بكل اسف شاب كويتي يطلب عمل حتى لو خادم

[MaLoOoK]

بسم الله الرحمن الرحيم ..
مبارك عليكم باجي الشهر ..

شــاب 20 سنة كويتي طالب بكلية الدراسات التجارية صارله سنتين يدور شغل .. قدم على البنوك ( بارت تايم ) وشركات قطاع الخاص وللأسف محد ساعده وحتى المؤسسات الحكومية.. وللعلم الشاب شقردي وطموح ويبي يتوظف عشان يقدر يكمل جامعة على حسابه الخاص .. فقلت احطله موضوع يمكن احد منكم يساعده .. للعلم الشاب مايطلب الكثير واذا حصله الراتب المناسب يشتغل حتى لو خادم .. فاللي يقدر يساعده جزاه الله خير

هذا رقمه : 67612661
او مراسلة على الخاص او العام ..
وسامحوني ..

 

[كحيلآن]

وين ساكن ؟!

 

[.:. عطر .:.]

لو يبسط بخضرة و رطب بالشارع ياخوي اشدعوة كويتي مستعد يشتعل خادم عشان الدراسة ماشاء الله بس راتب الخادم ما يسوي له شي للاسف

الله يرزقه وظيفة محترمة لو عندي ما تأخرت .

 

[MaLoOoK]

الريال ساكن بصباح السالم

 

[delly]

من كثر الوافدين بالديرة ماكوا مكان للكويتي ... الله يكون بعونه

 

[كويتيه @]

لاحول ولاقوة الا بالله

خادم !!

الله يوفقه ويفتح له ابواب الرزق يا رب

 

[Balloons Shop]

انصحيه يغير تفكيره وطموحه وتفاءلوا بالخير تجدوه

 

[al.jamly91]

الله يوفقه ويرزقه ويحقق احلامه يارب ونشوفه عالم يارب

 

[MaLoOoK]

اي طموح واي بطيخ الوافدين ماخلو لقمة عيش الا وكلوها .. الله كريم

 

[Al_Zain]

اي طموح واي بطيخ الوافدين ماخلو لقمة عيش الا وكلوها .. الله كريم

الرزق على الله سبحانه وتعالى هو مقسم الارزاق


ولقمة العيش ربج يقسمها مو الوافد ولا الكويتي ولا أحد


واعلانج مو منطقي ابدا ً ، يدرس على حسابة الخاص ؟ زين ليش مايقدم على اعانه ؟ او منح ؟ لو وضعهم صعب ، ليش مايروح اي لجنة خيرية عندهم وظائف ؟


اعتقد ان الطرح خانج بشكل كبير


والله من وراء القصد


اعتذر لو اسأت

 

[كويتي صعب]

الله يفرجها عليهان شاءالله.....بس لي عتب صغير....على طلب وظيفة خادم اولا الخادم راتبه لايتعدى 60 دينار .....لو سجل باحدى الشركات الخاصه وقدم على دعم العماله لاستلم اقل شي 365 دينار .........وراح اتصل فيه وابلغه بطريقه تفيده ان شاءالله

 

[ابوخالد لمتد]

والله مدري شئ يحير

وين الحكومه عنه

حكومه ناايمه بالعسل

انا اقول ماعنده واسطه ولا بالكويت اذا مو واسطه ولا ماتمشئ

واتركو عنكم المواطنيني سوى سيا كلام ماخوذ خييييييره

لاكن ماقول غير الله لايوفق اللى كان السبب

الله لايوفق اللى بيده الامر وموقفه

وهذي دعواتي وانا صاايم

 

[نبض الهواجر]

السسسلام

أول شي الجمعيات التعاونيه توظف ابناء منطقتهم فترة الصباحيه او المسائيه

ثاني شي يقدم على وزارة الدفاع عسكري ويكمل دراسته العصر وجامعه المفتوحه وكلية الاستراليه وغيرها من الكليات في فترة دراسة مسائيه

ثالث شي المشروعات السياحيه توظف في قطاعتها كلها


ياجماعة الخير العيب في الشباب الكويتي يبي معاش من غير شغل مثل قبل جم يوم واحد يبي بيت في مشرف 3 ادوار 200 الف

انته تقول تبي وظيفة خادم والحمدالله الكويت ديرت خير وعيالها بخير

 

[بـ1ـدر]

حتى لو خادم ؟
مو لازم يتوظف علشان يكمل دراسته .. يجيب معدل بالتجاري ويدخل احسن جامعة خاصة على حساب الحكومة من بداية دخوله الى نهايتها !

