خصوص العلاج بلندن ابي مساعدتكم

[ابو عيسى]

السلام عليكم

اخواني بارك الله فيكم ابي منكم جم خدمه

انا بروح اودي الوالده علاج في لندن على نفقه وزارة الداخليه

وباخذ وياي بنتي بعالجها على نفقتي الخاصه

وصلت الموافقه لندن وحاليا يتم حجز موعد مع المستشفى

قبل كل شي جم تتوقعون اجار الشقق هناك بشهر 9 عسى مو غالي ابي غرفتين وصاله

والتشخيص الكامل جم يكلف ؟ للبنت تتوقعون

ابي شي مناسب وتعرفون الديره شلون وعلاج بنتي على حسابي راح يكلف علي ويمكن ما اكمله بعد الله يستر


فيدوني الله بارك فيكم​

والعذر والسموحه من الاعضاء لنقل الموضوع من قسم السفر لعدم الاجابه

 

[بو شيشه]

الله يشافيهم ويرجعون بالسلامه ان شاء الله
فيدوه جزاكم الله خير

 

[العاشق]

اولا عسى ربي يشافي الوالده ويطول بعمرها

ويشافي بنتك ويحفظها بحفظه

بالنسبه لعلاج البنت غالي صراحتا

وحسب نوع المرض والله فيه بعضها توصل 60 الف دينار واكثر بعد

مابي اضيق خلقك بس اذا تحتاج بيتي سكان وسيتي سكان

هذي النوعيه من الاشعه حيل غاليه عادي اربع الاف دينار يكلفون

والغرفه بالمستشفى حسب المستشفى من 300 الى 1400 باون باليوم

والدخول على الدكتور حسب درجته العلميه استشاري 300 باوند بالزياره



اخوي قبل لاتبدا بعلاج البنت روح المستشفى واخذ فكره عن الاسعار منهم مباشره

واعتقد ان لازم يطلبون تامين منك اذا مرض جايد 50000 الف باوند واذا قرب يخلص طلبو زود


واي استفسار انا حاظر واذا تبي ارقام ناس تساعدك هناك موجودين اكراد تعاملت معاهم خدومين وياخذون نصيبهم

الله يشافي مرضاك ويكون بعونك​

 

[بوعلي الشمري]

الله يشافي مرضاكم ومرضى العالم كلها..في واحد من الربع قبل شهر جاي من لندن لعلاج بنته علي حساب الداخليه ... اذا بتسأله اعطيك رقمه ... علي الخاص وماتشوفون شر

 

[انوفستي]

اول مره رحت لندن بحياتي هالصيف لعلاج الولد في مستشفى جريت ارمند واموري كلها سهاله والحمدلله انا رحت هالصيف السكن كان مشكله مافي مكان الكل فل فنادق شقق ماكو وغالي حيل بس توكلت على الله وبالجوجل دورت فنادق يم المستشفى وخذيت اساميهم ورحت عمارة الي خلف الكويتيه وحصلت فندق ثلات نجوم حجزنه من مكتب وارتحت فيه بس مده حجز الكويت خلصت ولازم تطلع ورحت واحد ثاني يمه طلع احسن منه وارخص واثناناتهم يم المستشفى ووفرت فلوس الباص الباصات معقده والاندر جراوند معقد
التكاسي نار من المطار الى لندن 40 دينار
والمشاوير الصغيره مو اقل من 20 دينار
انا قزرتها مشي الجو حلو وانا احب المشي
الاكل غالي جدا وعلى غير سنع
قولي اي مستشفى اقولك وين تسكن
اهم شي لازم تعرفه انك توخر عن شوارع العرب وشققهم لانهم انتهازيين وغاليين بالسكن وبعد ماتسكن يزيدون عليك الايجار
نصيحتي اسكن في فندق ثلاث نجوم احسن الريوق ببلاش عليهم وتنظيف الغرفه عليهم يوميا وفي مصبغه بالفندق وفيه سخان ماي الشاي والقهوه
ويحطون حليب وشاي وقهوه كل يوم بغرفتك ببلاش واامن مليون مره من الشقق ويردون فلوسك اذا بتطلع قبل ماتخلص فلوس الديبوزت اما الشقق فايجارها اسبوعي مقدم وذا راح يوم من الاسبوع وبتطلع راح الاسبوع كله واقل ستوديو ب 700 باوند بالاسبوع الحجي بالصيف اما الفندق الي سكنت فيه كان غرفه توين ومع سرير طفل 91 باوند مع الريوق والغرفه طلبنا منهم ثلاجه وعطونا ببلاش بس قولهم لما يسالونك ليش قولهم حق ادويه وبعدين اترسها اكل من الدكان
الموبايل دش اي بقاله واطلب كرت شركه اسمها ليبارا ارخص مكالمات للكويت اعتقد 10 او عشرين بنس بس بالدقيقه
الغداء طيح له شاورما لانها لان اللحم لذيذ هناك
ود وياك اكل وحليب للياهل اذا كان صغير وادول وتحاميل للحراره واشياء حق المغص لانها غاليه حيل
ولاتنسي الفيزا وتترسها فلوس ترى العلاج هناك اسعاره خياليه اكثر مما تتصور
واي سؤال انا حاضر

