«الزراعة»: سنسحب الجواخير المخالفة من أصحابها بعد العيد

[محمد الحبشي]

ما ندري شنو قول ؟! هل القرار في محله او غير محلة ؟ في ناس للأسف حولت الجواخير من مرتع للفساد و المخدرات و الدعارة الله يكفيني و يكفيكم شرها اللهم امين .. ​

و في ناس بدال لا تربي مواشي قامت تربي اجلاب كرمكم الله و حمام و في ناس حولو الجواخير الي صناعيات للمنيويوم و محلات حداده و نجارة و مخازن ..

و في ناس الي ودي اعرف شنو ذنبهم و اشترو جواخير بالالف لتكون متنزه حق اسرهم !!! هذول اشلون هل الهيئة راح تردلهم الفلوس و تعوضهم او هل راح تنذرهم قبل تطبيق القرار او شنو ودي احد يجاوبني ؟؟؟؟؟؟؟؟
انا لو صاحب جاخور و الله ابيع الوضع في البلد ما يطمن كل يوم قرار و اتوقع مثل ما ازالو الدواويين راح يدورون على الجواخير و عقب الجواخير شكلها المزارع و عقبها الشاليهات و العلم عند الله ..

الخبر هنا في جريدة الرأي العام الكويتية في هذا الرابط
http://www.alraimedia.com/alrai/Article.aspx?id=225476&date=08092010​

 

[الذهبي4]

أقــــــــــــــول يالحبيب جايب لنــــا كـــلام جرايـــد لا وبعد جريدة الرآي البايخـــة

أنا صــراحــــــــة جريدة الرآي والوطــــــــن عنــدي صاروااا مصداقيتهم صفر أو تحت الصفــر


بس سوالف جرايـــــد وطايريـــن تبينـــا انبيـــــع علشان خبر بجريدة منحطة

وعلشـــان انت ومكاتب العقـــار اللي مثلــك يشتغلــــون الظاهـــر قــاعــدين اتكشــــــــون ذبــان ,,,,

 

[محمد الحبشي]

أقــــــــــــــول يالحبيب جايب لنــــا كـــلام جرايـــد لا وبعد جريدة الرآي البايخـــة

أنا صــراحــــــــة جريدة الرآي والوطــــــــن عنــدي صاروااا مصداقيتهم صفر أو تحت الصفــر


بس سوالف جرايـــــد وطايريـــن تبينـــا انبيـــــع علشان خبر بجريدة منحطة

وعلشـــان انت ومكاتب العقـــار اللي مثلــك يشتغلــــون الظاهـــر قــاعــدين اتكشــــــــون ذبــان ,,,,

مشكور على كلامك و طريقة اسلوبك و هذا اذا دل يدل على اصلك و تربيتك ... ياخوي انا قريت الموضوع في الجريده و حطيته يعني انا مو مالك الجريده او الصحفي ناشر الخبر ؟! انا لو ماعندي مصداقية جان ما حطيت الرابط و دائما احط اخبار عقارية عن السكني و الاستثماري و التجاري و المزارع مو بس الجواخير و اذا مو مصدق دش و شوف مشاركاتي ...
و ثاني شي الرزق على الله مو عليك و لا على ابن ادم و لو ان الرزق على ابن ادم جان انقطع الرزق من زمان من كثر الحسد ؟!

 

[I T C]

الدوله وزعتها جواخير لتربية الماشيه لتنظيم وراحة مربي الاغنام...

العالم قلبوها مصانع ومنتزهات وحاجات غلط × غلط

خلهم يسحبونها ويوزعونها على الناس اللي مطشره حلالها بالبران..

 

[محمد الحبشي]

الدوله وزعتها جواخير لتربية الماشيه لتنظيم وراحة مربي الاغنام...

العالم قلبوها مصانع ومنتزهات وحاجات غلط × غلط

خلهم يسحبونها ويوزعونها على الناس اللي مطشره حلالها بالبران..

اويد فكرتك و كلامك طيب و المفروض ان الدوله تهتهم في تربية المواشي بعد ما وصل سعر الخروف العربي من 80 الي 120 دينار !!!

 

[الذهبي4]

يامعود هالخبر. مو. صحيح. ولا تصدق الجرائد. ياما. قالوا خرابيط. ولاصارت

 

[الذهبي4]

علي العموم التربية مالها علاقة في نقاشنا. ولابد اذا حطيت موضوع تتحمل النقاش والجدال. وكلامي قابل للصواب. لأنكم يامكاتب العقارات
لكم مصالح في نشر هذه الاشاعه بين الناس لأغراض حركة البيع في السوق العقاري
وعلي العموم لابد تتقبل اراء الجميع

ولابد. ان تعلم ان الصحافة بالكويت وخصوصا بعض الجرائد. مايستدل بها وليست لها مصداقية

وتقبل تحياتي يالحبشي.

 

[الذهبي4]

الدوله وزعتها جواخير لتربية الماشيه لتنظيم وراحة مربي الاغنام...

العالم قلبوها مصانع ومنتزهات وحاجات غلط × غلط

خلهم يسحبونها ويوزعونها على الناس اللي مطشره حلالها بالبران..

اخوي انت تبي الدنيا كلها ملائكة او. شنو. بالضبط.

