استفسار بخصوص الماكسيما 2010ضروووووري جداً

[_fhd]

صبحكم الله بالخير جميعاً ....

اخواني عندي سؤال بخصوص الماكسيما 2010 انا نا وي أأجرها من بيت التمويل على سنتين

علماً بان المقدم 399 دينار و الايجار الشهري 180 دينار يعني على سنتين المجموع 4719 دينار

من ناحية المواصفات فهي اقل مواصفات و شفتها بالوكاله يديده 7565 دينار مع كفاله 5 سنين و عداد مفتوح للكفاله

سؤالي يا اخواني تسوى التأجير و لا لأ مع العلم ان انا بدفع المبلغ كامل كاش

وانتوا عارفين ان الاجار بس علي البانزين بس و التصليح و السيرفس على الشركه


شـــــــــــــــــــــــــــرايكم؟؟؟؟


شرايكم ضروري يا جماعة الخير علشان يمديني قبل العيد

 

[بوو يوسف]

السلام عليكم. مبارك عليك باجي الشهر. اخوي مادام عندك كاش توكل على الله. تدفع اكثر من نص قيمة السيارة 5000 تقريبا حق سنتين مع الفوائد وتعال دورلك سيارة ثانية؟ ولا تزيدهم 2500 وتمتلك السيارة وبعد كم سنة تقدر تبيعها او تثمنها؟ الله يهديك, السيارات اليابانية تعمر وياك سنين. وناس راح اقولولك اي اجرها وماعليك الا البنزين, يعني اتحاتي قيمة السفايف ولا السيرفس مثلا؟واذا تبي حطلها تأمين شامل ذهبي بحدود 400 دينار والله الحافظ. نظام الاجار حق سيارة امريكية واجارها ارخص تسوا. بس مو مكسيما مكفوله 5 سنين حرام. هذي وجهت نظري طبعا واتمنى اني فدتك.

 

[الله ثم الوطن]

اخـوي زود 300 دينار واخذلك كامري وكاله الدرجه العاديه 2010 اصفاااااااااااار ماتحط عليها دينار واحد بس بانزين وزيت وتكون ملك لك وتبيعها باي وقت تبي .. والله يوفقك ويوفق الجميع ..

 

[_fhd]

يعطيكم العافيه يا شباب ما قصرتو

انا صراحه ناوي ابيع سيارتي و اكيش قرض عندي من المبلغ و الباجي قلت ااجر سياره احسن

؟؟؟؟؟؟؟؟ مو خوش راي و شفت ان الماكسيما ذربه و حلوه للاستعمال و شكل حلو و يديد

 

[الاحمـد]

والله اخوي انت دافع حروه الــ5000 دينار

زيدهم حبتين مثل ما قالوا الاخوان وتوكل على الله واشتر موتر

ولو الموتر اللي بتاجره ارخص افضل ، لكن بهالسعر وااااايد وما يسوه

مافي فرق على الكاش ابدا

 

[_fhd]

شوركم و هداية الله

 

[وايلي وربي الله]

أشتر يباا خل عنك بيت التمويل

حراااااام مكسيما 2010 طووس وبدون سنسر وبدون شاشه ومخمل

 

[نبض الهواجر]

اول شي الاجار تكون تحت قيود

اذا تبي تسافر فيها لك مرتيين في السنه
العداد مايتجاوز 30 الف في السنه
البلغ كبير وبصراجه بتدفع وبعد سنتين تبي سياره كاعندك مبلغ تشتري

اخوي عندك فورد فكتوريا 5999 بهذل عيشتها ولا تحد عليها شي وعندك الساير كل سيارات ممتازه 5300

 

[مهم للغاية]

انا رحت جدة ... بالسعودية .... وأجرت المكسيما الجديدة لمدة يومين ... يا جماعة هذي حرام تمشي على الارض ..... هذي مال يحطون لها مدرج طيارات وتدوووووووووووووووووووووس فيها ................ ماشاء الله تبارك الله عليها تسارع .... واستجابة .... جنك راكب سيارة سبورت من النوع السريع جدا ... وفعلا باقي تحط لها جناح وتطير ... فيها عيوب سخيفة .... مثل اذا لفيت فوق تحت ايدك غصب عنك تلمس التحكم مال الراديو والتسارع وتتخسبق قناة الراديو ودرجة الصوت (عيب يضحك صراحة) وبريكها ممتاز .... نازلة اكثر من اللازم يعني بسرعه تحك بالمطبات ولو تمر فوق علبة كلينكس تخاف انها تحوش من كثر ما اهيا نازلة... مكيفها بارد حيل حيل لدرجة انه يسبب لك روماتيزم مبجر ... ديكورها حلو من داخل . ايرباق بكل مكان. الليت الامامي تتحكم فيه ترفعه وتنزله عشان ما تزعج السائق اللي جدامك.... مسجلة السيارة والسماعات نظام اول مرة يمر علي احس ان المذيع قاعد قبالي (صج مو غشمرة) فيها المفتاح الذكي (بصمة) تدوس بريك وتشغل السيارة .... العدادات تتحرك بشكل حلو وترجع مكانها الطبيعي .... اعتقد ان السعر مالها مبالغ فيه زيادة عن اللزوم ..... ما تصلح حق الشباب الصغار (18-25 سنة) لأنها مغرية للسرعة بشكل مجنون.

وقبل الختام.... دفعت فيها مبلغ 600 ريال تقريبا مع الكيلومترات الزائدة وغير نادم اطلاقا على تأجيرها (رجعتنا شباب).


بالنهاية .... ما تصلح انك تشتريها .... لأن معروف عن النيسان انه يطيح سعره بقوة .... وانصحك تاخذ كامري أو اوريون.