوله معينه راسلني عالخاص و اعطيك اسعار خياليه لاي دوله تبي تروحلها..
و انا انصح اذا بتروح اسبوع او اسبوعين انصحك في برشلونة ماتكلفك 2500 دينار ..
وبالتوفيق يارب

 

[شبابي]

اذا معاك عيالك نصيحه لا تروح لان الجو وايد بارد..
و إذا تبي تروح دوله معينه راسلني عالخاص و اعطيك اسعار خياليه لاي دوله تبي تروحلها..
و انا انصح اذا بتروح اسبوع او اسبوعين انصحك في برشلونة ماتكلفك 2500 دينار ..
وبالتوفيق يارب

لا انا وزوجتي بس ..

بيني وبينك فكرت باسبانيا بس شكلها مكلفة شوي ..

 

[eng-no1]

بالعكس اذا انت و زوجتك احلا و احلا لانكم خفاف و ماتحاتون شي..
و بخصوص انها مكلفه بالعكس الوقت إلي انت تبي تروحله مو وقت سفر و الاسعار كلها نازله و انصحك في مدينة برشلونة بفندق الماجستيك 10 ايام صدقني 2000 دينار تشمل الاقامة + الطيران + مصروفك

 

[المغامر_1986]

وجهه نظري الشخصية دامك بتروح 10 ايام وديره بارده ومع زوجتك انصحك باوربا بشكل عام وماكو االبرد اللي ببالك انا كنت رايح لندن بشهر 1 من جم سنه وكانت درجه الحراره 5

يعني الحين جم درجه الحراره يمكن 14 لاوربا بالمتوسط روح المانيا ولا التشيك وبتستانس واذا ميزانتك راهيه حيل روح النمسا او سويسرا

واذا مارحت لندن او باريس او روما من قبل .................روح

وبالتوفيق

 

[بوخمسين]

يعطييكم العافيه ..





ان شاء الله اول شهر 11 .. وناوي على تركيا ان شاء الله .. بس متخوف من البرد

أبشرك بالغلا والحرامية

أنصحك لاتروح ولاتفكر فيها للأبد

 

[kwaity1978]

حبيبي خلك من اوربا بتقط بهل الاسبوع 1500 الى 2500 = تستاهل اذا محب للطبيعه والهدو ء
تبي نصيحة اخو روح دوله اسيويه
ماليزيا انا مارحت لها لكن اخوي راح لها وينصح فيها
عندك كروز بحري يعني سفينه تفتر فيك بالبحر كل يوم بمكان ينصح فيها واحد من الربع
تايلند رحلات واستجمام ورخيصه ارخص من اوربا وشعب سياحي
الصين اذا بتمشي وتشتري بتحفي اريولك اصغر سوق عندهم متخصص يعني مثلا سوق بس اجناط او اكترونيات كبر المرينا خخخ


نصيحه شكلك تبي الراحه والسعر الزين
الاهل يبون دايما سوق انحش عن السوق لووول بتقط 3000 ورا السوق
روح استجمام وراحه

خذ هل الرحله من عندي
1- تايلند 4 ايام بوكيت (( احجز فنادق بوتنق بيش )) اي فندق حلو تقدر تحجز من المطار عند ماما نوسه اذا بالنهار يصيرون ارخاص المكاتب (( احسن )) بالليل يزيدون الاسعار تروح تحجز من الفندق ارخص لك او احجز ليله من المكتب واذا عاجبك السعر اتصل عليه جدد معاه وممكن تفتر تشوف الفنادق ما تدبس احلى الفنادق تلاقيهم الي جراب من البحر بس تظاكد ان بوتنق بيش





اول يوم روح سايمن شو
ثاني يوم رحلة استجمام الى جيمس بوند وكاسر بسعر التذاكر
ثالث يوم روح الصبح تمشى على البحر واقعد بستار بكس واكتشف المنطقه مع فوت مساج وبالليل فانتزي ورلد
رابع يوم اخذ المدام وروح كرستال مجمع كبير و فيه سبا محترم وسينما خذلك مساج بالسبا لمده 4 ساعات بثلاثين كويتي

في اماكن ببوكت ما انصح العائلات فيها مثل بنقولا رود شارع بانقولا وهذا كله كازنوهات لكن اهوا الوحيد الي يفتح بعد 10 مساء وعندك مجمع كرستال بعيد شوي تاخذ باص من الفندق او تكسي و عندك بالبتونق بيش مجمع كبر المرينا حلو حق التمشي

اقعد يومين ببانكوك روح مجمع توكيو(( ام بي كي )) و شارع الليل ولاتشتري شي صايرين غالين على الطل بس تطمش تبي تشتري روح منطقه فندق قريس اهناك ارخص كل شي

بعدين اذا تبي اما تروح ماليزا او استراليا خخخ على كيفك

اي استفسار اتصل علي 99956662 بويوسف وانا من عنوني الثنتين واي شخص ييبي شي من المنتدى حاضرين

 

[الـــحسيني]

رح مكه المكرمه

 

[بو بـدر]

اوروبا بهذا الوقت ما انصحك فيها الجو بارد جداً وامطار وماراح تستمتع بالجو لان اهلها اصلا تحصلهم في اسيا

وللعلم هذا الوقت من السنة يعتبر الهاي سيزن في اسيا لان الاجانب ينكبون فيها منحاشين من البرد الي في بلدانهم

 

[شبابي]

السلام عليكم

تقبل الله طاعتكم وكل عام وانتم بخير ..

الحمد الله سافرت ورجعت .. ولله الحمد توفقت بسفرتي وغيرت جو

رحت اوروبا وبالتحديد اسبانيا واضطريت اني اروح امستردام قعت فيها 3 لليالي (ولا أحلى) لان عندي ترانزيت فيها ..

صح كلفتي السفرة المبلغ الفلاني بس اشوفه يسوى .. كان الجو بارد بس مقبول ، تقدر تطلع وتمشى وتتونس

وبالنهاية أشكر كل من شارك وساهم في رايه ومشكورين وما قصرتوا ..