البريد الامريكي و سالفتي

[حـمـد]

قوه

بإختصار يا اصدقائي موضوعي اني امتحنت امتحان التوفل شهر 5
النتيجة دزوها على بريدي وشيكت وماوصل شي

شهر 7 قلتلهم ماوصل شي قالو احنا آسفين بندزلك نتيجه اضافية مجانا
وتوصل شهر 8 لك..

والحين شهر 9 وماوصل شي . بلغتهم وقالوا احنا دازين لك شهر 5 ودازين لك شهر 7 بعد..احنا متأكدين شهر 5 دازين بس سبحان الله علشان نخلي مسؤوليتنا ندز مره ثانيه..

قلت بلا هالكلام الفاضي دزولي بواسطة الفدكس او الدي اش ال وانا اتحمل المصاريف. قالوا آسفين احنا مانتعامل الا مع البريد الامريكي!!

بما ان ماوصلك شي لا تتأمل ان راح يوصلك شي عيل اكيد المشكله من بريدكم الخرطي اللي بالكويت.


قالوا ننصحك ان تشوف احد بامريكا ندز له النتيجة وعقبها اهوا يدزها لك بالفدكس ...

قلت ماشي...


بصراحه مادري للحين مادري شسوي ماعرف احد هناك

لو تقدرون تساعدوني...مافي شركات تسوي مثل هالخدمات بأمريكا؟
كلها ورقه وحده وحايس فيها حووس


فيدوني جزاكم الله خير



حـمـد

 

[بوعلي الشمري]

اخوي شوف الاخوان اللي يجيبون سيارات من امريكا بقسم السيارات مثل بوعلي وفيه اكثر من واحد

 

[سرور]

فيه طريقة بسيطة وسهلة وماتكلف شي يرسلون نسخة على ايميلك

الى أن تحصل واحد ييب لك النتيجة .. بس مش حالك الحين

 

[حـمـد]

مشكورين بو علي وسرور

المشكله مو بالنتيجة..النتيجة اعرفها لكن احتاج النسخة الموقعه منهم اللي تثبت النتيجه لازم هالنسخة.

والمشكله ما يدزون الا بواسطة البريد الامريكي
و لا يتعاملون لا مع الفيدكس او الدي اتش ال وباجي الشركات الخاصه

ولا الايميل يمشي عندهم


عيدكم مبارك وان شاء الله الاقي لها حل

مشكورين مره ثانية

 

[سرور]

فيه طريقة ثانية غير العنوان وخله على صندوق البريد


وكل عام وانت بخير

 

[حـمـد]

العنوان على صندوق البريد
المرتين اللي دزو فيها دزو على صندوق البريد

 

[abdullah6868]

مشكور اخوى ابو على الشمرى على التزكية
انا حاضر للاخوان
========================
طال عمرك تلقى رسالتك موجودة فى بريد كيفان
بس اخذ رقم الشحنة من المرسل وراح تلقى الرسالة ان شاء اللة
اذا مالقيتها
دز رسالتك على عنوان مكتبى بامريكا
اذكر اسمى على الرسالة ( abdullah alhajeri )
m - abdullah alhajeri

american international shipping, llc
8201 la porte fwy suite 300a
houston,tx 77012
tel: 713-923-5111
fax: 713-923-5222
cel: 713-894-2402
اذا اوصلتنى راح اوصلك رسالتك ان شاء الله

 

[حـمـد]

جزاك الله خير بوعلي

فعلا قالولي الاخوان ان ممكن احصل الاوراق بسنترال كيفان وان شاء الله عقب العيد بشوف الموضوع

الله يعطيك العافية ومشكور على المساعده لا خلا ولا عدم

مشكورين يالربع

 

[away1979]

الله يوفقك إن شاءالله​

 

[My LoVe]

البريد الكويتي ماكو مثله خاصة برد لولي وبرد بو ذهب اخييييييه

 

[abatchy007]

يعطيه العافيه بوعلي على هالخدمة والله يعطيك على قد نيتك يا النشمي


اخوي نصيحة افتحلك حساب بارامكس وراح يكون عندك عنوان في بريطانيا وعنوان في امريكا وتقدر تخليهم يشحنونه على عنوانك في امريكا ويوصل لك الكويت وسلامة عمرك وراح تستفيد من الحساب بالشراء عن طريق الانترنت بعدين يعني عصفورين بحجر

 

[الاحمـد]

ما شاء لله عليك بوعلي
كفيت ووفيت

 

[abdullah6868]

ان حاضر لاخوانى اى خدمة وهذا ما يكلفنى شى
الله يرحم والديكم

 

[الصدق منجاة]

كفوا يابوعلي والله مو غريبه عليك

وبعد اذنك يابوعلي انا بعد بحطلك بريدي لحمد علي الخاص لانه يستقبل من اي شخص مجاني علي الارامكس واي شي يجيك لو بالغلط تدفع حسابه عشان جذي ابي ادزه لحمد علي الخاص