أتصدق لو. يعطونك جاخور اتخليه متنزة لعيالك ولا انت شريف راح اتحط حلالك وبس. ودي اصدق *

 

[فوجر]

اذكروا الله يذكركم
لااله الا الله محمد رسول الله

 

[بومحمد 2004]

يا جماعة أكثر المخالفات موجودة فى الهجن مثل التأجير على المخازن والألمنيوم والأسترحات
وكل عام وأنتم بخير وعيدكم مبارك.

 

[بومحمـد]

جزاك الله خير عالتنبيه اخوي محمد

بالمناسبه اذا في عندك بيت حكومي بالعيون او النسيم او النعيم سد و على وضعه يا ليت تبلغنا

 

[محمد الحبشي]

علي العموم التربية مالها علاقة في نقاشنا. ولابد اذا حطيت موضوع تتحمل النقاش والجدال. وكلامي قابل للصواب. لأنكم يامكاتب العقارات
لكم مصالح في نشر هذه الاشاعه بين الناس لأغراض حركة البيع في السوق العقاري
وعلي العموم لابد تتقبل اراء الجميع

ولابد. ان تعلم ان الصحافة بالكويت وخصوصا بعض الجرائد. مايستدل بها وليست لها مصداقية

وتقبل تحياتي يالحبشي.

يا اخي الكريم اول شي اقولك تقبل الله طاعتك و عيدك مبارك مقدما

ثاني شي انا انسان اؤمن بالدمقراطية و حرية الرأي بشرط إن تكون مبنية على الاحترام و التقدير و الاسلوب الطيب .... يعني ما يجوز تطعن في ذمم الناس و تقول عشان نشتغل احنا يالمكاتب العقارية بفضل الله احنا نشتغل و مو ملحقين من كثر الشغل و الجواخير اخر همنا ..... و ثالث شي مو تجرح فيني و تقول تكشون ذبان !!! في اسلوب و طريقة حوار ارقى من جذيه و ارقى من هل الكلمة هذه ....و بعدين هل تتجرأ تقول حق ابوك او اخوك الكبير او احد من زملائك في الدوانية تكش ذبان و ماعندكم شغل او تطعن في ذمم الناس و ما يعلم الغيب الا الله اذا كنا نشتغل او لا ....؟؟؟؟؟؟؟؟؟؟؟؟؟!!!!!!!!!!!!!!

اذا انت متعود تقول هل الكلمه و متعود انك تشكك في ذمم الناس معناتها ما راح ارد عليك .... اما اذا انت قلت كنوع من الاستهزاء فأنا ما راح ارد عليك بعد هل الحوار ... ما اقول غير الله يسامحك ... و امري و حسابك عند الله عز و جل ...

(((( بعدين الخبر تم نقله عن طريق الجريدة مو من عندي او من مصادري الخاصة و انا قريت الخبر و حطيته في المنتدى و ابديت رأيي و لكل شخص حرية ابداء الراي على الموضوع و على كلامي بس من غير اي تجريح او استهزاء ... و انا انسان لو ما اثق في نفسي و في ما اقول جان ما حطيت اسمي و رقم تلفوني تحت ))))​

و الله يهديني و يهديك انشالله و يهدي كل مسلم .....

 

[محمد الحبشي]

جزاك الله خير عالتنبيه اخوي محمد

بالمناسبه اذا في عندك بيت حكومي بالعيون او النسيم او النعيم سد و على وضعه يا ليت تبلغنا

عندي بيوت في الجهره القديمة و القصر اذا حاب ...

على العموم الرجاء ارسال رقمك على الخاص او على رقم موبايلي 66151144

و شكرا

 

[I T C]

اخوي انت تبي الدنيا كلها ملائكة او. شنو. بالضبط.

أتصدق لو. يعطونك جاخور اتخليه متنزة لعيالك ولا انت شريف راح اتحط حلالك وبس. ودي اصدق *

ايه نعم احط فيه حلالي وبنفس الوقت منتزه المهم اني اخذ شي استحقه.

واذا ما استعملته للغرض اللي توزع عشانه خلهم يسحبونه وما ازعل..

 

[بوماجد المطيري]

قبل سنتين نفس الشي صار أعلنوا عن جواخير مسحوبه وأنصدمت لما شفت رقم جاخوري وياهم وبعد ماراجعتهم جددولي بسهوله ولاكأنهم أعلنوا ولاشي

هذا تهويش متعودينه من الهيئه وصدقوني ماكو ألا سلامات

 

[بومحمـد]

قبل سنتين نفس الشي صار أعلنوا عن جواخير مسحوبه وأنصدمت لما شفت رقم جاخوري وياهم وبعد ماراجعتهم جددولي بسهوله ولاكأنهم أعلنوا ولاشي

هذا تهويش متعودينه من الهيئه وصدقوني ماكو ألا سلامات

ان شاء الله يابو ماجد

بصراحه ولد عمي عنده اصطبل بالجهرا حق أهلهم مسوي فيه حوض سباحه و مضبطه و خسران فيه
معقوله بيسحبونه منه

و فيه بعض الاصطبلات دواوين لبعض شباب الجهرا متحاططين فيها و خسرانين

و الأدهى و الأمر في مساكين بدون الله يكون بعونهم ساكنين بعض الإصطبلات معقوله بيطلعونهم منها

 

[بومحمـد]

مافي سحب بالذات اذا كان متنزه للعوائل
كالعاده ما يقدرون
في إنذارات بس

مطلوب شراء إصطبل أرض أو مبنى موقع على الشارع المدخل
بسعر معقول