6 دنانير

[بوغيث]

بدش بالموضوع حصل معاي امس بالليل وكان موعد استلام تصليح نظاره من محل نظارات وبختصار شديد رحت المحل بعد صلاة التراويح وقال لي تعال بعد ساعه وبنفس خايسه كان انا الغلطان بشي المهم بعد ساعتيين اتصل على المحل وقال النظاره وصلت ولاحظنا كسر بالعدسه ورجعتها المحل الرئيسي بالفروانيه والمحل بالفحيحيل لأعادة التصليح فا اصريت ان النظاره ترجع لي الحين وبدون تصليح وطال الحديث لين قالي شنو بتسوي يعني مابيدك شي انا سمعت هالكلمه بط جبدي قلت بكل بساطه بقدم بلاغ للمخفر والوصل موجود وبعدها بحولها قضيه على شي مايسوى هذا اللي بيدي وراح تشوف وسكر الخط وانا لا حاط بالي اروح مخفر ولا شي بعد ساعه دق باب البيت ولا هندي من نفس محل النظارات ومعاه عدسات بقيمة 25دينار ترضيه لين تخلص نظارتي الموضوع ومافي والسؤال هل كنت املك ممسك قوي بسبب تاخر موعد الاستلام 24 ساعه وارجو الافاده لان امر بهالموضوع واجد والمعامله السيئه من المحلات وادعو الجميع اللي اهمية الوصل لان لو ماعندي وصل ما اعتقد يهتمون بالموضوع علما ان تصليح النظاره 6 دنانير​

 

[فريح الكوح]

تقدر تشتكي بحماية المستهلك ( التجارة)

بس .. التصليح ب6 والترضية ب25 !!

اقول : تعوذ من ابليس وطوفها

 

[بوغيث]

انا طوفتها وخلصت بس تهديد بسيط شوف شنو حصل معاي فا المحلات اخذ وخل بالتاخير والمماطلات

 

[XxX7GoOoGEXxX]

بو غيث انت انسان معاك وصل

يعني معاك دليل على تسليمهم شي


وما حصلك كان خوف على سمعة المحل ممزوج بأبرة تهدءه لك عشان لا تتهور


عموما المحل اذا كان كاتب بالوصل موعد التسليم

فهذا يعتبر التزام عليه

تقدر من خلاله ترجع عليه بالتعويض اذا تأخر


لكن اذا ما كان فيه موعد تسليم


لما تشتكي يقدرون الوقت المتعارف عليه


عموما

شدتني ال 6 دنانير ههه


كلامك صحيح بالنسبه للوصل امر ضروري جدا جدا جدا


لان بدون الوصل اساس يقدر المحل يقولك اي نظاره تتكلم عنها ما سلمتني شي


وين دليلك انك سلمتني شي

 

[بوغيث]

شاكر لك على الرد يالغالي

 

[M7ROOS]

الى اخوي وخيي بوغيث

بوغيث والله بطو جبدي ادري غثوك بس
خيي مال الحلال مايضيع عاد انا ما احب اشوف واحد من
عائلة بوغيث مضايق اقوم الدنيا واقعدها ::verymad::

 

[بوغيث]

بوغيث والله بطو جبدي ادري غثوك بس
خيي مال الحلال مايضيع عاد انا ما احب اشوف واحد من
عائلة بوغيث مضايق اقوم الدنيا واقعدها ::verymad::

حبيبي والله