السلام عليكم ورحمه الله وبركاته
ذبحونا الشياب بزمنهم
كل ما جلسنا بمجلس طلع النا شايب وخرعنا وصرخ وقال
ااااااااااه على ايام زمان
ما اجمل الماضي
وين ايام زمان وليوم وين
ويجلس يتكلم ولسانه ما يسكت الى ان يرخي براغي باقي الشياب وتشتغل رحمه الله على شباب هذا الجيل
الاول مسوي نفسه رومانسي ويجلس يتكلم عن الحب والعشق في الماضي
ويقارنه بحب هذا الزمن ؟؟
نسى بأيامهم الي يحب ابو ابوه ينسمط وينقطع راسه وراس الي يحبها
ونسى بزمنهم الي يتزوج ما يشوف وجه زوجته ألا بيوم الزواج داخل الغرفه
هذا اذا كان للغرفه وجود من الاساس يمكن يطلع متزوج بخيمه سياحيه
اما الشايب الثاني لالا سالفته تختلف جالس ويتابع قناة الجزيره ويشرب شاي وعامل نفسه سياسي ؟
وكل شوي وقال اااااااااااه على ايام زمان
ما كنا نشوف قتل وذبح وموت اعوذ بالله من هذا الزمن ؟
نسى بزمنهم كان ابن العم يقتل ابن عمه من اجل خروف ؟
ونسى حرب البسوس الي ستمرت اربعين عام بن اولاد العم كانت بسبب ناقه؟؟
ونسى ايام زمان كانت العيشه للاقوياء والغزوات لا تنتهي بين القبائل من اجل العشب الاخضر ؟
ولو كان للقاذفه والبيكيسي وجود بزمنهم كان قضو على البشر
اما الشايب الثالث عامل نفسه طرزان الغابه
يقول رجال هذا الجيل مو مثل رجال ايام زمان
ايام زمان كنا ما نهاب الموت نطلع نجوب الصحراء بليل بدون خوف
اذا شفنا العقرب نشيله بيدينا
واذا شفنا حيه ندوسها برجلينا ؟
لا تستغربون الاخ طرزان ابد ما يكذب هههههههههه
انه متاكد لو كان للحصان المفخخ وجود بزمنهم ما قال هذا الكلام ههههههه
اما الشايب الرابع عامل نفسه ابن سينا
بعد ما رجع من المستشفى وخذله كم ابره وكم حبايه وصار مثل الحصان
جلس وصرخ وقال
اااااااه على ايام زمان
ما كنا نشوف مرض السكر ولا امراض ثانيه وكل الناس عايشه بصحه وعافيه ؟
مايدري لو جاله مرض السكر بزمنهم كان فطس وفطسو معاه كل ناس ايام زمان
اما الشايب الخامس قال
يا ناس تحبون الصراحه ؟
نساء ايام زمان وين ونساء ليوم وين ؟؟
نساء ايام زمان كانت البنت تطلع من الصبح ما ترجع بعد المغرب
تحطب وترعى الغنم وكل اشغال الرجال تعملها المرأه
والرجل يقضي اليوم جالس مع الضيوف ويصيح القهوى ياولد القهوى ؟
واذا جاء اليل ناكل خبز وماي ونام ؟؟
طيب يا حلوو وين راح حليب الغنم والحم
ليش ما كنتو تاكلوه تخافون تنتفخون ؟؟
بهذي الحاله معاهم حق يبكون على ايام زمان اذا مقضينها شرب قهوى والنساء تشتغل عنهم
ومع هذا نسى يقول النا عطر زوجته كيف يكون من تنام معاه بليل
وفي النهايه اقول
عزيزي الشايب عزيزتي العجوز
اذا فاتك الفوت ما ينفع الصوت
والموضوع اعلاه كتب تحت درجه حراره عاليه جدااا ونعتذر عن الاخطاء
وسلامتكم
منقول
.... يكدون ويتعبون تفكيرا بالمستقبل لتكوين أسرة ببيت مستور ...فما يحتاج اتطرق لهم