 

[khalid592]

التشخيص العادي (يعني زياره عاديه على الدكتور تكلف تقريبا 250 باوند)
يفضل اذا عندك اشعه او تحاليل دم توديها للدكتور عشان يشوفها .. عشان لا تضطر تسويها هناك لانه غاليه .. يعني ممكن تحليل دم 600 باوند .. واشعه عاديه اللي نسويها بلاش بالمستشفى هناك انا سويتها ب 200 باوند ..
هذي الاسعار التحاليل انا مسويها هناك .. طبعا العلاج حيل حيل غالي عندهم يعني لو واحد يروح على حسابه ..

انصحك تسوي كتاب علاج لبنتك بعد اذا كانت مريضه حيل ..

 

[ابو عيسى]

السلام عليكم

بارك الله فيكم

والاخوان الي قالوا اي سؤال راح اكمل اسألتي معاكم عالخاص

وماقصرتوا والله يكتب اللي فيه الخير

 

[العاشق]

السلام عليكم

بارك الله فيكم

والاخوان الي قالوا اي سؤال راح اكمل اسألتي معاكم عالخاص

وماقصرتوا والله يكتب اللي فيه الخير

حاظر وعلى امرك والله يكون بعونك​

 

[دنياء غريبه]

آسآل الله رب العرش العظيم ان يشافيهم

آسآل الله رب العرش العظيم ان يشافيهم

آسآل الله رب العرش العظيم ان يشافيهم

آسآل الله رب العرش العظيم ان يشافيهم

آسآل الله رب العرش العظيم ان يشافيهم ​

 

[قلم حر]

الله يشفي مرضاكم ومرضى المسلمين

اتمنى من الاخوان اللي راحوا لندن يذكرون انهم استفادوا من علاج

لندن وله ما استفادوا لانه ما شفت عندهم علاج وبالاول وبالتالي

الشافي الله والله يشفي مرضاكم ومرضى المسلمين​

 

[acton]

السلام عليكم

اخواني بارك الله فيكم ابي منكم جم خدمه

انا بروح اودي الوالده علاج في لندن على نفقه وزارة الداخليه

وباخذ وياي بنتي بعالجها على نفقتي الخاصه

وصلت الموافقه لندن وحاليا يتم حجز موعد مع المستشفى

قبل كل شي جم تتوقعون اجار الشقق هناك بشهر 9 عسى مو غالي ابي غرفتين وصاله

والتشخيص الكامل جم يكلف ؟ للبنت تتوقعون

ابي شي مناسب وتعرفون الديره شلون وعلاج بنتي على حسابي راح يكلف علي ويمكن ما اكمله بعد الله يستر


فيدوني الله بارك فيكم​

والعذر والسموحه من الاعضاء لنقل الموضوع من قسم السفر لعدم الاجابه

الله يشافي مرضاكم
اخوي بالنسبه لعلاج بنتك يعتمد على التشخيص اولا اذا كانت المريضه علاجها طويل المستشفى يطلب كفاله بنكيه او من السفاره او رصيد عالي عندهم بالنسبه للتشخيص عند دكتور عام تقريباب300باوند بالمستشفيات الخاصه اما العيادات الخاصه تكون ارخص
في طريقه اخرى علاج مجان وهو المستشفيات الحكوميه وفيها شروط وهو يعتمد على حالتها والبدايه تكون عن طريق الاسعاف
بالنسبه لاجار الشقق اعتقد من شهر سبتمبر تنزل الاسعار الى النصف واذا تبي ارخص ابتعد عن اجوررود
سامحني على المداخله انا بعيد عن لندن وماعندي فكره عن اسعار الشقق حاليا ​

 

[انوفستي]

الله يشفي مرضاكم ومرضى المسلمين

اتمنى من الاخوان اللي راحوا لندن يذكرون انهم استفادوا من علاج

لندن وله ما استفادوا لانه ما شفت عندهم علاج وبالاول وبالتالي

الشافي الله والله يشفي مرضاكم ومرضى المسلمين​

حسب الحاله المرضيه في امراض لها شفاء وفي امراض مالها شفاء بالكويت انت بشكل عام ماتعرف او بالاصح الدكاتره مايعرفون اذا كان المرض صعب او مايحب يجازف ويتورط
ولكن في لندن بالتشخيص الصحيح تعرف شنو فيك وشنو العلاج او اذا مافي علاج لاسمح الله

