بخصوص اقرار دين بالمحكمه بالتوثيق ضروري جدا

[Knights]

السلام عليكم ورحمه الله وبركاته

يا جماعه الخير اانا اطالب واحد وافد بدون ذكر جنسيته مبلغ وقدره 6 الف دينار
وسوء لي اقرار دين بالعدل في برج التحرير بتاريخ 15-6 الي طاف
انه يسدد لي دفعه وحده عند طلب الحاجه وانا قايل له تاريخ 6-7 فلوسي ترجعني والحق ما ينزعل منه وياليتني ما وثقت فيه
المهم رحت بتاريخ 10-7 المخكمه وسوء لي انذار حق عنوانه بالبطاقه المدنيه
وبعد اسبوع كاتبين يرد
وانا متاكد انه مو عنوانه بس قالو نمشي على البطاقه المدنيه
قلت اوكيك امري لله
المهم قلت ابي ارشاد هالكلام بمحكمه العاصمه قالو تدل بيتهم قلت اي نعم
بالجليب وعنده شركه هناك اعرفها ويقعد فيها
قال خلاص روح محكمه الرقعي يطلع وياك واحد ارشاد
رحت هناك قالو مو شغلنا وانطر مندوب الاعلان وانطر يوميا اداوم عندهم وللاسف لا يداوم ولا شيء
وحسبي الله ونعم الوكيل
ابي حقي يرد هل شغلي قانوني ومع العلم الي موقع بالاقرار اثنين شهود واحد اخوه يعني ادري راح يرد بكلامه وقت المحكمه والثاني ارفيجي اهو الي كافله لي بعد وانا اعرفه للاسف معرفه خساره وشكلها لعبه بينهم
وللاسف درب المحكمه طوويل
ابي رايكم يالطيبين تكفون اخوكم اول مره يدش محكمه ومارح ادشها الا بتوثيق عقد زواج ان شاء الله وتوبه اثق باقرب الناس لي ولا ابي اسلف احد
شنو العمل سهله ولا يبيلها محامي السالفه واخليها عنده وجم اتعابه يحسبونها ؟

 

[فريح الكوح]

طريجك صح جذي ، بعد الانذار عندك امر الاداء يختصر لك الدرب .. بس انتبه : ممكن القاضي يرفض يعطيك امر الاداء وتضطر ترفع دعوى مدنية ..

انصحك اتوكل محامي .

 

[Knights]

ان شاء الله بوكل محامي بس ابي التوكيل للمحامي شلون يصير
وهل المحامي يخلصني بسرعه ان شاء الله واتعابه يستلمها بعد ما ناخذ فلوسنا ان شاء الله عدل اخوي؟

 

[القراشي]

ان شاء الله بوكل محامي بس ابي التوكيل للمحامي شلون يصير
وهل المحامي يخلصني بسرعه ان شاء الله واتعابه يستلمها بعد ما ناخذ فلوسنا ان شاء الله عدل اخوي؟

صدقني ماتحتاج محامي انا مريت بنفس الموضوع وسهلات
المحامي بياخذ مبلغ وقدره وبيسوي نفس ماراح تسوي انا مجربها

 

[Knights]

ما تقصر والله يا ابو خالد
عساك ذخر وعساك سالم يا رب ولا يحطك بهالموقف ثاني مره ولا احد غيرنا ان شاء الله
حسبي الله ونعم الوكيل

 

[فريح الكوح]

بالنسبة لقبول امر الاداء : مع محامي » اضمن « (نصيحة بدون مقابل)

طرقية الاتفاق مع المحامي شيء خاص بينكم ، وممكن يصير باي طريقة تتراضون عليها

 

[Knights]

مشكور اخوي المحامي بس بعرف الاتعاب يستلمها بعد ما يجيب الفلوس ان شاء الله
قاعد ادور محامي زين وسعره حلو وشغيل ابيه يخلصني بسرعه بسرعه بفتك من هالمصيبه
اللهم لا تبلانا ولا تبلاء المسلمين يا رب

 

[القراشي]

