نصيحة غالية لا تشتر عقار خارج بلدك

[سرور]

لاحظت كثير من الناس يحرص على شراء شقة خارج بلده ولذلك وجدت سلبياتها أكثر من ايجابياتها فالأفضل أن يسكن الواحد منا بالايجار أو الفندق والموضوع مطروح للنقاش:
1ـ بعض البلدان تضع ضرائب مرتفعة على الأجانب .
2ـ اسعار الماء والكهرباء مرتفع .
3ـ الكثير دخل بمشاكل مع شركات كانت تعرض الشقق عن طريق الصحف أو المعارض التي تقام كل سنة ويعطونك الشمس بيد والقمر بيد.
4ـ التزامك سنويا أن تذهب لهذا البلد للسياحة وأهلك يرغبون رؤية بلدان أخرى.
5ـ بعض الحراس يستغل غيابك ويؤجرها بالباطن ولو كان معك المفاتيح .. بعض الحراس لهم طرقهم الخاصة.
6ـ سحب وايرات التلفونات من شقتك واستخدامه وقت غيابك.
7ـ يستغل جارك موقع شقتك . فيهدم الحائط الفاصل بينك وبينه ويوسع شقته على حسابك وهذه القضايا تأخذ وقت ليس بالقليل ، فيفاوضك بأرخص الأسعار .

 

[بوالعيس بيك]

كلامك صحيح 100%

 

[almofareg]

صدقت في ذلك

 

[عجبي]

من طلع من داره قل مقداره

 

[Low Fat]

أشكرك من أعماق قلبي

ودمت بحفظ المولى.​

​

 

[abdullah6868]

كلامك صحيح وخاصة ربعنا اهل الدول العربية حدث ولا حرج
الفندق وكل سنة دولة من باب التجربة افضل بكثير
مشكور على الموضوع الممتاز طال عمرك

 

[away1979]

شكرا لك على النصيحة​

 

[سرور]

أشكر الجميع على المرور .. ونتمنى منكم نصائح ثمينة
في مواضيع أخرى لتعم الفائدة

 

[الدميرة]

مساكين اللي شروا شقق برا الكويت

لازم يسافر نفس الدولة سنويا ويصرف اكثر من الايجارات هناك على نفس الشقة

طيب شنو الحل ؟

اسهل حل هو :


قيمة العقار اللي تبي تشتريه برا

اشتر فيهم على الاقل اسهم شركة زين شوف جم يعطونك ارباح سنويه

بقيمة هذه الارباح تقدر تسكن في احسن فندق في اي بلد تبيه

بنفس الوقت اسهمك عندك في جيبك وتقدر تبيعها في اي وقت وتصرفها


بس العقار برا اشلون تصرفه بسرعه

 

[سهمك اخضر]

عدل كلامك كله عدل

والله حصلت جدام عيني سالفه بيع الشقق بالمعارض

وبالعقد شرط المحاكمه بمصر طبعا" القضاء غير نزيه هناك

 

[العاشق]

بصراحه اذا انت شاري عقار يسوا وموووو غاشينك ماعليك خلاف ان شاء الله

ممكن تبيعه بأي لحظه ولاااااا تربح بعد من وراه وهذا اعتقد الاستثمار اللي ممكن تستفيد منه

اماااا تأجيره وغيره راح تدوخ سبع دوخات وماطلع منه شيء يسوا

انا ولد عمي شرا شقه في مكه قريبه للحرم جددها بالكامل وخسر عليها

الحارس يأجرها يوميا ويقوله ماتأجرة طاح عليه من الاثاث يشوفه استهلك والحبيب يقول تأجرة بس 7ايام هالشهر ولااااا يقول انه يأجرها بخمس مية ريال ماتجيب اكثر

كان ولد عمي موجود في شقته بمكه دقيت عليه وقلتله شوفلي شقه يمك

قال تعال انت وحاج حارس العماره بنفسك فيه شقه يمي بشوف جم يأجرها

وصلت مكه ورحت للحارس وقالي اي عندي شقق تبدا بسبع امية ريال

وراني الشقه اللي يم شقة ولد عمي هدامه وماتنسكن قال هذي 800 ريال ولاااااااا تسولف

دقيت علو ولد عمي طلع من الشقه يحمد ربه الحارس اني كنت موجود ولا جان حاذفه ولد عمي من السطح

الزبده باع الشقه بربح حلوووووووووو الحمد لله وماكان يستفيد من الاجار الى الاجار اللي عن طريقه هو وبالمواسم مثل رمضان والحج​

 

[kuwaity9]

الصراحه كلام جميل

<<---يفكر يبيع

 

[soud_ss]

يعتمد على الدولة الي تشتري فيها

 

[بو شيشه]

لا ياخوك هذا يعتمد عالشراي
الشراي لازم يكون منتبه و فاهم بعقاره اللي حاب يشتريه ويكون دارسه دراسه
مو معقوله يقط فلوسه بعقار برا وهو ما يدري عنه شي ولا شصير فيه
الحمدالله انا عندي شقة ب 6 اكتوبر قريبه من الجامعه واللي مأجرينها طالبين خليجيين والأمور ماشيه ماكو احلا منها وفوق هذا اعطيهم بالسنه شهر مجانا لانهم ينزلون ديرتهم بالعطل...ترا مشروع حلو ومربح وانا اشتريت الشقه يوم شفت واحد من الربع شاريله بنفس المنطقه و مرتاح بتأجيرها عالطلبه
انا مأمن الحارس عليها رجال يخاف الله و امين

 

[NoOoOoR]

يعتمد على الدولة الي تشتري فيها

اغلب المشاكل اللي صارت للمستثمرين خارج الكويت

من (مصر ) مشاكلها ما تخلص

 

[NoOoOoR]

مثل ما قالوا بعض الاخوان على حسب الدوله اللي تشتري
فيها العقار والمنطقه والجهة اللي تتعامل معاها
الغش وارد في كل مكان بس مو كل الدول
وايد ناس مستثمره عقارات خارج الكويت
ومرتاحه ...

وبالنسبه للضرائب المستثمر او صاحب العقار يلتزم بقوانين الدوله
اللي شاري فيها ..

وشكرا ع الموضوع

 

[بوالعيس بيك]

::

اغلب المشاكل اللي صارت للمستثمرين خارج الكويت

من (مصر ) مشاكلها ما تخلص

أأأأخ يامصر خلونا ساكتين احسن اخاف يسكرون الموضوع وطبعا انتو فاهميني شبقول..بمصر مايحبون المال الحرام كلش بالمره موليه ابدا خالص خالص::verymad::::verymad::::verymad::..

 

[بوعوف]

حد جرب العقار في سوريا ؟؟