 

[jazah14247]

الله يشافي مرضاكم ومرضى المسلمين
انا عالج بنتي في لندن في مستشفى قريت ارموند هسبيتل
Great Ormond Street Hospital
عن مرضى اللوكيميا الله يبعده عنها وعن اخوانا المسلمين
العلاج كلفني تقريبا 40000 دينار لمدة ستة شهور ( الكورس الاول ثلاثة شهور والكورس الثاني ثلاثة شهور وبينهم راح في الكويت تقريبا شهر )
استشارة الاستشاري فقط 600 باوند ويمر عليك بالاسبوع مرة واذا طلبته العداد يشتغل بس هذا الاستشاري سالني انت على حسابك قلت له نعم قام يحسب كل زيارتين بزيارة الدكتور راقي جدا
وطريقتي هو اعمل لهم عدة شيكات مصدقة من البنك الوطني بقيمة عشرة الاف باوند او اذا المبلغ الذي يطلبونه وبعد ذلك يرسلون الى الغرف في المستشفى او مدخل الجناح الذي انت تمر عليه الفواتير واذا قرب ان ينتهي المبلغ يطلوبون منك بادب ان المبلغ خلص يرجى وضع مبلغ تحت التحصيل وانا احط الشيك الثاني.
بس للعلم هذا المستشفى حكومي بس ممتاز وهذا هو الذي وقعت معاه وزارة الصحة للادارة مستشفى الوطني للاطفال

 

[ابو عيسى]

الله يبارك فيكم ونصايحكم على عيني وراسي

وانا قلت براسل كل من الي اي استفسار ولا خلا ولا عدم

وعساكم ذخر والعيد عليكم مبارك وتقبل الله طاعتكم

 

[الصدق منجاة]

الله يشافي مرضاكم
اخوي بالنسبه لعلاج بنتك يعتمد على التشخيص اولا اذا كانت المريضه علاجها طويل المستشفى يطلب كفاله بنكيه او من السفاره او رصيد عالي عندهم بالنسبه للتشخيص عند دكتور عام تقريباب300باوند بالمستشفيات الخاصه اما العيادات الخاصه تكون ارخص
في طريقه اخرى علاج مجان وهو المستشفيات الحكوميه وفيها شروط وهو يعتمد على حالتها والبدايه تكون عن طريق الاسعاف
بالنسبه لاجار الشقق اعتقد من شهر سبتمبر تنزل الاسعار الى النصف واذا تبي ارخص ابتعد عن اجوررود
سامحني على المداخله انا بعيد عن لندن وماعندي فكره عن اسعار الشقق حاليا ​

احسنت يا اكتون

هذا رقم عراقي يابوعيسي لك وللاخوان اللي يبون يرورحون
اسمه محمد ابو امير عنده كم شقه جنب مستشفي كرومويل العماره الحمرا معروفه واجار الشقق عنده من 250 الي 300 اسبوعيا استوديوا بس نظيفه وستلايت عربي احسن من ادجور رود كله فيران الله يلوع جبودهم

الرقم : 07765162796

والافضل اذا اكدت حجزك تتصل فيه عشان ترتب معاه تراه سمح​

وعيدكم مبارك​

 

[BO-MUBARAK]

لا تنسى قبل لا تعالج بنتك سوووووووووووووووووووووووو تأمين صحي يطلع عليك العلاججج ببلاش

 

[ابو عيسى]

احسنت يا اكتون

هذا رقم عراقي يابوعيسي لك وللاخوان اللي يبون يرورحون
اسمه محمد ابو امير عنده كم شقه جنب مستشفي كرومويل العماره الحمرا معروفه واجار الشقق عنده من 250 الي 300 اسبوعيا استوديوا بس نظيفه وستلايت عربي احسن من ادجور رود كله فيران الله يلوع جبودهم

الرقم : 07765162796

والافضل اذا اكدت حجزك تتصل فيه عشان ترتب معاه تراه سمح​

وعيدكم مبارك​

عساكم من عواده وان شاءالله بتصل عليه وقواك الله ورايتك بيضه

لا تنسى قبل لا تعالج بنتك سوووووووووووووووووووووووو تأمين صحي يطلع عليك العلاججج ببلاش

ابشر ولاهنت يابو مبارك


بسأل لازم يكون عندي فيزا وماستر

ماعندي إلا بطاقه البنك العاديه ؟؟

وعيدكم مبارك