مشكور اخوي المحامي بس بعرف الاتعاب يستلمها بعد ما يجيب الفلوس ان شاء الله
قاعد ادور محامي زين وسعره حلو وشغيل ابيه يخلصني بسرعه بسرعه بفتك من هالمصيبه
اللهم لا تبلانا ولا تبلاء المسلمين يا رب

والله يا خوي انت مكبر الموضوع ترا سهلات بدون محامي بعد
تروح المحكمه وترفع دعوه وتحضرها وتخلص اذا كان بيدفع اما اذا مايبي يدفع مشكله .
لان اذا سويت عليه منع سفر وقبض وانتهت اقامته ومسكوه الشرطه يتسفر
بتسألني وفلوسي شلون عليها ؟
تاخذ الحكم وتوديه سفارته ويقدرون المبلغ من الكويتي الي عملة ديرته وتوثقها من الخارجيه الكويتيه بـ5 دنانير وترفع عليه قضيه بديرته والمحامي بالكويت ساعتها يقولك ابي اتعابي الانه تسفر ومالي شغل لانك موقع معاه عقد اتفاق
لان هذا اللي صار معاي يا خوي
والمثل يقول اسأل مجرب ولا تسأل محامي

 

[Knights]

اي والله صدقت وانا اخوك ما قصرت بو خالد
انا مشكلتي كلها بالانذار معاد ما في طريقه ثانيه وشنو اعلان نيابه ؟

 

[القراشي]

اي والله صدقت وانا اخوك ما قصرت بو خالد
انا مشكلتي كلها بالانذار معاد ما في طريقه ثانيه وشنو اعلان نيابه ؟

اعلنه عن طريق عمله اذا تعرف وين يشتغل

 

[القراشي]

بتقولي عنوان البطاقه المدنيه غير السكن الحقيقي ؟
تروح الرقعي وتروح حق القاضي/ خالد فهد الحمدان محترم والله بالدور الرابع وتكتب كتاب يد عند السكرتاريه قبل ماتروح غرفه الاعلان
وهذي الصيغه
ارجو التكرم بالموافقه على الاعلان على عنوان سكنه المعلن إليه وهو ........حيث لدي عنوان السكن والعمل لان العنوان بالبطاقه المدنيه وهمي وليس سكنه في العاصمة وارجو الاعلان على منطقة........
ولكم جزيل الشكر والاحترام
وتطلب ارشاد وراح يوافقلك على طول نفس ماصارلي
وبالتوفيق وانا حاضر بأي استفسار
انا مو محامي بس هذي واقعه عشت فيها

 

[Knights]

ان شاء الله بسويها وانا اخوك

 

[مليونير$]

سوي امر اداء بعد الانذار الى تنطر 5 ايام عليه لو ما استجاب سوي امر اداء ادفع رسوم المحكمه وبجلستين وانت منزل عليه حكم وبعدين سوي تنفيذ عليه وتنطر يصيدونه او يحجزون على الى عنده والله كريم

وبعدين اكو واحد يسلف بدون هالقيمة ؟ الكويتي ونتخاف تسلمه هالايام وهو ولد البلد

وانت شنو فايدتك من هالسلف يعني؟ لك نسبه ولا عموله ولا شنو بالضبط

 

[مليونير$]

لو عندك مشكله بالاعلان تقول للقاضي هذا عنوانه كان مساجر وطالع منه وما اعرف وين مكانه ابي اعلنه بمواجه النيابه
وهو خلاص تحدد جلسه تحضر فيها ويكونون المندوبين معلنينه بالنيابه المهم انت مالك شغل شنو مواجه النيابه المهم شغلك

وبعدها يحكملك القاضي بالمبلغ وبعدها تنفذ عليه وتابع لان لو اهملتها ممكن سنين ومايسدد ييب الشرطة عند عنوانه وخليهم يمسكونه

 

[Lawyer25]

السلام عليكم ورحمة الله وبركاته ..

اخي الفاضل صاحب الموضوع .. نصيحة لوجه الله تعالى اقرأ موضوع الاخ ( رحالي ) وهو اهمية الاستعانه بمحامي..