 

[Bo-SaNaD]

شنو هالخرابيط وين قاعدين احنا كويتي ماعنده شغل شسالفه يبا اقل مافيها يدش القطاع العسكري وعلى كلامج انه يكمل جامعه يعني شهادته ثانويه عامه يدش رقيب اول بالداخليه او رقيب بالدفاع وراح يستلم معاش بعد مايتخرج مو اقل من 700 دينار وبعدها يكمل دراسته في زنجبار ان شاء الله كيفه دامه محتاج اللحين مو ضروري يدرس يوقف قيده ويكمل بعد ماياخذ معاش

بس اعتقد الاعلان فيه شي من اللف والدوران والله اعلم

 

[MaLoOoK]

اول شي السلام عليكم جميعا .. واشكركم على تفاعلكم بالموضوع .. وياجماعة الخير اللي داش وموقاري حتى الموضوع بس يبي يرد هذا الشي انا ارفضه .. والريال ماقال هالكلام الا من القثة والقهر اللي حايشه لانه قدم على وايد اماكن .. حتى القطاع العسكري ( الداخلية ) .. بس المشكلة حكم القوي على الضعيف واللي ماعنده واسطه مايعيش .. وياجماعة الخير ترى السالفة ماتحتاج هالاتهامات من تلفيق ولف ودوران شهالكلام .. الناس صايمة والدنيا رمضان وشاطره بالقذف واساءة الظن ... اعتذر اذا ظايقت احد بكلامي .. والكويت للحينها بخير انشالله بأميرها واهلها وناسها ..

 

[ابو سعد الشمري]

السلام عليكم ورحمة الله وبركاته


اخواني الكرام جزاكم الله خير الي عنده شي يقدر يفيد فيه الاخت فاليتكلم او يسكت

والله يفرجها عليه والله يخلق عبيده ولان ينساهم ابدن

والله يوفق الجميع بفعل الخير

 

[Bo-SaNaD]

اول شي السلام عليكم جميعا .. واشكركم على تفاعلكم بالموضوع .. وياجماعة الخير اللي داش وموقاري حتى الموضوع بس يبي يرد هذا الشي انا ارفضه .. والريال ماقال هالكلام الا من القثة والقهر اللي حايشه لانه قدم على وايد اماكن .. حتى القطاع العسكري ( الداخلية ) .. بس المشكلة حكم القوي على الضعيف واللي ماعنده واسطه مايعيش .. وياجماعة الخير ترى السالفة ماتحتاج هالاتهامات من تلفيق ولف ودوران شهالكلام .. الناس صايمة والدنيا رمضان وشاطره بالقذف واساءة الظن ... اعتذر اذا ظايقت احد بكلامي .. والكويت للحينها بخير انشالله بأميرها واهلها وناسها ..

انا عن نفسي قريت الموضوع عدل وبعد ماشفت الرد هذا هم رديت قريته عدل واكتشفت شي جديد

فقره صارله سنتين يدور شغل محد رضى يشغله؟؟؟؟؟؟؟؟؟

يعني خلال هالسنتين لما كان يقدم على القطاع العسكري ولا مره اقبلوه انا ارد واقول هالكلام مو صحيح

لان دوره الرقباء الاوائل ماتحتاج واسطه عشان الواحد ينقبل فيها هذا من ناحيه الداخليه

اما من ناحيه الدفاع فالقبول فوري وانا اضمنه له دزلي رقمه خاص وانا اتصل عليه وانسق وياه وادخله الدوره

احنا مانلفق ولا نلف ولا ندور احنا نتكلم بالواقع ولا قاعدين نتهم الناس بس الشي المنطقي نحترمه اما الضحك على الذقون فهذا اللي نرفضه وارجع واقول ان هالكلام مو صحيح واعتقد ان الهدف من ورا هالموضوع اللي مادري شلون قايل الهدف منه الضجه وزياده المشاركات

اما اذا كان الولد اهو اللي مايبي القطاع العسكري ويبي لقمه عيشه تكون سهله وبارده مبرده هذا شي راجعله ولا ينطبق عليييه الكلام اللي مكتوب عنه في اول الموضوع

ويابو سعد رد اقرى الموضوع وحط الاحتمالات المنطقيه لهذا الموضوع في عقلك راح تلاقي انه فعلا موضوع مال امه داعي

هذا رايي الشخصي لان مافي كويتي يموت جوع احنا بلد خير وحتى الاسر المتعففه عندهم عيال يشتغلون

دمتم بود اعزائي​

 

[MaLoOoK]

بوسند حبيبي الريال قدم على رقبة اوائل الداخليه من سنتين وماقبلوه وكلامي صحيح .. ومو انا اللي احط موضوع حق المشاركات .. وكلمن يرى الناس بعين طبعه .. ودمتم سالمين ياجماعة الخير

 

[كحيلآن]

أخوي

أنا كلمت النائب " محمد الحويلة "

وقال خله يجي الديواينة أو يتصل عليه ويشرح موضوعه

وإن شاءلله موضوعه منحل

اليوم أحط لك رقمه الشخصي