ناوي ان شاء الله اروح الصين ... تسجيل طلبات .

[اخر العنقود2]

السلام عليكم ورحمة الله وبركاته

اخواني انا ان شاء الله ناوي اروح الصين احتمال على تاريخ 2/9

وبجيب اكسسورات كمبيوتر ... وشنط نسائيه ... واشياء كثيره

اذا احد يبي شي اجيبه معاي حاضرين نسجل طلباتهم ويدفع لنا عربون واعطي فاتوره من محلى .

اخوكم : ابو عبيد ​

 

[ابو تركى 1]

جم تلفونك اخوى بوعبيد لانى ابى جناط نسائيه او اتصل على رقمى 94949460

 

[أ ح ـمد]

بو عبيد .. تقريبآ أن بغيت تجيب لي شنط نسائيه وساعات نسائيه جم يبيلي تقريبآ ( المبلغ ) ؟

 

[اخر العنقود2]

مــوعــد الــسفــر 2/9
العودة 13/9

قبل 13/9 بيومين اكون مخلص اجراءات الشحن وارساله للكويت يعني تقريبا على 22/9 بالكويت البضاعه

والله هو اعلم ويسهل الامور.

لانه تــاخذ اسبوع الى 10 ايام بالشحن .

 

[اخر العنقود2]

بو عبيد .. تقريبآ أن بغيت تجيب لي شنط نسائيه وساعات نسائيه جم يبيلي تقريبآ ( المبلغ ) ؟

اخوي على حسب الكمية تحتاج وعلى حسب الجوده والدرجه

صعبه اعطيك رقم بشكل عشوائي .

 

[::فزاع::]

طيب اخوي جم عمولتك؟

 

[اخر العنقود2]

للرفع اخووي عمولتي على حسب البضاعه .

 

[SA7AB]

لو ماعليك امر ابوعبيد ابي جنطة لاب توب بجم المراسله على الخاص وتسلم

 

[اخر العنقود2]

لو ماعليك امر ابوعبيد ابي جنطة لاب توب بجم المراسله على الخاص وتسلم

بعد راسي اخووي انا اشتغل على الكميات مو الحبه .

الله ماكثر محلات اللى بحولى شكثرهم ورخيصه تحصله بدينارين يمكن .

 

[حبر ليزر]

اخوي


عندي محل كمبيوتر

ابي اكسسوارات كاملة حق المحل من مجاميعه

كم

 

[اخر العنقود2]

اخوي


عندي محل كمبيوتر

ابي اكسسوارات كاملة حق المحل من مجاميعه

كم

حياك الله اخووي ... على طول كم

التجاره مو جذي بالقوي هذي ...

شنو الأشياء المطلوبه مثال ؟؟
اتمني ترسل علينا على الخاص الاشياء المطلوب والكميه والنوعيه

اسجلهم عندي واذا رحت اهناك اشوف الاسعار واتواصل معاك .

 

[ديوان الحاكم]

أخوي ابي جم جهاز اي فون4
على جم جهاز اي فون 3g
والعدد حسب السعر؟
اذا ممكن خاص​

 

[اخر العنقود2]

اخوي سجلت طلبك عندي ان شاء الله اروح اهناك اشوف لك جميع الاسعار وابلغك .

 

[for sell]

اخوي انصحك لله
استفيد من الكل وجيب كونتينر للميناء
بس اتوقع انك تأخرت في موضوعك
انشر بالوسيط اذا تبي تلحق


بالتوفيق والله يرزقك ويرزق المسلمين

 

[اخر العنقود2]

اخوي انصحك لله
استفيد من الكل وجيب كونتينر للميناء
** اكيييد راح اجيب كونتينر للميناء اجل وين ؟ بجيبه

بس اتوقع انك تأخرت في موضوعك
** ليش هي لحق مالحق ... الرجاء توضيح ..؟

انشر بالوسيط اذا تبي تلحق


بالتوفيق والله يرزقك ويرزق المسلمين

الرجاء التوضيح .... ​

 

[مضارب أون لاين]

أخوي آخر العنقود ..
الرجاء إبداء حسن النية ..
الأخ for sell ظاهر كلامه النصيحه
وواضح أنه يبيك تستفيد أكبر إستفاده ممكنه ..

وأنت الظاهر فهمت أنه يستهزئ فيك لاسمح الله ..
رمضان كريم علينا وعليكم أجمعين ..
وتروح وترجع بالسلامه إن شاء الله..

 

[اخر العنقود2]

الله يعطيك العافيه والله يسلمك ...

 

[teacher]

بعض الردووود تضحك




الله يعينك

 

[الاحمـد]

موفق
خير