تقييم الكفائه السنوي المحكمه الاداريه

[pepsi_250]

ارغب في رفع قضيه بتعديل تقييم الكفائه السنويه

س1: اقدر ارفع القضيه بدون محامي يعنى انا اكتب المذكره؟

س2: في احد يقدر يفيدني بمذكرات لقضايا سابقه بنفس الموضوع تفيدني في كتابة القضيه؟


وشكرا

 

[fayoona74]

اي تقدر بحسب امكاناتك
المستشارين بالادارة القانونية بوزارتك شرط يكون متمكن وواثق منه
او تييب سوابق قضائية واحكام وتطبق على حالتك
في وايد قضايا بس يعتمد على شنو حالتك والادارة القانونية بوزارتك عندهم وايد منها مليون بالمية

 

[pepsi_250]

انشالله في امكانيه
المشكله الخصم الاداره القانونيه ماتوقع افيدوني
حالتى تم تقييمي لسنتين 2008 و 2009 جيد وانا اتظلم من التقييم لانى استحق افضل
قدمت تظلم للجهه وتم رفضه
انا احتاج سوابق قضائيه واحاول اطبقها على حالتي اذا عندج مذكرات في مجال تدزينهم ايميل واكون شاكرلج لانه هذا اخر اسبوع قدمت تظلم ولم يرد عليه وهالاسبوع اكمل 60 يوم

 

[fayoona74]

اغلب الحالات اللي مرت علي يكسبون الحكم يكونون طول سنوات الخدمة ممتاز واخر شي جيد جدا اوجيد فالمحكمة تحكم لهم على اساس مافي مستجدات استدعت تقليل تقييم كفائتهم
ادا تحب راسلني عالخاص ادزك على محامي اعرفه اخد استشارة منه ادا تحب
انت عشان المدة ارفع القضية بسرعه وعلى ماايي موعد الجلسة تكون جهزت مدكرتك
بعدين جم تظلم مقدم اهو واحد العبرة بالاول وتسري عليه المواعيد جيك ليكون فاتتك دير بالك
بالنسبة للاحكام للاسف ماعندي

 

[pepsi_250]

اول شي مشكوره عالرد السريع
انا في هالجهه خدمتى ثلاث سنوات اول سنه ممتاز وبعدها جيد انا قدمة تظلم واحد عن تقييم الكفائه السنوى
المستجدات الموجوده عند الجهه وعلى اساسها تم رفض التظلم هي التاخير عن العمل وتم ربطه بباقي عناصر تقييم الكفائه
وبالنسبه للمحامين للاسف ما اثق فيهم
واسمحيلي كثرت الاسئله عليج

 

[fayoona74]

لا عادي اخوي شدعوة اسال مثل ماتبي سهرانين
شوف انت لان تقييمك السابق مو ممتاز وماتظلمت منه او ماكملت الاجراءات شوي هدا بيضعف موقفك
ثاني شغلة التقييم له نمودج من الديوان فيه عناصر معينة يتم التقييم على اساسها فانت حاول تحصل على نسخة منه وتشوف بشنو نقاط الضعف عندك
ثالث شغلة كل شغلك راح يكون على اثبات ان عناصر التقييم ماهي مضبوطة وماتعكس الحقيقة
مثلا التأخير عن العمل له درجة معينة خل نقول 10 تقريبا ممكن تاثر على باجي التقييم ادا عندك نقاط ضعف ثانية مثلا عدم الدقة باداء العمل
فمحد يقدر يفيدك بموضوعك الا لما يقرا اوراقك
انا انصحك اسال عن احسن مستشار عندكم بالادارة القانونية واقعد معاه واسمع منه ترا يساعدون بس اهم شي يكون فاهم وحاول تاخد منه احكام مشابهة وياكثرها من احكام
انا عندي موظف هالسنة ناوية عليه جيد بعد الممتاز هم لانه مو ملتزم بالدوام وهدا انعكس سلبا على جودة العمل وكميته يعني شفت شي ياثر على شي اهم شي تلقا ثغرة بالتقييم وتطعن على اساسه

 

[pepsi_250]

مشكوووره وايد
اذا خصمك قاضي منو تقاضي
الادارة القانونيه ابكبرها خصمي ماتوقع يفيدوني
هذا بالضبط الى بسال عنه هل من الممكن احد النقاط تاثر على باقي النقاط واشلون اثبت عدم تاثرها
يعنى انا فعلا اتاخر وتم اثبات هالشي بالشئون الاداريه اشلون اثبت انه ما اثر على باقي النقاط يعنى ما اثر على الدقه في اداء عملى مثلا
وبالمقابل التاخير انا اعوضه باوقات بعد اوقات العمل الرسمي يعني اذا اطبق 7 ساعات عمل تقريبا بغض النظر عن التاخير
هذا آخر سؤال

 

[fayoona74]

