شنو اكثر سهم ربحت منه؟؟واكثر سهم خسرت مننه؟؟

[منور]

يعطيكم العافيه رواد منتدى مؤشر نت..اول مره اكتب موضوع وبصراحه ببالي اعرف الاسهم اللي لها ذكريات حلوه والاسهم اللي لها ذكريات مرره معاكم..
وانا حالي حالكم وادري اغلبنا خسرانين .بس ان شاء الله يرزقنا ويرزق الجميع
بالنسبه لي شخصيا:
- الي خسرني وايد(اكتتاب - هتس تلكم)
وربحي كان بصكووووك واجيليتي)
لا تبخلون علينا بمشاركاتكم...

 

[Metalforever]

ممكن نغير السؤال إلي " شنو اقل سهم خسرت فيه و شنو أكثر سهم خسرت فيه"
ههههه

بالتوفيق.

 

[منور]

اي والله..على قوله القايل..البورصه مثل القرقور اذا دخلت فيه صعب تطلع مننه..
شكرا عالمرور اخوي metalforever

 

[سهمك اخضر]

اكثر سهم ربحت فيه الصفوه + بيتك


واكثر سهم خسرت فيه الله يعزكم قرين قابضه

 

[مجموعه اسهم]

اكثر سهم ربحت فيه المستثمرون و اكثر سهم خسرت فيه الصفوه

 

[faisal134]

سهمك اخضر اشلونك؟؟؟

وضحكتي الله يعزكم


انا اكثر سهم ربحني و ونسني جراند
واهوا اكثر سهم ماخسرني بس دمرني

 

[منور]

لوووول اي والله صدقت (الله يعزكم)
مرات من كثر ما انت خسران ملووع جبدك السهم ودك ..الله يعزكم تشووووته ولا تقرب يمه ولا تشوفه اصلا..واذا ارتفع عقب خسااره..الله يعيين
حياكم وشكرا عالردوود

 

[606060]

السلاام عليكم
الموضوع جميل جذبني الله يعطيك العافية يامنور
لأنه يبرد الجبد الله يبرد جبودكم بانعاش و ارتفاع الاسهم وتعويض خسايركم وزياده حبتين
بالنسبة لي أفضل سهم ربحت فيه هو الصناعات الوطنية
وأتعس و أنحس سهم الخليجية للمال و انتوا بكرامة

 

[منور]

الله يعوض خسايرك وخسايرنا وهذي اللعبه ربحان وخسران..
((يارب تجعلنا من الفايزين بالجنه.وتعطينا خير الدنيا والاخره)
يالقارين قولوا امييين

 

[الصريح والصحيح]

أكثر سهم ربحني أسمنت الشارقه

وأكثر سهم خسرني التجاريه

 

[AL_RAGI]

الله يعيد ايامها بالخير اكثر شركة ربحت فيها الشبكة سنة 2008 واكثر شركة خسرت فيها منشآت سنة 2008 من سعر 320 الى 70 فلس​

 

[مضارب بورصوي]

انا اكثر سهم ربحت منه التنظيف والمستثمرون والتمويل الخليجي واكثر سهم خسرني الديره طيح الله حظها ومبرد

 

[غني نفس]

اكثر سهم ربحني جراند
اكثر سهم خسرني جراند
؟؟؟؟؟

 

[محترف الاسهم]

اكثر سهم ربحنى مركز سلطان
اشتريته سنة 98 على سعر 82 فلس وسافرت لمدة اربع سنوات للعمل فى احدى السفارات الكويتيه فى الخارج ولما رديت ما كنت متابع السوق بسبب ازمة صدام
بعته عام 2004 بدينارين وثمانين ودشيت بمبلغ ضخم على جراند اول يوم ادراجه عام 2005 على 495 فلس وبعته على 980 فلس فى هالوقت قررت التقاعد من العمل الحكومى
وبفضل الدار وايفا وجلوبل وتمويل الخليج خسرت كل الارباح و45% من راس المال
الحمد لله على كل شىء اولا واخيرا

 

[ADEL ALAZMI]

اكثر سهم ربحني سهم الناقلات بــسوق قطر الشراء 17.6 البيع 42

واكثر سهم خسرني الرابطه !!!!!!!!!!!!!!!!!!!!!!!

من عقبها توووبه استثمار

 

[شمس العصر]

ربحت عربى قابضة شريتة 390
وبعتة 780 ربحى كان 50 الف
كنت شارى اجل

خسرت عربية عقارية شريت 260
شريتها اجل طلعنى برة السوق
خسارت43 الف

 

[Legal]

انتم هذه حالتكم بس جذي اكثر شي ربحت فيه واكثر شي خسرت فيه .

اكثروا من استغفار وراح تكونون من الرابحين بإذن الله

 

[zizo 40]

شريت الدانه ب50 فلس قبل سنه ونص, بعت نص الكميه على 124فلس والباقى على 200 فلس

أما النكسات وايد, السلام وجلوبل والصفوه والرابطه

الحمدلله على كل حال, بس المهم تعلمت درس ما أنساه
ستوب لوووووووز

 

[مجموعه اسهم]

اكثر سهم ربحنى مركز سلطان
اشتريته سنة 98 على سعر 82 فلس وسافرت لمدة اربع سنوات للعمل فى احدى السفارات الكويتيه فى الخارج ولما رديت ما كنت متابع السوق بسبب ازمة صدام
بعته عام 2004 بدينارين وثمانين ودشيت بمبلغ ضخم على جراند اول يوم ادراجه عام 2005 على 495 فلس وبعته على 980 فلس فى هالوقت قررت التقاعد من العمل الحكومى
وبفضل الدار وايفا وجلوبل وتمويل الخليج خسرت كل الارباح و45% من راس المال
الحمد لله على كل شىء اولا واخيرا

هاهاها . صراحه انت اكثر واحد عجبني ربحك و خسارتك . لو مو متقاعد جان ما خسرت . الله يعوض خسايرنا انشالله

 

[عصويد]

اسمنت ابيض شاريه العام ب62فلس وربحني منحه كاش 10% وربحية اكثر من 27فلس وناطرينه يدبل انشالله مع كاش السنه الجاية