للبيع مليون سهم بالشركه الكويتيه الالمانيه

[ناطر البيت]

للبيع مليون سهم بالشركه الكويتيه الألمانيه لأعلى سعر. ...

 

[ezee]

انا ما ادرى على جم سعرهم ولا شنو نشاط الشركة ولا اعرف اى شى عنها ولكن ابى اعطى سعر ان اعجبك انا شراى وان ما اعجبك براحتك

انا اخذ المليون سهم على الف دينار وان اعجبك ارسل بالخاص

وما فى اى سومة زعل والله لا يجيب الزعل

 

[بوعبدالوهاب]

يعني سعر السهم بفلس. ههههههها
حدك قوي

 

[ناطر البيت]

الأخ ezee
شرايك تاخذهم ببلاش مو أحسن ؟
اخوي اذا ماتعرف بالأسهم لاتدش هالمنتدى احسن

 

[الباحث الشرعي]

هذي شركه مدفوع من راس مالها النص
و عندها اسهم في شركة المانيه مالت نجارة
اذا حاب اتبيعهم اخوي انا اشتريهم كلهم منك بالف دينار

بالتوفيق اخوي

 

[ناطر البيت]

الأخ الباحث الشرعي
انت تقول مدفوع من راس المال النص يعني 50 فلس
يعني قيمة المليون سهم 50 الف دينار....شلون تحط السهم قيمته فلس ؟؟؟
ياجماعه تكلمو بشي معقول .....
عموما لمعلوماتك الخاصه...
الشركه الكويتيه الالمانيه شركة تستثمر في مصانع المانيه
واول شركه غير مدرجه بالكويت توزع ارباح 5% وهي لم تدرج ....
وارباحها لاول سنه 20 مليون وكبار مساهمينها هم:-

'الساحل للتنمية والاستثمار' بنسبة 30% بعدد اسهم 300 مليون سهم، 'الوطنية الدولية القابضة' بنسبة 6.5% بعدد اسهم 65 مليون سهم، 'فؤاد محمد ثنيان الغانم' بنسبة 5% بعدد اسهم 50 مليون سهم، 'ناصر محمد الساير' بنسبة 4.8% بعدد اسهم 48 مليون سهم'، الاستثمارات الصناعية والمالية بنسبة 4% بعدد اسهم 40 مليون سهم.

ومتوقعين الادراج السنه القادمه لانها ستكمل 5 سنوات

ولعلمك الخاص مدفوع الحين 70% من راس المال يعني مايعادل 70 الف دينار كل المعلومات هذي وثقل كبار مساهمينها وتقول السهم بفلس ,,,,؟

قلنا الغير مدرجه تنباع بسوق الجت ....بس ترى مو قاعدين نبيع جت
حتى الجت اغلى من سعركم

 

[ezee]

الأخ ezee
شرايك تاخذهم ببلاش مو أحسن ؟
اخوي اذا ماتعرف بالأسهم لاتدش هالمنتدى احسن

يا يبة يا عزيزى انا سبق انى شرحت وقلت لك انا ما اعرف عنها اى شى وهم قلت لك لا تزعل واشوفك عصبت على وانت تعرف ان السومة ما تزعل احد اسهمك عندك وحلالى عندى يا خوى

وهم لا تزعل كل اسهمك على الفين دينار نشترى زعلك بالف دينار

 

[ناطر البيت]

الله لا يجيب الزعل يالحبيب
انت صاج السوم مايزعل
شرايك بألفينك اعطيك سهم واحد
اذا موافق انا حاضر
تحياتي

 

[ezee]

الله لا يجيب الزعل يالحبيب
انت صاج السوم مايزعل
شرايك بألفينك اعطيك سهم واحد
اذا موافق انا حاضر
تحياتي

سهم واحد الله يهديك
انا اتكلم عن مليون سهم
شكلك زعول
ولا يهمك انا اسحب كلامى وهونت ما راح اشترى منك مليون سهم حتى بنص دينار

 

[ناطر البيت]

مادري منو الزعول فينا الله يهداك
انت سمت بفلس واحد وقلت ماكو زعل وانا مازعلت
وليش انت زعلت على لما عطيتك سومتي

عموما على راحتك اذا تبي سهم واحد بألفين والتحويل عليك انا حاضر

تحياتي

 

[ezee]

ههههههههههههههههههههههاااى وربى ضحتنى من قلب يا خوى الله يسعدك دنيا واخرة وهم لا تزعل وهاذى بوسة على خشمك وراسك امواااااااااااااة

 

[ناطر البيت]

مشكور يالحبيب على حسن اخلاقك
ونرجع لك بوستك بوستين
ولاتزعل ترى اتغشمر معاك لأنك صرت عزيز علي
وفداك الاسهم وراعيها
تحياتي

 

[ezee]

قول امين فى هالشهر الفضيل ان الله يرزقك بو احد يشتريهم منك بالسعر اللى يربحك ويرضيك اللهم امين وانت يا خوى هم عزيز وغالى وانا والله كنت اتغشمر معاك

 

[بوالعيس بيك]

عفوا شباب عندي سؤال هذي هوشه ولا مزاد علي اسهم؟

 

[ناطر البيت]

جزاك الله ألف خير ومليون حسنه
والله يرزقك من حيث لاتدري الرزق اللي يخليك ما تكون بحاجة لسهم واحد قول امين
تحياتي

 

[البندر=stock]

معـــــــــــــــــــــــــروض لدينا
أسهم شركة الكويتيه الالمانيه
البنـــــــــــــــــــــــــــــــــــــــــدر
لبيع وشراء الاسهم الغير مدرجه
97559974
99660520
94456266
22420303​

 

[q8_king1]

قرب ادراجها بالسوق وشركة ناجحة بس بالوضع الحالي والازمة الاقتصادية ماتوقع تطوف 80 الي 90 فلس بالبورصة

 

[q8_333]

سعر

للبيع مليون سهم بالشركه الكويتيه الألمانيه لأعلى سعر. ...

السلام عليكم
اخوي جم طالب فيهم

 

[فرحان288]

معروض
لدينا اسهم الشركه الكويتيه الالمانيه
ابومشاري
لبيع وشراء الاسهم الغير مدرجه
99028808​