طريقة بناء الشاليه

[delly]

السلام عليكم جميعا

عندي شاليه و ودي ابني فيه 3 ملاحق

المهم اكو بناء من قبل اشوفه قديم شوي بالشاليهات او الجواخير احيانا يكون بنيان عادي طابوق بس السقف يكون كيربي . تعرفون شنو الاسم المتعارف لهذا النوع من البناء؟

هل هو مكلف؟ و و شنو عيوبه؟ و اخيرا تعرفون شركة متخصصة بهذا البناء؟

 

[delly]

معقولة محد يبي يرد هذا و احنا بشهر الخير

 

[عضو نشط]

السلام عليكم و رحمة الله و بركاته = هذا رقمي =97755557 = وانا ممكن افيدك اتصل علي

 

[Golden8]

اتصل على اي شركة مقاولات وقولهم سقف كيربي

كلهم يعرفونه

وتكلفته اقل من العادي

 

[BO NASSER40]

السلام عليكم ورحمة الله وبركاته
اول شي
مبروك عليك الشاليه والله يوفقك فيه
شوف ولد عمي ما انصحك بسقف كيربي لاني مجربه بيت الوالد بنيان طابوق والسقف كيربي وعازل مع الوقت يخر
بس اذا تسوي نظام طابوق وخل السقف يكون قرميد الاصلي اول شي يكون شكله احلى وعازل حراره بس بيني وبينك يكلف اكثر من الكيربي العادي والاختيار لك

واسف على ازعاجك وموفق
اخوك يوسف النقي

 

[صقر3]

اخوي تبي نصيحه خلهم يسون لك طابوق عازل الابيض وتحت وفوق شناج وفوقه صبه خفيف 5 سنتي مايكلفك وعلي فكره سعر الكيربي غالي والحديد مو مثل قبل اسعار زمان راحت موووفق اخوي

 

[عــلى]

والله كلام اخوى صقر 3 تمام
بس حط بالك كل المقولين مبطلين حلوجهم عبالهم الكويتى بير نفط
انا حصلت ناس قالو لى نبى اسود قسمين شغل ايد 2500 وناس قالو 5000 شوف الفرق
طماعين طبعا السقف صبه والكيربى ترا مايفرق بالسعر شى بسيط جدا

 

[delly]

مشكورين على الردود الطيبة

 

[delly]

بس بعرف يعني شاليه مستطيل شكله مساحة 17*4 متر , 68 متر مربع كم ممكن يكون سعره اذا عنكم لا تبخلون تكفون يالحبايب

 

[صقر3]

اخوي اضرب طوال مع العرض يطلع لك المساحه وبعدها اضربها قول 60 دينار يطلع سعرر تقريبااااا انتبه تقريباااااا