الصداع

[الموحد1]

ياجماعه صداع دائم وين اروح يشخصلي سببه؟

مكانه فوق الحاجب الأيسر بالجبهه

نصايحكم تجاربكم الله يحفظكم

 

[ريح المسك]

ماتشوف شر ان شاءالله انصحك اول شي مراجعة الطبيب المختص

وعتقد ماتشتكي منه صداع نصفي المعروف بالشقيقه..

اذهب للدكتور المختص وتجنب السهر والقرب من شاشات التلفاز او الكمبيوتر

ويقولون ان الحجامه تنفع بشرط تجد رجل مختص بعمل الحجامه يعني لابد من شروطها

مثل تكون صايم ويكون عمل الحجامه من بعد صلاة الفجر حتى الصباح ولاسيما اذا صادفة تاريخ 17 و19 و 21
وحذر من عمل الحجامه بالشتاء او باليل او وانت بعد الاكل وهناك يوم يكره فيه عمل الحجامه لااذكر هل هو يوم الاريعاء او الاثنين ,, اسأل

واذا تريد اعطيك رقم شخص يحجم انا حاضر

اتمنى انى قد وفيت وكفيت .وشكرا

 

[ريح المسك]

قصدي بالصيام ليس صيام رمضان لا .... قصدي تكون صايم يعني تكون على جوع .

 

[B-A-1983-A-B]

اشوف الناس تمدح الحجامة واذا ماتنفعك ماراح تضرك ،،، وفوق هذا كلة الرسول علية افضل الصلاة والتسليم كان يوصي بالحجامة

 

[سرور]

هذا من أثار التكييف والمكان اللي فيه صداع تقول عنه هو الجيوب الانفية

 

[Maxima]

صحيح كلام سرور
جيوب انفية روح عند دكتور مختص
اذا متكاسل روح اقرب صيدلية واطلب منه ماي وملح صحي والصيدلي راح يعلمك الطريقة
وقبل ذلك للأحتياط قم بقياس ضغط الدم

 

[khalid592]

عدل الجيوب الانفيه تسببلي الم يشبه الصداع فوق الحواجب ..

 

[MOHAMMED11]

اعتقد صح كلام الاخوان هذي جيوب انفية . وآنا اعاني منها من سنين
. لدرجة اني ماانام احيانا من الصداع .
تعود انك تستنشق ابماي وملح
وروح دكتور انف واذن وقوله فيني جيوب مسببتلي صداع يعطيك مضاد وان شاء الله الصداع يروح منك . وبالمره خله يفحص اذونك . لان احيانا التهاب الأذن يسبب صداع بعد

وماتشوف شر ان شاء الله

 

[الموحد1]

الله يجزاكم خير والله استفدت من كلامكم اشياء ماكنت اعرفها الله يحفظكم.

 

[بو هباش الكويتي]

جيوب انفيه انا قبلك ماخليت دكتور مارحتله حتى برا الكويت نفس الشي يقولون هذي جيوب انفيه يمكن انا اختلف عند شوي انا صداع صوب الحواجب والم بالعيون حتى ماقدر التفت يمين ويسار بسرعه احس الم عوااار

 

[الموحد1]

سويت اشعه للجيوب الانفيه قالوا سليمه بس عندي حساسيه شديده بنفس جهة الصداع

ورحت سويت فحص نظر قالوا فصّل نظاره للقراءه ومازال الالم موجود بالعين مع الصداع

 

[بيلووو]

أنصحك بالحجامه بس عند شخص مجرب أكرر شخص مجرب و ثقه ايضا

وماتشوف شر

أسأل الله العظيم رب العرش العظيم أن يشفيك من كل مكرررررروه

ويشفي جميع المسلمين و المسلمات

 

[Low Fat]

أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك

أخوي الموحد جرب ترقي نفسك
وبسورة الفاتحه خاصتآ
أقرأها وأنفث بيديك وأمسح على مكان الألم 7 مرات
أو ماشئت ,,
وبإذن المولى عز وجل مع تكرارها سيزول ما تعاني منه ,,,​