ابي مساعده ومعلومات عن بلغاريا والعروض للعيد

[بـوعلي]

ابصراحه ابي معلومات عن بلغاريا
وااسعارهم ومطاعمهم
وابي شنو احسن العرووض حق العيد بو خمس ايام عائليه؟؟
وكل عام وانتم بخير​

 

[بـوعلي]

وين الشباب ؟؟

 

[العاشق]

ياهلا اخي العزيز

طرح هالموضوع قبل هالمره وتناقشنا فيه

ارجع له وراح تلقا بعض الاجابات ​

 

[بـوعلي]

يسلموووووووووووو

 

[ADEL ALAZMI]

بو علي ... خير الكلام مــ قل ودل

عائله لاتفكر بلغـــــــــــاريا

 

[العاشق]

بو علي ... خير الكلام مــ قل ودل

عائله لاتفكر بلغـــــــــــاريا

منتجعات فارنا صح باجي بالغاريا روح وانت مغمظ راح تستانس حيل

وارجع للموضوع السابق اخي راح تعرف بعض التفاصيل ​

 

[ADEL ALAZMI]

وجهه نظر من العاشق
واحترمها
وانا قلت رايي بخصوص بلغاريا ..... بس بو على اذة رديت ياليت تعطيني انطباعك عن الرحله

بالتوفيق

 

[بـوعلي]

مشكورين وانا حجزت وانشاءالله بوافيكم بالاخبار

 

[سرور]

بلغاريا ممتازة ولكن اهلها يختلفون عن الاوربيين

 

[MOHAMMED11]

بلغاريا حلوه صراحة وفوق الحلوة .. واسعارها بالنسبة لغيرها انا عن نفسي اعتبرها رخيصه .. واذا السفره عائلية روح صاني بيج . لكن ابعد عن الشاطئ شوي .. وعلى فكره هذي المنطقة او صاني بيج افضل من فارنا بكثير وأمن . فارنا عصابات وشوي مو مو امان لكن ساني بيج تمشى بأي وقت مافي خوف ... وعندك للعائلة رحلات سفاري حلوه وممتعه .ورحلات القرى. لكن لو كانت الرحلة شباب اكيد بتكون احلا ... والله يعينك على الاكل هناك . دخنا يالله لقينا مطعم اكله حلال . واهو بــ صني بيج مقابل البريد . اكيد بتزوره لو رحت هناك . فيه برياني جميع الانواع . واسمه اذا ماني ناسي نيودلهي .


بالنسبة للشعب نفسية شوي فلا تسولف معاهم كثير او بالاصح لاتعطيهم وجه

وبالنسبة لعملتهم اسمها ليفا . لاكن لاتخرد إلا من اللي عليها صورة التاج . نسيت اسمها صراحة . يمكن اسمها كراون .. ولازم تاخذ معاك يورو من هنيه وتخرد هناك . المية يورو تطلع 193 ليفا واليفا قيمتها 200 فلس كويتي بحسبتنه

وبعد شنو امممم . ماادري اسأل وانا اجاوبك لان ماصار لي شهر راجع من هناك

 

[العاشق]

بهالرابط شوية معلومات ممكن تفيدكم

http://www.indexsignal.com/forum/showthread.php?t=241981​