عاد شلون تثبت تعتمد على ادائك بالعمل مثل ماقلت لك التاخير يؤدي الى قلة الاعمال المنجزة مثلا وفعلا لها تأثير سلبي على اداء العمل يعني شنو استفيد من واحد يداوملي الساعة 9 مثلا خاصة ان حضور الموظف وانصرافه من مسئولية الرئيس المباشر وطالع فيها قرار من مجلس الخدمة
عشان تعرف اول خطوة لازم تعرف عناصر التقييم وتشوفها دقيقة او لا لان اساسا التأخير ينخصم من راتبك
ومن العناصر اللي تفيدك العمل اللي قمت فيه كتب الشكر اللي حصلت عليها مثلا وايد اشياء بس شرط تكون ملموسة مو كلام شفوي
انا اقول ادا صج مظلوم ارفع قضية وانت وحظك اما ادا راعي تأخير فلاتلوم رئيسك وابتدي معاه بداية يديدة وحاول تنتظم لان عملك امانة برقبتك
والادارة القانونية مو خصمك بتلقا فيهم ناس تساعد انت جرب منت خسران

 

[pepsi_250]

انا فعلا راعي تاخير بس بشهادة الزملاء والمدراء اشتغل بضمير
الله يسهل ومشكوووره وايد وجزاج الله الف خير وانشالله في ميزان اعمالج

 

[fayoona74]

العفو اخوي ماسويت شي وانا لو منك التزم بشغلي واداوم مبجر ويريت تطمن شيصير معاك

 

[ابو عبدالله333]

هل مستوى الكفاءة من حق الموظف الاطلاع عليه واذا كان نعم شنو السند القانونى ؟ واذا لا ايضا شنو السند القانونى؟

 

[fayoona74]

نعم من حقه وفورمة التقييم اللي تطلع من الديوان فيها مكان مخصص لتوقيع الموظف

 

[ابو عبدالله333]

فيه اداره من الادارات يطلبون توقيع الموظف واقتراحاته لتطوير العمل وبعدها يسلمها الى مسئوله وهو يقدر تقيمه ويدزها الى الوزاره بدون علم الموظف شنو تقديره ابى شنو هل يوجد قرار من الديوان بانه يجب ان يطلع الموظف على تقريره

 

[fayoona74]

يمكن يكون فيه بس صراحة ماشفت قرار يقول ان لازم الموظف يطلع على التقرير بشكل صريح لكن النمودج اللي يطلع من الديوان فيه خانة مخصصة للموظف الى ان من حق الموظف التظلم فشلون يتظلم والتقييم سري مايصير
بعدين شعلاقة تقرير تطوير العمل بتقييم الموظف

 

[ابو عبدالله333]

مشكوره فيونه احتمال يكون الخانةالمخصصه للموظف للتظلم هى التى تثبت انه من حقه الاطلاع

شعلاقة تقرير تطوير العمل هو المقصد انه هناك خانات كثيره فى تقرير الكفاءه لابد من ان الموظف يكون كاتب فيها وبعدها يتم تقيمه بشكل سري حتى لا يمكنه التظلم بعدها وهذا نوع من الظلم الله يكفينا شر الظلم ظلمات يوم القيامه

 

[fayoona74]

لا مو بالتظلم الخانة اللي اتكلم عنها تكون بالتقييم لان التظلم ماله نمودج محدد يقدم باي صيغة كانت بعدين خانات التقييم لعناصر الكفائة تعبأ من الرئيس المباشر مو الموظف

 

[auto-car]

مساكم الله بالخير

الاستاذة فيونة المحترمة ، بالنسبة للغياب والاجازات المرضية هل تؤثر في الحصول على الامتياز ، أحد الاخوة قال لي المهم في آخر السنة يكون لك صافي حضور ( 100 يوم ) في السنة بغض النظر عن الغياب أو كثرة الحصول على المرضيات ، نريد منك الافادة ومشكورة والله يعطيج العافية

 

[fayoona74]

اي نعم يؤثر ادا كان له تأثير سلبي على اداء العمل ويخضع لتقدير الرئيس المباشر وهو يضع الدرجات بالنمودج
واحد يحضر كل يوم وينجز معاملات قول 5 باليوم والثاني كله غايب وينجز بالاسبوع 5 هل يتساوى الاول مع الثاني اكيد لا

 

[Yousef.]

السلام عليكم
استاذه فيونة ابي مساعد على كتابة مذكره للقاضي بشان التظام لتقويم الكفاءة السنوي
اذا ممكن ، راح اكلف عليج
وشكرا

 

[fayoona74]

ممكن بس ماعرف وضعك بالضبط عشان اكتبلك الصحيفة يبيله الاطلاع على تفاصيل ومستندات احيانا الشخص العادي ينقل الصورة مو مثل ماهي بالاوراق والواقع فلازم القانوني يكون مطلع عشان يحدد نقاط الخطأ من الادارة وفي ضوئها يتم اعداد صحيفة الدعوى